پوليتسييا قىزمەتكەرلەرٸ الماتىدا پەتەردٸ ەسٸرتكٸ زەرتحاناسىنا اينالدىرىپ, ەسٸرتكٸ شىعارىپ كەلگەن قىلمىستىق توپتىڭ جولىن كەستٸ, دەپ حابارلايدى "ۇلت اقپارات".
«تاياۋدا عانا رەسەيلٸك ەرٸپتەستەرمەن ارنايى وپەراتسييا بارىسىندا وڭتٷستٸك استانادا تاعى بٸر زەرتحانا جويىلدى. الماتى قالاسىنىڭ ٷش تۇرعىنى ۇستالىپ, ولاردان 10 كەلٸ مەفەدرون تەركٸلەندٸ. ٶزارا سىبايلاسقان ولار ٶندٸرٸستٸ قىلمىستىق توپ قاتىسۋشىلارىنىڭ بٸرٸنٸڭ پەتەرٸندە جولعا قويعان. شيكٸزاتقا سىرتتان تاپسىرىس بەرٸپ وتىرعان. ال دايىن ەسٸرتكٸنٸ الماتىدا تاراتۋدى كٶزدەگەن», - دەدٸ قر ٸٸم ەسٸرتكٸ قىلمىسىنا قارسى ٸس - قيمىل دەپارتامەنتٸنٸڭ باستىعى تٸلەگەن ماتكەنوۆ ٸٸم-نٸڭ ونلاين باسپاسٶز مەسليحاتىندا.
زەرتحانانى تٸنتۋ بارىسىندا حيمييالىق رەاكتيۆتەر, ەسٸرتكٸنٸ دايىنداۋعا ارنالعان قۇرىلعىلار مەن كومپونەنتتەر, اۋانى تازارتۋ جٷيەلەرٸ انىقتالعالعان.
«قانداي قايعىلى جاعدايدىڭ الدى الىنعانىن كٶزٸڭٸزگە ەلەستەتٸپ كٶرۋ ٷشٸن مىنا مىسالدى كەلتٸرەيٸن: وسى فاكت بويىنشا عانا زايسىز اينالىمنان مەفەدروننىڭ بٸر رەتتٸك 40 مىڭ دوزا تەركٸلەندٸ. ونىڭ جالپى قۇنى 240 ملن تەڭگەنٸ قۇرايدى», - دەدٸ ول.
تٸلەگەن ماتكەنوۆ اتاپ ٶتكەندەي, زاڭنامالىق تۇرعىدا قابىلدانعان شارالاردىڭ ارقاسىندا سنيتەتيكالىق ەسٸرتكٸلەرگە قارسى كٷرەس قارقىنى كٷشەيە تٷسكەن. ناقتىراق ايتقاندا ەسٸرتكٸنٸڭ جاڭا 89 تٷرٸ باقىلاۋعا الىناتىن تٸزٸمگە ەنگٸزٸلگەن.
