سۋرەت: OYU LIVE مۋزىكالىق ارناسى
Ozen لەيبلٸنٸڭ نەگٸزٸن قالاۋشى ايزاتۋللا حۋسسەين تايلاندتا قايتىس بولعان تانىمال ەنشٸ Darkhan Juzz-دٸڭ شىعارماشىلىعىنا قاتىستى پٸكٸر بٸلدٸردٸ, - دەپ حابارلايدى "ۇلت اقپارات".
"Darkhan Juzz - جاڭا تولقىننىڭ العاشقى ەنشٸلەرٸنٸڭ بٸرٸ. ول ميلليونداعان ادامدى قازاق مۋزىكاسىنا عاشىق ەتٸپ, كٶپ ادام ٷشٸن انا تٸلٸن ٷيرەنە باستاۋعا تٷرتكٸ بولعان. ونىڭ ٶمٸرٸ قىرشىنىنان قيىلدى, بٸراق دارحان كٶپ نەرسەنٸ تٷسٸنٸپ ٷلگەرگەن ازامات ەدٸ. كەيٸنگٸ كەزدەرٸ ول شىنىمەن باقىتتى ٶمٸر سٷرٸپ جاتقان.
Juzz-دٸڭ البومى اياقتالماي قالدى. بٸز ونى مٸندەتتٸ تٷردە اياقتاپ, شىعارامىز. بارلىق ەننٸڭ قۇقىعىن ۇلى ادي مەن قىزى ايداناعا مۇرا رەتٸندە رەسٸمدەيمٸز. ەر ستريمينگتەن تٷسەتٸن قارجى 100 پايىز وتباسىنا بەرٸلەدٸ. بٸزدٸ دارحاننىڭ مۇراسىن ساقتاۋ جولىندا ٷلكەن جۇمىستار كٷتٸپ تۇر. ونىڭ ەندەرٸ مەڭگٸلٸك شىرقالا بەرسٸن", - دەلٸنگەن لەيبلدٸڭ Instagram-پاراقشاسىنداعى جازباسىندا.
ەسكە سالايىق, 24 اقپاندا Darkhan Juzz لاقاپاتىمەن بەلگٸلٸ مۋزىكانت دارحان جٷنٸسبەكوۆ قايتىس بولدى. سول كٷنٸ سىرتقى ٸستەر مينيسترلٸگٸ ٶكٸلدەرٸ دارىندى جاستىڭ ٶلٸمٸنە قاتىستى تٷسٸنٸك بەردٸ.
"تايلاند پوليتسيياسىنىڭ اقپاراتى بويىنشا, 24 اقپاندا پحۋكەت ارالىندا قازاقستان ازاماتى دارحان جٷنٸسبەكوۆ قايتىس بولدى. ول جالعا العان موپەدٸمەن جول اپاتىنا تٷسكەن. كونسۋل مارقۇمنىڭ تۋىستارىمەن بايلانىستا, قازاقستانعا مەيٸتتٸ جٸبەرۋ ٷشٸن قاجەتتٸ قۇجاتتاردى رەسٸمدەۋ بويىنشا جۇمىس جٷرگٸزٸلٸپ جاتىر", - دەدٸ سٸم رەسمي ٶكٸلٸ ايبەك سماديياروۆ.
Darkhan Juzz (دارحان جٷنٸسبەكوۆ) 1991 جىلى 9 تامىزدا الماتىدا دٷنيەگە كەلگەن. ول رەپ ورىنداۋشى, بٸرقاتار ەننٸڭ اۆتورى جەنە ساۋند-پروديۋسەر ەدٸ.
