فوتو: الماتى ەكٸمدٸگٸ
الماتى ەكٸمٸ ەربولات دوساەۆ جاڭا وقۋ جىلىنا دايىندىق جەنە ستۋدەنتتەردٸ جاتاقحاناعا ورنالاستىرۋ مەسەلەسٸ بويىنشا جوعارى وقۋ ورىندارىنىڭ رەكتورلارىمەن كەزدەستٸ, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
«ەلٸمٸزدٸڭ ماڭدايالدى وقۋ ورىندارىنىڭ دەنٸ الماتىدا ورنالاسقان, جىل سايىن مىڭداعان ستۋدەنت جوعارى بٸلٸم الۋ ٷشٸن وسىندا كەلەدٸ. بٸزدٸڭ مٸندەتٸمٸز – ولارعا ساپالى بٸلٸم بەرۋ جەنە جايلى جاتاقحانامەن قامتاماسىز ەتۋ», – دەدٸ قالا ەكٸمٸ ەربولات دوساەۆ.
ايتۋىنشا, الماتىلىق ستۋدەنتتەردٸ جاتاقحاناعا ورنالاستىرۋ بويىنشا ارنايى شتاب قۇرىلدى. بۇدان بٶلەك, داعدارىس جەنە جەدەل دەن قويۋ جٶنٸندەگٸ احۋالدىق ورتالىقتار جۇمىس ٸستەيدٸ.
داعدارىس ورتالىعى ALT ۋنيۆەرسيتەتٸندە ورنالاسقان. ونىڭ مٸندەتٸ باسقا ٶڭٸردەن كەلگەن ستۋدەنتتەرگە جەدەل قولداۋ كٶرسەتۋ جەنە ۋاقىتشا ورنالاستىرۋ. داعدارىس ورتالىعىندا 70 ورىن بار.
احۋالدىق ورتالىعى المالى اۋدانىنداعى جاستاردىڭ كوميۋنيتي ورتالىعىنىڭ بازاسىندا جۇمىس ٸستەيدٸ. 1 تامىزدان باستاپ ورتالىق تەۋلٸك بويى جۇمىس ٸستەپ, ستۋدەنتتەرگە ورنالاستىرۋ مەسەلەسٸ بويىنشا جەدەل كٶمەك كٶرسەتۋدە. ورتالىق كٷن سايىن قازاقستاننىڭ تٷكپٸر-تٷكپٸرٸنەن 1,5 مىڭنان استام قوڭىراۋ قابىلدايدى.
سونىمەن قاتار, قالانىڭ ەربٸر جوعارى وقۋ ورنىندا ستۋدەنتتەرگە تٸكەلەي قولداۋ كٶرسەتەتٸن احۋالدىق ورتالىقتار اشىلدى.
ايتا كەتەتٸن نەرسە, الماتىداعى 35 جوعارى وقۋ ورنىندا 199 مىڭنان استام ستۋدەنت بٸلٸم الىپ جاتىر, ونىڭ 124 مىڭى – ٶزگە ٶڭٸردەن كەلگەن ستۋدەنتتەر. قالادا 109 ستۋدەنتتٸك جاتاقحانا بار, وندا 36,2 مىڭنان استام ستۋدەنت تۇرادى. جالپى قاجەتتٸلٸك 28,7 مىڭ ورىن.
الايدا قالا ەكٸمٸ قولداۋىمەن قابىلدانعان شارالاردىڭ نەتيجەسٸندە تامىز ايىنىڭ سوڭىندا تٶسەك ورىن تاپشىلىعى 8,9 مىڭ ورىنعا دەيٸن قىسقاردى.
وقۋ جىلى باستالعانعا دەيٸن الماتىدا 1920 ورىندىق 6 جاتاقحانا اشىلادى, ال جىل سوڭىنا دەيٸن الماتى قالاسى ەكٸمدٸگٸنٸڭ جوبالىق كەڭسەسٸنٸڭ قولداۋىمەن 3105 ستۋدەنتكە ارنالعان 4 جاتاقحانانى پايدالانۋعا بەرۋ جوسپارلانىپ وتىر.
2024 جىلى 10 جاتاقحانا, 2025-2026 جىلدارى 33 جاتاقحانا پايدالانۋعا بەرٸلمەك.
ەستەرٸڭٸزگە سالا كەتەيٸك, جاتاقحانا قۇرىلىسىن تيٸمدٸ ٷيلەستٸرۋ ٷشٸن ستۋدەنتتٸك جاتاقحانالار قۇرىلىسى بويىنشا جوبالىق كەڭسە جۇمىس ٸستەپ تۇر. جوبالىق كەڭسەنٸڭ نەگٸزگٸ مٸندەتٸ الماتى قالاسىندا جاتاقحانالار قۇرىلىسى بويىنشا مەملەكەتتٸك باعدارلامانى ٸسكە اسىرۋ جەنە ستۋدەنتتەردٸ تۇرعىن ٷيمەن قامتاماسىز ەتۋ ٷشٸن قولايلى جاعداي جاساۋ. جوبالىق كەڭسە اشىلعاننان باستاپ 120 ەلەۋەتتٸ ينۆەستور جٷگٸندٸ, ونىڭ 67-سٸ قازٸر جۇمىسقا كٸرٸسكەن, بۇل قولداۋ مەحانيزمٸنٸڭ تارتىمدىلىعىن كٶرسەتەدٸ.
شاھار باسشىسى جاتاقحانا مەسەلەسٸ تٸكەلەي باقىلاۋىندا ەكەنٸن اتاپ ٶتتٸ.
