الماتىدا بٷگٸن قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ پەن قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى ەسەل حالىقوۆا بريفينگ ٶتكٸزدٸ, دەپ حابارلايدى "ۇلت اقپارات".
تٸلەۋحان ەبٸلداەۆتىڭ ايتۋىنشا, الماتىدا ەپيداحۋالدى رەتتەۋ ماقساتىندا رەسپۋبليكالىق بيۋدجەتتەن 73,5 ملن تەڭگە بٶلٸنگەن.
«بۇل قاراجات ماسكا, دەرٸلٸك زاتتاردى, قورعانىس قۇرالدارىن ساتىپ الۋعا جۇمسالادى. ودان بٶلەك, قالالىق بيۋدجەتتەن 94.5 ملن تەڭگە قارجى بٶلٸندٸ. ال ناۋقاستاردى ەمدەۋ اقىسى مەمس قورىنان قاراستىرىلادى»,- دەدٸ تٸلەۋحان ەبٸلداەۆ.
باسقارما باسشىسىنىڭ ايتۋىنشا, قالادا قاجەتتٸ دەرٸ دەرمەك پەن زارارسىزداندىرۋ قۇرالدارى جەتكٸلٸكتٸ.
ەسكە سالا كەتسەك, بۇعان دەيٸن دەنساۋلىق ساقتاۋ مينيسترٸ ەلجان بٸرتانوۆ قازاقستاننىڭ ەكٸ ازاماتىنان كوروناۆيرۋس ينفەكتسيياسى تابىلعانىن مەلٸم ەتكەن ەدٸ. كەيٸنٸرەك نۇر-سۇلتاندا تاعى بٸر ەيەلدٸڭ قاتەرلٸ ٸندەتتٸ جۇقتىرعانى انىقتالدى.
