فوتو: اشىق دەرەككٶز
الماتىدا ٷش ادامنىڭ ٶمٸرٸن قيعان اۆتوۋس اپاتىنا قاتىستى سوت وتىرىسى ٶتٸپ جاتىر, دەپ حابارلايدى «ۇلت اقپارات» كتك ارناسىنا سٸلتەمە جاساپ.
زارداپ شەككەن تاراپ ايىپتالۋشى مەن اۆتوپارك ٶكٸلدەرٸنەن 20 ملن تەڭگە كٶلەمٸندەگٸ ٶتەماقىنى تالاپ ەتٸپ وتىر. الايدا ولار تۋىستارىنان ايىرىلعانداردىڭ تالابىمەن كەلٸسپەي وتىر.
ال اۆتوبۋس جٷرگٸزۋشٸ ەرمەك شٶكەباەۆا ٶزٸن سوققىعا جىققان سوتتالۋشىعا بەيەدەپ سٶزدەر ايتپاعانىن ايتىپ اقتالۋدا.
ايتا كەتەيٸك, جوعارعى سوتتىڭ شەشٸمٸمەن بۇل ٸس بويىنشا پروتسەسس تە ونلاين رەجيمدە كٶرسەتٸلەدٸ.
جەبٸرلەنۋشٸلەردٸڭ تالاپ-ارىزىمەن ايىپتالۋشى دارحان احمەتجانوۆ بٸردەن كەلٸسپەيتٸنٸن ايتتى. قوعامدىق كٶلٸككە تيەسٸلٸ اۆتوبۋس كومپانيياسى دا 20 ملن تەڭگە مورالدىق ٶتەماقىنى تٶلەمەيمٸز دەپ وتىر.
"قۇرمەتتٸ سوت, تالاپ-ارىزدى قولدامايمىز. سەبەبٸ قىلمىستىق ٸس بويىنشا بٸز ايىپتالۋشى, كٷدٸكتٸ تاراپ رەتٸندە تانىلماعانبىز. سول سەبەپتٸ قولدامايمىز", - دەيدٸ اۆتوپارك ٶكٸلدەرٸ.
كومپانييانىڭ سٶزٸمەن اۆتوبۋس جٷرگٸزۋشٸسٸ دە كەلٸسٸپ وتىر. ەرمەك شٶكەباەۆا بۇل وقيعادا ٶزٸنٸڭ جەبٸرلەنۋشٸ ەكەنٸن العا تارتتى. ەرٸ ٶزٸن سوققىعا جىققان ەر ادامعا "ونىڭ اشۋىن تۋدىراتىنداي سٶزدەر ايتپادىم" دەپ اقتالدى.
"احمەتجانوۆ ماعان كٶپ بالاعات سٶز ايتتى. بٸراق مەن ول سٶزدەردٸڭ ەشقايسىسىن كٶڭٸلٸمە ٸلمەدٸم. "يە ايتا بەر, ايتا بەر" دەدٸم", - دەيدٸ اۆتوبۋس جٷرگٸزۋشٸسٸ ەرمەك شٶكەباەۆا.
دەگەنمەن جانتٷرشٸگەرلٸك اپاتتان قازا بولعان ايدوس ەلمەنباەۆتىڭ جارى جٷرگٸزۋشٸگە ەدەتتەگٸدەي ٶز ۋەجٸن ايتتى. ٷش بالاسىمەن جالعىز قالعان انا ونىڭ جاۋاپقا تارتىلۋىن تاعى تالاپ ەتٸپ وتىر.
"سەن وسىنداي جاعدايدى تۋدىرماۋىڭ كەرەك ەدٸ. سەنٸڭ كەسٸرٸڭنەن ٷش ادام قايتىس بولدى, تٷسٸنەسٸڭ بە, 7 بالا جەتٸم قالدى!", - دەدٸ جەبٸرلەنۋشٸ اينۇر قۇسايىنوۆا.
ايىپتالۋشى دارحان احمەتجانوۆ تا تەرگەۋ كەزٸندە جٷرگٸزۋشٸگە قاتىستى كەي دەرەكتٸ جارييا ەتٸپتٸ. جٷرگٸزۋشٸ ەر ادامنىڭ ۇيالى تەلەفونىن تارتىپ الىپ, جول اقىسىن ٶزٸ تٶلەمەك بولعان . بۇل ەرەكەتٸ كامەراعا دا جازىلعان كٶرٸنەدٸ.
"جٷرۋ بارىسىندا جٷرگٸزۋشٸ شٶكەباەۆا مەنٸڭ قولىمداعى ۇيالى تەلەفونىمدى مەنٸڭ رۇقساتىمسىز قولىمنان تارتىپ الىپ, ۇيالى تەلەفونىمنىڭ بٸرلٸگٸن تەكسەرٸپ كٶردٸ. سٶيتٸپ جٷرگٸزۋشٸ شٶكەباەۆا مەنٸڭ ۇيالى تەلەفونىمنان جول جٷرۋ اقىسى ۇيالى تەلەفونىمنىڭ بٸرلٸگٸن سمس 9909 ارقىلى جٸبەرە باستادى. الايدا جول جٷرۋ اقىسى ٶتپەدٸ", - دەدٸ احمەتجانوۆ.
ايتا كەتەيٸك, جانتٷرشٸگەرلٸك جول اپاتى جەلتوقسان ايىندا رايىمبەك داڭعىلىنىڭ بويىندا بولدى. №47 باعىتتاعى قوعامدىق كٶلٸك جولدىڭ جيەگٸندەگٸ بٸر توپ ادامدى قاعىپ ٶتٸپ, سونىڭ سالدارىنان ٷش ادام كٶز جۇمدى. تٶرتەۋٸ تٷرلٸ جاراقاتپەن اۋرۋحاناعا تٷسكەن. اتالمىش وقيعاعا قاتىستى قىلمىستىق كودەكستٸڭ ەكٸ بٸردەي بابىمەن ٸس قوزعالعان. كٷدٸكتٸ كٸنەلٸ دەپ تانىلسا, cەگٸز جىلعا دەيٸن باس بوستاندىعىنان ايىرىلۋى مٷمكٸن.
