نۇر-سۇلتاندا «COVID-19 كەزەڭٸندە مەملەكەتتٸك قىزمەت سالاسىنداعى ادام رەسۋرستارىن باسقارۋ: ٷزدٸك تەجٸريبەلەر مەن شەشٸمدەر» تاقىرىبىندا حالىقارالىق ونلاين كونفەرەنتسييا بولىپ ٶتتٸ, دەپ حابارلايدى "ۇلت اقپارات".
قر مەملەكەتتٸك قىزمەت ٸستەرٸ اگەنتتٸگٸ, استانا مەملەكەتتٸك قىزمەت حابى جەنە كورەيا رەسپۋبليكاسىنىڭ پەرسونالدى باسقارۋ جٶنٸندەگٸ مينيسترلٸگٸ ٷيىمداستىرعان ونلاين كونفەرەنتسييا بارىسىندا پاندەمييا كەزٸندە تۋىنداعان مەملەكەتتٸك قىزمەتتەگٸ ادام رەسۋرستارىن باسقارۋ سالاسىنداعى پروبلەمالار جەنە ولاردى شەشۋ ٷشٸن قابىلدانعان شارالار تالقىلاندى.
العى سٶز سٶيلەگەن قر مەملەكەتتٸك قىزمەت ٸستەرٸ اگەنتتٸگٸنٸڭ باسشىسى انار جايىلعانوۆا پاندەمييا كەزٸندەگٸ مەملەكەتتٸك اپپاراتتىڭ جۇمىسىنا توقتالىپ ٶتتٸ.
«COVID-19 پاندەميياسى - بٷكٸل ەلەم ٷكٸمەتتەرٸنٸڭ الدىندا تۇرعان ەڭ ماڭىزدى مەسەلەلەردٸڭ بٸرٸ. بٸراق ول باسقارۋ رەفورمالارىن جٷزەگە اسىرۋعا, مەملەكەتتٸك اپپاراتتى كەڭ كٶلەمدە تسيفرلاندىرۋعا جەنە مەملەكەتتٸك قىزمەتتٸڭ ادام رەسۋرستارىن باسقارۋ جٷيەسٸن قايتا قاراۋعا ىقپال ەتەتٸن مەملەكەتتٸك اپپارات جۇمىسىنىڭ قايتىمسىز ٶزگەرۋٸنٸڭ كاتاليزاتورىنا اينالدى», - دەدٸ ول.
ا.جايىلعانوۆانىڭ ايتۋىنشا, مەملەكەت باسشىسىنىڭ تاپسىرماسىن ورىنداۋ ماقساتىندا وسى قيىن كەزەڭدە مەملەكەتتٸك اپپاراتتىڭ ٷزدٸكسٸز جۇمىسىن قامتاماسىز ەتۋ بويىنشا اۋقىمدى جۇمىس جٷرگٸزٸلدٸ.
«قازٸرگٸ ۋاقىتتا تۇرعىنداردىڭ حقكو مەن مەملەكەتتٸك قۇرىلىمدارعا بارماي-اق, قاجەتتٸ مەملەكەتتٸك قىزمەت تٷرلەرٸن الۋى ٷشٸن مەملەكەتتٸك قىزمەتكەرلەر بارىنشا ٷيلەسٸمدٸ جۇمىس ٸستەۋلەرٸ كەرەك. جالپى, مەملەكەتتٸك اپپارات پاندەمييادان تۋىنداعان داعدارىس كەزٸندە قاتەرلەر مەن كەدەرگٸلەردٸ جەدەل شەشۋ قابٸلەتٸن جەنە تيٸمدٸلٸگٸن دەلەلدەدٸ دەپ ەسەپتەيمٸن», - دەدٸ مقٸا تٶراعاسى.
مەملەكەتتٸك قىزمەت سالاسىنداعى ٶڭٸرلٸك حابتىڭ باسقارۋشى كوميتەتٸنٸڭ تٶراعاسى ەليحان بەيمەنوۆ پاندەمييا كەزٸندە تيٸمدٸ باسقارۋدى جٷزەگە اسىرۋ ٷشٸن قوعامدىق سەنٸمنٸڭ ماڭىزى زور ەكەنٸن اتاپ ٶتتٸ.
«ەلەمنٸڭ بارلىق ۇيىمدارىندا ادام رەسۋرستارىن باسقارۋعا كٶپ كٶڭٸل بٶلٸنۋدە. بٸراق ۇيىمدارعا دەگەن سەنٸمدٸ نىعايتۋ ماڭىزدى اسپەكت بولىپ تابىلادى. پاندەمييا كەزٸندە جاسالعان جۇمىستى تالداۋ نەتيجەسٸندە بيلٸك تارماقتارى مەن قۇرىلىمدارى اراسىندا رەسۋرستاردى, مٸندەتتەر مەن ٶكٸلەتتٸكتەردٸ قايتا بٶلۋ جٷزەگە اسىرىلاتىنى انىق. بۇل ٷدەرٸستە كادر قىزمەتتەرٸنە باسىمدىق بەرٸلەتٸنٸ سٶزسٸز», – دەدٸ ە.بەيمەنوۆ.
كورەيا رەسپۋبليكاسىنىڭ پەرسونالدى باسقارۋ جٶنٸندەگٸ مينيسترٸ سو چونگ حۆان مەملەكەتتٸك قىزمەتتە ادام رەسۋرستارىن باسقارۋ سالاسىندا وسى ەلدە قابىلدانعان شارالار جايلى باياندادى.
سونداي-اق, ونلاين كونفەرەنتسييا بارىسىندا ۋكراينا, ٶزبەكستان, ەىدۇ ۇيىمدارىنىڭ ساراپشىلارى سٶز سٶيلەدٸ. ونلاين كونفەرەنتسيياعا قاتىسۋشىلار مەملەكەتتٸك قىزمەتتەگٸ ادام رەسۋرستارىن باسقارۋ سالاسىنداعى ٶزەكتٸ مەسەلەلەردٸ تالقىلاپ, تەجٸريبە الماستى.
.jpeg)