سۋرەت اشىق دەرەككٶزدەن الىندى
پرەمەر-مينيستردٸڭ بٸرٸنشٸ ورىنباسارى رومان سكليار قاتتى پايدالى قازبالار مەن كٶمٸرسۋتەك شيكٸزاتىنىڭ كەن ورىندارىن تەكسەرۋ مەسەلەسٸ جٶنٸندە كەڭەس ٶتكٸزدٸ, - دەپ حابارلايدى "ۇلت اقپارات" Primeminister.kz سايتىنا سٸلتەمە جاساپ.
"ٷكٸمەت جەر قويناۋىن پايدالانۋشىلارعا بەرٸلگەن كەلٸسٸمشارتتار مەن ليتسەنزييالاردى قايتا قاراۋ بويىنشا جۇمىس جٷرگٸزٸپ جاتىر. تالداۋ بارىسىندا 2022 جىلى ۋەكٸلەتتٸ ورگاندار قاتتى پايدالى قازبالار بويىنشا 115 كەلٸسٸمشارت پەن 198 ليتسەنزييانى, سونداي-اق كٶمٸرسۋتەك شيكٸزاتى بويىنشا 12 كەلٸسٸمشارتتى بۇزدى.
نەتيجەسٸندە, مەملەكەتتٸك قورعا التىن, كٶمٸر, تەمٸر, مىس, بوكسيت, پوليمەتالل جەنە ت.ب. كەن ورىندارى قايتارىلدى, ولار كەيٸننەن ستراتەگييالىق ينۆەستورلارعا بەرۋ ٷشٸن اۋكتسيونعا شىعارىلادى.
2022 جىلى ٶتكٸزٸلگەن اۋكتسيونداردىڭ قورىتىندىسى بويىنشا بيۋدجەتكە 26 ملرد تەڭگە سوماسىنا قول قويۋ بونۋسى تٶلەندٸ جەنە كٶمٸرسۋتەك شيكٸزاتى بويىنشا گەولوگييالىق بارلاۋعا 50 ملرد تەڭگەدەن استام ينۆەستيتسييا مەلٸمدەلدٸ" - دەلٸنگەن حابارلامادا.
جەر قويناۋىن پايدالانۋ قۇقىعىن ۇسىنۋعا ارنالعان اۋكتسيونعا بارلىق مٷددەلٸ ينۆەستورلار قاتىسا الادى. اۋكتسيونداردى ٶتكٸزۋ تۋرالى اقپارات مٸندەتتٸ تٷردە رەسپۋبليكالىق باسپا باسىلىمدارىندا جەنە مەملەكەتتٸك ورگانداردىڭ ينتەرنەت-رەسۋرستارىندا جارييالانادى.
"سونىمەن قاتار ۋەكٸلەتتٸ ورگاندار قارجىلىق مٸندەتتەمەلەردٸ بۇزعان جەر قويناۋىن پايدالانۋشىلارعا ايىپپۇل سانكتسييالارىن قولدانۋ بويىنشا جۇمىس جٷرگٸزٸپ جاتىر.
2022 جىلى مەملەكەت كٸرٸسٸنە قاتتى پايدالى قازبالار بويىنشا 331 ملن تەڭگە مٶلشەرٸندە تۇراقسىزدىق ايىبى ٶندٸرٸلدٸ, سونداي-اق كٶمٸرسۋتەك شيكٸزاتى سالاسىنداعى 9 كەلٸسٸمشارت بويىنشا 1,8 ملرد تەڭگەگە بەرەشەك ٶتەلدٸ" - دەلٸنگەن ٷكٸمەت حابارلاماسىندا.
قابىلدانىپ جاتقان شارالار نەتيجەسٸندە جەر قويناۋىن پايدالانۋ سالاسىنا, بٸرٸنشٸ كەزەكتە قاتتى پايدالى قازبالار كەن ورىندارىن يگەرۋ ٷشٸن ينۆەستيتسييا اعىنى ۇلعايماق.
