پوليتسييا قىزمەتكەرٸ جاقسىلىق سۇلتانوۆ الماتى ماڭىنداعى ۇشاق اپاتىندا كٸشكەنتاي نەرەستەنٸ قالاي قۇتقارعانىن ايتىپ بەردٸ, دەپ حابارلايدى "ۇلت اقپارات".
«بٸزگە شاقىرتۋ كەلٸپ تٷستٸ. جاقىن ماڭدا جٷرگەن ەدٸك, وقيعا ورنىنا تەز جەتتٸك. ەرٸپتەسٸم ەكەۋمٸز بٸرنەشە ادامدى سىرتقا الىپ شىقتىق. اراسىندا مارقۇمدار دا بولدى. سوسىن بٸزگە «ٷيدٸڭ ارت جاعىن قاراڭدارشى, تاعى ادامدار بولۋى مٷمكٸن» دەدٸ. بٸز ول جاقتان 30-35 جاستاعى ەيەلدٸ تاپتىق. ول اياعى سىنىپ, ٷنسٸز جاتىر ەكەن. كەۋدەسٸندە كٸشكەنتاي سەبي جاتتى. بٸراق العاشىندا مەن ونىڭ بالا ەكەنٸن بٸلمەدٸم. بٸلگەن سوڭ ەيەلگە «بالانى الىپ, جەدەل جەردەمگە بەرەم» دەدٸم. ول كٶزٸن جۇمىپ, كەلٸسٸمٸن بەردٸ. بالانى كٶتەرە بەرگەندە ول جىلاپ قويا بەردٸ. بٸراق جولدا ٷنٸ شىقپاي قالدى. مەن ونى دىبىسىن شىعارسا ەكەن دەپ سٸلكٸدٸم. سوسىن نەرەستەنٸ جەدەل جەردەم قىزمەتكەرلەرٸنە تاپسىردىم», - دەيدٸ جاقسىلىق سۇلتانوۆ.
ونىڭ ايتۋىنشا, بالا شامامەن 6 ايلىق.
«بالاقاي تٸپتٸ كٸشكەنتاي. بٸر جاسار بالاعا ۇقسامايدى. ٶزٸم دە ەكە بولعان سوڭ بٸلەم عوي», - دەيدٸ پوليتسەي.
جاقسىلىق سۇلتانوۆ – الماتى قالالىق پوليتسييا دەپارتامەنتٸ پاترۋل پوليتسييا پولكٸنٸڭ اعا لەيتەنانتى. ول مۇنداي جاعدايعا بٸرٸنشٸ رەت تاپ بولىپ وتىر.
ايتا كەتەيٸك, كٸشكەنتاي نەرەستەنٸ قۇتقارۋ تۋرالى ۆيدەو ۇشاق اپاتىنەن كەيٸن ەلەۋمەتتٸك جەلٸلەردە تاراپ كەتتٸ. كەيٸننەن ونىڭ 9 ايلىق ەدٸلجان عاتيات ەكەنٸ بەلگٸلٸ بولدى.
بۇل بالا مي جاراقاتىمەن اۋرۋحاناعا تٷسكەن. ٸشٸ, ٸشكٸ ورگاندارى سوققى العان. جاعدايى بٸرقالىپتى. ال ونىڭ ەكەسٸ 27 جاستاعى عاتيات ماقسۇت بولاتقانۇلى باس جاراقاتىمەن شۇعىل مەديتسينالىق قىزمەت كٶرسەتۋ اۋرۋحاناسىنا جاتقىزىلدى.
اناسى 27 جاستاعى عاتيات ايسۇلۋ ەرقاناتقىزى كٸشٸ جامباستاعى ۇرشىق بۋىنىنىڭ سوققىسى, بەل ومىرتقاسىنىڭ جاراقاتى دياگنوزىمەن تٷستٸ.
