مەسكەۋ تٷبٸندە اپاتقا ۇشىراعان ان-148 ۇشاعىندا بولعان بارلىق جولاۋشىلار مەن ەكيپاج مٷشەلەرٸنٸڭ اتى-جٶندەرٸ انىقتالدى. ولاردىڭ تٸزٸمٸ رەسەي فەدەراتسيياسى تٶتەنشە جاعدايلار مينيسترلٸگٸنٸڭ رەسمي سايتىندا ورنالاستىرىلدى. اجال قۇشقان جولاۋشىلاردىڭ ٷشەۋٸ - بالالار, دەپ جازادى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
بۇعان دەيٸن حابارلاعانىمىزداي, بٷگٸن مەسكەۋدٸڭ دومودەدوۆو ەۋەجايىنان كٶككە كٶتەرٸلگەن ان-148 جولاۋشىلار ۇشاعى كٶپ ۇزاماي راداردان جوعالىپ كەتتٸ. كەيٸن ۇشاق قالدىقتارى مەسكەۋ وبلىسىنىڭ رامەنسك اۋدانىندا تابىلعانى مەلٸم ەتٸلدٸ. «ساراتوۆ ەۋە جەلٸلەرٸ» كومپانيياسىنا تيەسٸلٸ ۇشاقتىڭ بورتىندا 65 جولاۋشى مەن 6 ەكيپاج مٷشەسٸ بولدى. ولاردىڭ بارلىعى اجال قۇشتى.
تاسس اگەنتتٸگٸنٸڭ «ساراتوۆ ەۋە جەلٸلەرٸ» كومپانيياسىنا سٸلتەمە جاساپ حابارلاۋىنشا, قازا بولعان ادامداردىڭ تۋىستارىنا شۇعىل كٶمەك رەتٸندە 100 مىڭ رۋبلدەن تٶلەنەدٸ.
«100 مىڭ رۋبل كٶلەمٸندەگٸ شۇعىل كٶمەكتٸ الۋ ٷشٸن كٶز جۇمعانداردىڭ تۋعان-تۋىستارى "الفاساقتاندىرۋ» اق-عا جٷگٸنە الادى», - دەلٸنگەن كومپانييا اقپاراتىندا.
ەۋە كەمەسٸ اپاتقا ۇشىراعان ورىندا 150-دەن استام ادام مەن 20 تەحنيكا جۇمىس ٸستەۋدە. تجم باسشىسى ۆلاديمير پۋچكوۆتىڭ ايتۋىنشا, قۇتقارۋ جۇمىستارى تەۋلٸك بويى جٷرگٸزٸلەتٸن بولادى.
اپاتقا نە سەبەپ بولعاندىعىنا قاتىستى رەسمي اقپارات جوق. تەرگەۋ كوميتەتٸ قايعىلى وقيعا اۋا رايىنىڭ ناشارلاۋى, ەكيپاجدىڭ قاتەلٸگٸ, سونداي-اق تەحنيكالىق اقاۋ سالدارىنان بولۋى مٷمكٸندٸگٸن ايتۋدا. ەزٸرگە, وقيعا ورنىنان بٸر قارا جەشٸك تابىلدى.
«دومودەدوۆو - ورسك» رەيسٸن ورىنداعان ان-148 ۇشاعىنىڭ اپاتقا ۇشىراۋ فاكتٸسٸ بويىنشا «ابايسىزدا سوڭى ەكٸ نەمەسە ودان كٶپ ادامنىڭ ٶلٸمٸنە الىپ كەلگەن ەۋە كٶلٸگٸن پايدالانۋ جەنە قوزعالىس قاۋٸپسٸزدٸگٸ ەرەجەلەرٸن بۇزۋ» بابىمەن قىلمىستىق ٸس قوزعالدى. ٸس تەرگەۋ كوميتەتٸنٸڭ ورتالىق اپپاراتىنا بەرٸلدٸ.
رەسەي پرەزيدەنتٸ ۆلاديمير پۋتين ادامداردىڭ قازا بولۋىنا وراي كٶڭٸل ايتىپ, ٷكٸمەتتٸك كوميسسييا قۇرۋدى تاپسىردى.
وسى ۋاقىتتا قازاقستاننىڭ سىرتقى ٸستەر مينيسترلٸگٸ قازا بولعانداردىڭ اراسىندا ەلٸمٸز ازاماتتارىنىڭ بار-جوعىن انىقتاۋدا.
