فوتو: اشىق دەرەككٶز
سىبايلاس جەمقورلىققا قارسى اگەنتتٸك جىلدىڭ العاشقى ٷش ايىنىڭ قورىتىندىسىن جارييالادى, دەپ حابارلايدى Ult.kz.
🔹 بيۋدجەت قارجىسىن قورعاۋ:
اگەنتتٸك 21,2 ملرد تەڭگەنٸڭ تيٸمسٸز جۇمسالۋىنا جول بەرمەي, 6,4 ملرد تەڭگەنٸ بيۋدجەتكە قايتاردى. ۇلىتاۋ, الماتى جەنە جامبىل وبلىستارىنداعى ٸرٸ قارجىلىق بۇزۋشىلىقتار توقتاتىلدى. مىسالى, جەزقازعان قالاسىندا جولدارعا بٶلٸنگەن 1,2 ملرد تەڭگە شىعىننىڭ 350 ملن-ى ٷنەمدەلسە, قوناەۆتا 1,2 ملرد تەڭگەگە باعالانعان جەر ۋچاسكەلەرٸنٸڭ قۇنى تٷزەتٸلدٸ.
🔹 كەسٸپكەرلەردٸڭ قۇقىقتارىن قورعاۋ:
3 مىڭعا جۋىق كەسٸپكەردٸڭ مەسەلەلەرٸ شەشٸلٸپ, جەتٸسۋ وبلىسىندا سۋ تاريفتەرٸنٸڭ قايتا قارالۋى ارقاسىندا 23 ملن تەڭگە ٷنەمدەلدٸ.
🔹 سىبايلاس جەمقورلىق تەۋەكەلدەرٸ:
67 تالداۋ جٷرگٸزٸلٸپ, 500-دەن استام ۇسىنىس جاسالدى. تۋريزم سالاسىنداعى قارجىلاندىرۋدىڭ اشىق ەمەستٸگٸ مەن ۇلتتىق پاركتەردٸ تيٸمسٸز باسقارۋ سيياقتى جٷيەلٸ مەسەلەلەر انىقتالدى.
🔹 قوعامدىق شارالار:
450 مىڭ ادامدى قامتىعان 3 مىڭنان استام ٸس-شارا ۇيىمداستىرىلدى. «تەرتٸپتٸ ٶزٸڭنەن باستا!» اكتسيياسىنا 390 مىڭ وقۋشى مەن ستۋدەنت قاتىسىپ, ادالدىق قاعيداتتارى ناسيحاتتالدى.
🔹 قىلمىستىق ٸستەر:
770 ٸس قوزعالىپ, ونىڭ 300-گە جۋىعى اياقتالدى. قىلمىستىق ٸستەر بويىنشا مەملەكەتكە 15 ملرد تەڭگە قايتارىلدى.
اگەنتتٸك باسشىسى اسحات جۇماعالي جەمقورلىق تەۋەكەلدەرٸن جويۋ, قوعامداعى زاڭدىلىقتى كٷشەيتۋ جەنە ازاماتتاردىڭ ەل-اۋقاتىن جاقسارتۋ باعىتىندا جۇمىستى جالعاستىرۋعا تاپسىرما بەردٸ.
