«ۋكراينا-اەرواليانس» ەۋە كومپانيياسىنىڭ ان-12 ۇشاعى لۆوۆ ەۋەجايىنىڭ ماڭىندا اپاتتى جاعدايدا قوندى. سالدارىنان 5 ادام كٶز جۇمدى. بۇل جٶنٸندە Facebook جەلٸسٸندە ينفراقۇرىلىم مينيسترٸ ۆلاديسلاۆ كريكليي مەلٸم ەتتٸ, دەپ حابارلايدى "ۇلت اقپارات" ۋكرينفورمعا سٸلتەمە جاساپ.
«الدىن الا مەلٸمەتتەرگە سەيكەس, ۋكراينا-اەرواليانس ەۋە كومپانيياسىنىڭ ان-12 #UR-CAH ۇشاعى ۆيكو (يسپانييا) – لۆوۆ باعىتى بويىنشا #UKL4050 چارتەرلٸك جٷك رەيسٸن ورىنداۋ كەزٸندە اەرودروم جانىنداعى سوكولنيكي اۋىلىنا اپاتتى جاعدايدا قونعان. بورتتا 7 ەكيپاج مٷشەسٸ مەن جٷككە ٸلەسٸپ جٷرگەن 1 ادام بولدى. سالدارىنان 3 ادام كٶز جۇمىپ, 3 ادام اۋىر جاراقاتتاندى, تاعى ەكەۋٸ ٸزدەستٸرٸلۋ ٷستٸندە. قۇتقارۋ وپەراتسيياسى جالعاسىپ جاتىر», - دەپ جازدى كريكليي.
ارتىنان مينيستر 5 ادامنىڭ كٶز جۇمعانىن مەلٸم ەتتٸ.
سونداي-اق, ول ۇشاقتىڭ اپاتتى جاعدايدا قونۋىنا جانارمايدىڭ تاۋسىلۋى سەبەپ بولعانىن اتادى. تەرگەۋ جالعاسۋدا.
مينيستر قازا تاپقانداردىڭ تۋعان-تۋىستارىنا قايعىرا كٶڭٸل ايتتى.
ۋكراينانىڭ تٶتەنشە جاعدايلار جٶنٸندەگٸ مەملەكەتتٸك قىزمەتٸنەن مەلٸم ەتكەندەي, 4 قازان كٷنٸ تاڭەرتەڭ راداردان جوعالىپ كەتٸپ, ۇشىپ-قونۋ جولاعىنان 1,5 شاقىرىم جەردەن تابىلعان ان-12 ۇشاعى «لۆوۆ» ەۋەجايىنىڭ ماڭىنا اپاتتى جاعدايدا قونۋعا مەجبٷر بولعان.
«4 قازان كٷنٸ ساعات 07:10-دا «لۆوۆ» حالىقارالىق ەۋەجايىنان 13,7 شاقىرىم قاشىقتىقتا ان-12 ۇشاعى راداردان جوعالىپ كەتكەنٸ تۋرالى حابار كەلٸپ تٷستٸ. ساعات 07:29-دا ەكيپاجدىڭ بٸر مٷشەسٸ بايلانىسقا شىعىپ, ان-12 ۇشاعى اپاتتى جاعدايدا قونعانى تۋرالى مەلٸم ەتتٸ. 07:46-دا ان-12 ۇشاعى ۇشىپ-قونۋ جولاعىنان 1,5 شاقىرىم جەردە تابىلدى», - دەلٸنگەن حابارلامادا.
ۇشاق ٶرتەنبەگەن. ەكيپاجدى زاقىمدالعان ۇشاقتان شىعارۋ جۇمىستارىنا تٶتەنشە جاعدايلار جٶنٸندەگٸ مەملەكەتتٸك قىزمەتتەن 41 ادام مەن 7 تەحنيكا جۇمىلدىرىلدى.
