Foto: ashyq derekkóz
Sybailas jemqorlyqqa qarsy agenttik jyldyń alǵashqy úsh aiynyń qorytyndysyn jariialady, dep habarlaidy Ult.kz.
🔹 Biýdjet qarjysyn qorǵaý:
Agenttik 21,2 mlrd teńgeniń tiimsiz jumsalýyna jol bermei, 6,4 mlrd teńgeni biýdjetke qaitardy. Ulytaý, Almaty jáne Jambyl oblystaryndaǵy iri qarjylyq buzýshylyqtar toqtatyldy. Mysaly, Jezqazǵan qalasynda joldarǵa bólingen 1,2 mlrd teńge shyǵynnyń 350 mln-y únemdelse, Qonaevta 1,2 mlrd teńgege baǵalanǵan jer ýchaskeleriniń quny túzetildi.
🔹 Kásipkerlerdiń quqyqtaryn qorǵaý:
3 myńǵa jýyq kásipkerdiń máseleleri sheshilip, Jetisý oblysynda sý tarifteriniń qaita qaralýy arqasynda 23 mln teńge únemdeldi.
🔹 Sybailas jemqorlyq táýekelderi:
67 taldaý júrgizilip, 500-den astam usynys jasaldy. Týrizm salasyndaǵy qarjylandyrýdyń ashyq emestigi men ulttyq parkterdi tiimsiz basqarý siiaqty júieli máseleler anyqtaldy.
🔹 Qoǵamdyq sharalar:
450 myń adamdy qamtyǵan 3 myńnan astam is-shara uiymdastyryldy. «Tártipti ózińnen basta!» aktsiiasyna 390 myń oqýshy men stýdent qatysyp, adaldyq qaǵidattary nasihattaldy.
🔹 Qylmystyq ister:
770 is qozǵalyp, onyń 300-ge jýyǵy aiaqtaldy. Qylmystyq ister boiynsha memleketke 15 mlrd teńge qaitaryldy.
Agenttik basshysy Ashat Jumaǵali jemqorlyq táýekelderin joiý, qoǵamdaǵy zańdylyqty kúsheitý jáne azamattardyń ál-aýqatyn jaqsartý baǵytynda jumysty jalǵastyrýǵa tapsyrma berdi.
