Sýret ashyq derekkózden alyndy
Premer-Ministrdiń birinshi orynbasary Roman Skliar qatty paidaly qazbalar men kómirsýtek shikizatynyń ken oryndaryn tekserý máselesi jóninde keńes ótkizdi, - dep habarlaidy "Ult aqparat" Primeminister.kz saityna silteme jasap.
"Úkimet jer qoinaýyn paidalanýshylarǵa berilgen kelisimsharttar men litsenziialardy qaita qaraý boiynsha jumys júrgizip jatyr. Taldaý barysynda 2022 jyly ýákiletti organdar qatty paidaly qazbalar boiynsha 115 kelisimshart pen 198 litsenziiany, sondai-aq kómirsýtek shikizaty boiynsha 12 kelisimshartty buzdy.
Nátijesinde, memlekettik qorǵa altyn, kómir, temir, mys, boksit, polimetall jáne t.b. ken oryndary qaitaryldy, olar keiinnen strategiialyq investorlarǵa berý úshin aýktsionǵa shyǵarylady.
2022 jyly ótkizilgen aýktsiondardyń qorytyndysy boiynsha biýdjetke 26 mlrd teńge somasyna qol qoiý bonýsy tólendi jáne kómirsýtek shikizaty boiynsha geologiialyq barlaýǵa 50 mlrd teńgeden astam investitsiia málimdeldi" - delingen habarlamada.
Jer qoinaýyn paidalaný quqyǵyn usynýǵa arnalǵan aýktsionǵa barlyq múddeli investorlar qatysa alady. Aýktsiondardy ótkizý týraly aqparat mindetti túrde respýblikalyq baspa basylymdarynda jáne memlekettik organdardyń internet-resýrstarynda jariialanady.
"Sonymen qatar ýákiletti organdar qarjylyq mindettemelerdi buzǵan jer qoinaýyn paidalanýshylarǵa aiyppul sanktsiialaryn qoldaný boiynsha jumys júrgizip jatyr.
2022 jyly memleket kirisine qatty paidaly qazbalar boiynsha 331 mln teńge mólsherinde turaqsyzdyq aiyby óndirildi, sondai-aq kómirsýtek shikizaty salasyndaǵy 9 kelisimshart boiynsha 1,8 mlrd teńgege bereshek óteldi" - delingen Úkimet habarlamasynda.
Qabyldanyp jatqan sharalar nátijesinde jer qoinaýyn paidalaný salasyna, birinshi kezekte qatty paidaly qazbalar ken oryndaryn igerý úshin investitsiia aǵyny ulǵaimaq.
