«ۇلت تاعدىرى» رەسپۋبليكالىق قوعامدىق بٸرلەستٸگٸ اتىنان قر پرەزيدەنتتٸگٸنە ٷمٸتكەر ەمٸرجان قوسانوۆ ورتالىق سايلاۋ كوميسسيياسىنا قۇجاتتارىن تاپسىردى.
«مەنٸڭ مەملەكەتتٸك قىزمەتتە 7 جىلدىق تەجٸريبەم بار. پسيحيكالىق اۋرۋلارعا قاتىستى انىقتامانى الدىم. بارلىق قاجەتتٸ قۇجاتتى جيناپ تاپسىردىق. ولار ەكٸ كٷن قاراستىرىلاتىنى ايتىلدى. دٷيسەنبٸ كٷنٸ ساعات 11-دە مەملەكەتتٸك تٸلدٸ مەڭگەرۋ سىناعىنان ٶتەمٸن», - دەدٸ ەمٸرجان قوسانوۆ ورتالىق سايلاۋ كوميسسيياسىندا جۋرناليستەرگە بەرگەن سۇحباتىندا.
ايتا كەتەيٸك كەشە «ۇلت تاعدىرى» رقب قۇرىلتايىندا ساياساتكەر ەمٸرجان قوسانوۆتىڭ كانديداتۋراسىن پرەزيدەنتتٸك سايلاۋعا ۇسىنۋ شەشٸمٸ قابىلداندى.
ەمٸرجان قوسانوۆ 1964 جىلى 13 مامىردا دٷنيەگە كەلگەن. س. كيروۆ اتىنداعى قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸندە بٸلٸم العان. تٷرلٸ جىلدارى كوممۋنيستٸك جاستار وداعىندا, قر مەملەكەتتٸك ورگاندارىندا, ساياسي پارتييالار مەن قوعامدىق قوزعالىستاردا ەڭبەك ەتكەن. ٷيلەنگەن, ٷش بالاسى بار.
قازٸرگە دەيٸن ساياسي پارتييالار مەن قوعامدىق بٸرلەستٸكتەردەن ۇسىنىلعان كانديداتتار:
- سەدٸبەك تٷگەل - "ۇلى دالا قىراندارى" رەسپۋبليكالىق قوزعالىسى (تٸل ەمتيحانىنان ٶتتٸ);
- قاسىم-جومارت توقاەۆ - "نۇر وتان" پارتيياسى (تٸل ەمتيحانىنان ٶتتٸ);
- امانگەلدٸ تاسپيحوۆ - قازاقستان كەسٸپوداقتار فەدەراتسيياسى (وسك-عا قۇجاتتارىن تاپسىردى);
- دانييا ەسپاەۆا - "اق جول" پارتيياسى;
- تٶلەۋتاي راقىمبەكوۆ - "اۋىل" پارتيياسى;
- جامبىل احمەتبەكوۆ - قازاقستان كوممۋنيستٸك حالىق پارتيياسى.
جالپىۇلتتىق سوتسيال-دەموكراتييالىق پارتيياسى سايلاۋعا قاتىسۋدان باس تارتتى.
