استانا سوتى «مۇقالماس» رەسپۋبليكالىق قوعامدىق بٸرلەستٸگٸ وتىرىسىنىڭ نۇرجان ەلتاەۆتٸ پرەزيدەنتتٸككە كانديدات ەتٸپ ۇسىنۋ تۋرالى حاتتاماسىن جارامسىز دەپ تانۋ تۋرالى تالابىن قاناعاتتاندىردى, دەپ حابارلايدى قازاقپارات استانا قالالىق سوتىنىڭ رەسمي سايتىنا سٸلتەمە جاساپ.
«استانا قالاسى «بايقوڭىر» اۋدانىنىڭ سوتى رەسپۋبليكالىق قوعامدىق بٸرلەستٸكتٸڭ (رقب) جالپى جينالىس حاتتاماسىن جارامسىز دەپ تانۋ تۋرالى تالاپ-ارىزى بويىنشا ازاماتتىق ٸستٸ قارادى.
تالاپكەرلەر ٶز تالاپتارىن 2022 جىلعى 6 قازانداعى رقب جينالىسىنىڭ قورىتىندىسى بويىنشا ە. جەنە وعان جاقىن ادامدار رقب-نىڭ باسقا مٷشەلەرٸنٸڭ كٶمەگٸمەن بٸرلەستٸك مٷشەلەرٸنٸڭ داۋىس بەرۋٸنٸڭ بەينەجازباسىن نەگٸزدەمەگە قوسا بەرە وتىرىپ, قر ورتالىق سايلاۋ كوميسسيياسىنا تٸركەۋگە ٶز ەركٸمەن ە.-نٸڭ كانديداتۋراسىن بەرۋگە نيەتتەنٸپ, داۋىس بەرۋ قورىتىندىسى مەن حاتتامانى بۇرمالاپ جٸبەرگەنٸنە نەگٸزدەدٸ.
جاۋاپكەر تالاپپەن كەلٸسپەدٸ جەنە تالاپكەردٸڭ دەلەلدەرٸنە قاراماستان, رقب مٷشەلەرٸنٸڭ جالپى جينالىسىنىڭ شەشٸمٸمەن كٶپشٸلٸك داۋىسپەن ە.-نٸ رقب اتىنان ۇسىنۋ تۋرالى شەشٸم قابىلداندى دەپ ٶز ۇستانىمىن تالاپ ەتتٸ», - دەپ جازىلعان رەسمي مەلٸمەتتە.
رەسمي سايتتاعى مەلٸمەتكە قاراعاندا, رەسپۋبليكالىق قوعامدىق بٸرلەستٸك اتىنان پرەزيدەنتتٸككە كانديدات ۇسىنۋ كەزٸندە بٸرلەستٸكتٸڭ جارعىسىنا قايشى ەرەكەتتەر جاسالعان.
«جارعىنىڭ 33-تارماعىنا سەيكەس بارلىق شەشٸمدەر جالپى جينالىسقا قاتىسۋشىلاردىڭ جالپى سانىنىڭ قاراپايىم كٶپشٸلٸك داۋسىمەن قابىلدانادى.
جارعىنىڭ 31-تارماعىندا, ەگەر ونىڭ جۇمىسىنا بٸرلەستٸكتٸڭ ٶڭٸرلٸك فيليالدارىنىڭ (ٶكٸلدٸكتەرٸنٸڭ) جارتىسىنان استامىنىڭ ٶكٸلدەرٸ قاتىسسا جەنە جينالىسقا قاتىسۋشىلاردىڭ جالپى سانى كەمٸندە 40 ادامدى قۇراسا, جالپى جينالىس زاڭدى دەپ تانىلادى.
سوتتا جالپى جينالىستا ە-نٸڭ كانديداتۋراسىن ۇسىنۋعا – 6 ادام, قارسى – 11 ادام داۋىس بەرگەنٸ انىقتالدى.
وسىلايشا, جالپى جينالىستى ٶتكٸزۋ كەزٸندە رقب مٷشەلەرٸنٸڭ كٶپشٸلٸگٸ كەزەكتەن تىس پرەزيدەنت سايلاۋىندا رقب اتىنان كانديدات رەتٸندە ە-نٸڭ ۇسىنىلۋىنا «قارسى» داۋىس بەردٸ.
سوت جالپى جينالىس حاتتاماسى رقب جارعىسىنىڭ 31 جەنە 33-تارماقتارىنىڭ تالاپتارىنا قايشى كەلەدٸ جەنە شىندىققا جاناسپايدى دەگەن قورىتىندىعا كەلدٸ.
سونىمەن قاتار, جالپى جينالىسقا رقب مٷشەلەرٸ بولىپ تابىلمايتىن جەنە داۋىس بەرۋ قۇقىعى جوق ادامدار قاتىستى جەنە داۋىس بەردٸ», - دەپ جازادى استانا سوتىنىڭ سايتى.
ەسكە سالساق, ورتالىق سايلاۋ كوميسسيياسى 7 قازان كٷنٸ پرەزيدەنتتٸككە ٷمٸتكەر رەتٸندە ۇسىنىلعان نۇرجان ەلتاەۆتٸڭ قۇجاتتارى بۇرمالانۋ فاكتٸسٸنە تەكسەرٸلٸپ جاتقانىن مەلٸم ەتكەن ەدٸ. ال 12 قازاندا «مۇقالماس» بٸرلەستٸگٸ نۇرجان ەلتاەۆتىڭ سايلاۋعا تٷسۋٸنە قارسىلىق بٸلدٸرٸپ سوتقا جٷگٸنگەنٸ حابارلاندى.
