الماتى مەملەكەتتٸك قۋىرشاق تەاترى كانادا مەملەكەتٸ وتتاۆا قالاسىندا ٶتكەن ٸ-شٸ حالىقارالىق «وتتاۆا» قۋىرشاق تەاترلار فەستيۆالٸنە تۇڭعىش رەت قاتىسىپ, «رومەو مەن دجۋلەتتا» قويىلىمى ٷشٸن گران-پري جٷلدەسٸنە يە بولدى!
سولتٷستٸك امەريكا ماتەريگٸنٸندە ورنالاسقان, جەر اۋماعى بويىنشا دٷنيەجٷزٸ ەلدەرٸ اراسىندا ەكٸنشٸ ورىندا ورنالاسقان, تابيعاتى مەن مەدەنيەتٸ كٷللٸ ەلەم بويىنشا كٶپتەگەن ادامداردى قىزىقتىراتىن كانادا مەملەكەتٸنٸڭ استاناسى وتتاۆا قالاسىندا تۇڭعىش رەت ٸ-شٸ حالىقارالىق «وتتاۆا» قۋىرشاق تەاترلار فەستيۆالٸ جازدىڭ شۋاقتى دا كٶرٸكتٸ شٸلدە ايىندا ٶتكٸزٸلدٸ. كانادالىق كٶرەرمەندەرگە دٷنيەجٷزٸنٸڭ قۋىرشاق ٶنەرلەرٸن تانىستىرىپ, حالىقارالىق شىعارماشىلىق پەن ىنتىماقتاستىقتى كٶزدەگەن مەدەني ٸس-شاراعا ەلٸمٸزدٸڭ كٶك تۋىن ۇستاپ قاتىسقان العاشقى قازاقستاندىق ٶنەر ٶرداسى الماتى مەملەكەتتٸك قۋىرشاق تەاترى بولدى. اتالمىش تەاتردىڭ شىعارماشىلىق ۇجىمى فەستيۆال اياسىندا كانادالىق كٶرەرمەندەردٸڭ نازارىنا ٶز رەپەرتۋارىنداعى ەرەكشە قويىلىمداردىڭ بٸرٸ, اعىلشىن دراماتۋرگى ۋيليام شەكسپيردٸڭ ەيگٸلٸ تراگەديياسى جەلٸسٸمەن ساحنالانعان, نەزٸك تە تازا ماحابباتتىڭ قۇدٸرەتٸن سەزدٸرەتٸن «رومەو مەن دجۋلەتتا» سپەكتاكلٸن ۇسىندى.
قۋىرشاق تەاترىنىڭ رەپەرتۋارىنداعى «رومەو مەن دجۋلەتتا» سپەكتاكلٸ 2019 جىلى بەلگٸلٸ رەجيسسەر دينا جۇماباەۆانىڭ جەتەكشٸلٸگٸمەن جارىققا شىقتى. ەرەسەكتەرگە ارنالعان بۇل قويىلىم ٶزٸنٸڭ ەرەكشە قۋىرشاقتارىمەن جەنە ساحنالىق شەشٸمدەرٸمەن پرەمەراسى ٶتكٸزٸلگەن كەزدەن باستاپ كٶپشٸلٸك كٶرەرمەندەر مەن تەاتر سىنشىلارىنىڭ جوعارعى باعاسىن يەلەنگەن ەدٸ. بٸرتالاي حالىقارالىق جەنە رەسپۋبليكالىق دەڭگەيدەگٸ تەاتر فەستيۆالدەرٸندە دە باق سىناپ, بۇل قويىلىم قۋىرشاق تەاترىنىڭ ابىرويىن اسقاقتاتقان. مىسالى, 2022 جىلى اتالمىش سپەكتاكل بولگارييا رەسپۋبليكاسى ۆارنا قالاسىندا ٶتكەن حالىقارالىق «التىن دەلفين» قۋىرشاق تەاترلار فەستيۆالٸندە ٷزدٸك دەپ تانىلىپ «گران-پري» جٷلدەسٸنە, «ەڭ ٷزدٸك ەر ادام» جٷلدەسٸنە, «ەڭ ٷزدٸك دەبيۋت» جٷلدەسٸنە لايىقتى بولعان. ال وعان دەيٸن 2021 جىلى قاراعاندى قالاسىندا ٶتكٸزٸلگەن جەنە كٶبٸنە وتاندىق درامالىق تەاتر ۇجىمدارى قاتىسقان ەشٸربەك سىعاي اتىنداعى «سىن – شىن بولسىن» رەسپۋبليكالىق تەاترلار فەستيۆالٸندە ٸ-شٸ ورىندى جەڭٸپ العان. سونىمەن قاتار «رومەو مەن دجۋلەتتانىڭ» ٶزگە دە فەستيۆالدٸك جەتٸستٸكتەرٸ مەن جەڭٸستەرٸ جەتٸپ جاتىر.
