فوتو: Ult.kz
الماتىنىڭ تاعى بٸر تاڭى ەرەكشە شابىتپەن اتتى. قالا كٷنٸمەن قاتارلاسقان KitapFest-2025 ارباتتى تاعى دا رۋحانيياتتىڭ التىن بەسٸگٸنە اينالدىردى. بۇل – جاي عانا مەرەكە ەمەس, كٸتاپ پەن وقىرماننىڭ, سٶز بەن ويدىڭ, اۆتور مەن قوعامنىڭ توعىسقان سەتٸ. دەمالىس كٷندەرٸ Ult.kz تٸلشٸسٸ كٸتاپ فەستيۆالٸنە قاتىسىپ قايتتى.
اربات بويى بيىل ەرەكشە سەنگە بٶلەندٸ: 60 باسپادان 10 مىڭنان استام كٸتاپ ۇسىنىلدى, ونىڭ 2 مىڭى العاش رەت وقىرمان قولىنا جەتتٸ. ەر مۇقابا – جاڭا ەلەمگە اشىلعان ەسٸك, ەر بەت – جاڭا ويدىڭ باستاۋى.
فوتو: Ult.kz
قالامگەر مەن وقىرماننىڭ جٷزدەسۋٸ
ساحنا تٶرٸندە بەلگٸلٸ اۆتورلار – ساۋلە دوسجان, اقبەرەن ەلگەزەك, ماقسات مەلٸك, بيگەلدٸ عابدۋللين, جەدي شەكەنۇلى, باقىت بەدەلحان جەنە باسقا دا قالامگەرلەر وقىرمانىمەن تٸكەلەي جٷزدەستٸ. ٶلەڭ وقىپ, ەڭگٸمە شەرتٸپ, قولتاڭبا بەرٸپ, ەدەبيەتتٸڭ تٸرٸ تىنىسىن سىيلادى.
فوتو: Ult.kz
اقىن ەلٸبەك شەگەباي دا ٶزٸنٸڭ قۋانىشىن جاسىرمادى:
«ەر جىل سايىن قالا كٷنٸ مەرەكەسٸ جوعارى دەڭگەيدە ٶتەدٸ. بيىلعى KitapFest-2025 – سونىڭ دەلەلٸ. اربات الاڭىندا بٷكٸل قازاقستاننىڭ باسپالارى مەن كٸتاپحانالارى باس قوسىپ, جاڭا كٸتاپتارىن ۇسىندى. وسى ايادا مەن دە ۇلى ابايدىڭ 180 جىلدىعىنا وراي جارىق كٶرگەن «قارا سٶز قارا ٶلەڭگە اينالعان» اتتى كٸتابىمنىڭ تۇساۋىن كەستٸم», – دەدٸ ول.
ال اقىن ەرلان جٷنٸس KitapFest-تٸ الماتىنىڭ رۋحاني ٶمٸرٸندەگٸ ەرەكشە قۇبىلىس دەپ باعالادى:
«كەز كەلگەن قالانىڭ ەلەۋمەتتٸك-ەكونوميكالىق تٸرشٸلٸگٸنەن بٶلەك مەدەني-رۋحاني تىنىسى بار. سول تىنىستى تولىقتىراتىن – كٸتاپحانالار مەن وسىنداي فەستيۆالدەر. ەسٸرەسە, بۇل مەرەكەنٸڭ الماتىنىڭ تۋعان كٷنٸمەن تۇسپا-تۇس ٶتۋٸ قالا حالقىنا ەرەكشە رۋحاني سەرپٸن بەردٸ», – دەدٸ ول.
«جاندى كٸتاپحانا» مەن جاڭا جوبالار
فەستيۆالدٸڭ ەرەكشە ايماقتارىنىڭ بٸرٸ – «جاندى كٸتاپحانا». مۇندا ابايدان شەكسپيرگە دەيٸنگٸ كلاسسيكتەر اكتەرلەردٸڭ بەينەسٸندە وقىرمانمەن «تٸلدەستٸ». Estelik Zone بالالاردى ەرتەگٸلەر ەلەمٸنە جەتەلەسە, «كٸتاپاشار» بۋكينيستيكالىق جوباسى قوناقتارعا كٷتپەگەن ەدەبي ساپار سىيلادى.
فوتو: Ult.kz
ارباتتا بۋككروسسينگ ايماقتارى, شەبەرلٸك ساباقتارى, فوتوزونالار قىزۋ ٶتتٸ. بٸر جەردە بالالار بالشىقتان مٷسٸن جاساسا, باسقا جەردە جاستار كوميكس سالىپ, بەينەروليك تٷسٸرٸپ جاتتى. TrendZone-داعى TikTok-فوندارى مەن Instagram-ايماقتارى جاستاردىڭ سٷيٸكتٸ مەكەنٸنە اينالدى.
كٸتاپ – قالانىڭ جٷرەگٸندە
فەستيۆالدٸڭ العاشقى كٷنٸندە 30 مىڭنان استام ادام قاتىسىپ, 10 مىڭنان اسا كٸتاپ ساتىلدى. بٸراق بۇل تەك ستاتيستيكا ەمەس – ەربٸر ساتىلعان كٸتاپ ٶز وقىرمانىن تاپقان جاڭا تاعدىر, جاڭا ەڭگٸمە.
فوتو: Ult.kz
KitapFest – ويعا باتىراتىن, قييالدى قاناتتاندىراتىن, ۇرپاقتار اراسىن جالعايتىن مەرەكە. ارباتتاعى سەرۋەن ەندٸ تەك قادام ەمەس, كٸتاپ بەتتەرٸندە جٷرگەندەي ەسەر قالدىردى. قازاق ەدەبيەتٸنٸڭ كلاسسيكتەرٸن سومداعان ەرتٸستەر حالىقپەن ارالاسىپ, بەينە بٸر كٸتاپ كەيٸپكەرلەرٸ مۇقابادان شىعىپ كەتكەندەي بولدى.
«KitapFest – بۇل جاي عانا كٸتاپ مەرەكەسٸ ەمەس. بۇل – ۇرپاقتار اراسىنداعى سۇحبات ورنايتىن, ەدەبيەت قالا ٶمٸرٸمەن قايتا توعىساتىن كەڭٸستٸك», – دەدٸ قازاقستاننىڭ ەڭبەك سٸڭٸرگەن قايراتكەرٸ, جازۋشى ساۋلە دوسجان.
الماتىنىڭ جٷرەگٸندە ٶتكەن KitapFest-2025 ەدەبيەتسٷيەر قاۋىمدى توعىستىرىپ, قالاعا رۋحاني تىنىس قوستى. اربات تاعى دا جىر مەن ويدىڭ, كٸتاپ پەن قييالدىڭ مەكەنٸنە اينالدى.
اقبوتا مۇسابەكقىزى