كٶركەمدٸك دەڭگەيٸنٸڭ جوعارى بولۋىنا بايلانىستى كانادالىق كٶرەرمەن نازارىنا ۇسىنعان بۇل قويىلىم مەملەكەت استاناسىنىڭ ورتالىعىندا ورنالاسقان وتتاۆا ۋنيۆەرسيتەتٸنٸڭ «Academic Hall» ساحناسىندا 3-ٸ جەنە 4-شٸ شٸلدە كٷندەرٸ ساحنالاندى. كانادالىق ازاماتتار دا, اتالمىش ەلدە تۇرىپ جاتقان وتانداستارىمىز بەن قانداستارىمىز دا سپەكتاكلدٸ تاماشالاپ, زور قوشەمەت پەن جىلى لەبٸزدەرٸن بٸلدٸردٸ.
قازاقستان رەسپۋبليكاسىنىڭ كاناداداعى تٶتەنشە جەنە ٶكٸلەتتٸ ەلشٸسٸ دەۋلەتبەك قۇسايىنوۆ فەستيۆال اياسىندا قۋىرشاق تەاترىنا قولداۋ بٸلدٸرٸپ, «رومەو مەن دجۋلەتتا» سپەكتاكلٸن تاماشالاپ: «بٸزدٸڭ جاستار ٶتە جوعارى دەڭگەيدە جۇمىس كٶرسەتتٸ جەنە ٶتە قىزىق ماحاببات حيكاياسىن سەزٸندٸردٸ. ٶز دارىندارىن, جالپى قازاق جاستارىنا تەن تالانتتى كانادا حالقىنا تانىستىردى», – دەپ باعالاپ ٶتتٸ.
ال كانادانىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ الان حامسون بولسا: «ارتيستەردٸڭ تاماشا ٶنەرٸنە كۋە بولدىم. «رومەو مەن دجۋلەتتانىڭ» وسى بٸر ينتەرپريتاتسيياسى بٸزدٸ قاتتى تاڭعالدىردى!», – دەپ پٸكٸر بٸلدٸردٸ.
فەستيۆال سوڭىندا الماتى مەملەكەتتٸك قۋىرشاق تەاترىنىڭ «رومەو مەن دجۋلەتتا» سپەكتاكلٸ ەڭ ٷزدٸك ەرٸ ەڭ تابىستى دەپ تانىلىپ, «گران-پري» جٷلدەسٸنە يە بولدى. ٸ-شٸ حالىقارالىق «وتتاۆا» قۋىرشاق تەاترلار فەستيۆالٸ اياسىندا قۋىرشاق تەاترىنىڭ ارتيستەرٸ قازاق قۋىرشاق ٶنەرٸنٸڭ, قازاق تەاترى ٶنەرٸنٸڭ, جالپى قازاق حالقىنىڭ ٶنەرلٸلٸگٸن ساحنا تٶرٸندە اسقاقتاتىپ, زور شابىتقا كەنەلدٸ.
