فوتو: قر مام
جامبىل اتىنداعى فيلارمونييانىڭ 90 جىلدىعى اياسىندا تٶلەپبەرگەن ەبدٸراشەۆ اتىنداعى قر مەملەكەتتٸك اكادەمييالىق سيمفونييالىق وركەسترٸنٸڭ ۇيىمداستىرۋىمەن «حح25» اتتى فەستيۆال ٶتتٸ, دەپ حابارلايدى Ult.kz.
ٸس-شارانىڭ ماقساتى – حح عاسىر مەن زاماناۋي كومپوزيتورلاردىڭ سيمفونييالىق شىعارمالارى ارقىلى ٶتكەن مەن بٷگٸندٸ جالعاپ, سول كەزەڭدەگٸ كٶركەم يدەيالاردى قازٸرگٸ ۋاقىتپەن ٷندەستٸرۋ.
فەستيۆال ەكٸنشٸ رەت ۇيىمداستىرىلىپ وتىر. بيىلعى فەستيۆالدٸڭ ەرەكشەلٸگٸ – شەتەلدٸك جوعارى وقۋ ورىندارىندا بٸلٸم الىپ, بٷگٸندە الىس-جاقىن شەت مەملەكەتتەردٸڭ ساحنالارىندا ٶنەر كٶرسەتٸپ جٷرگەن دارىندى قازاق جاستارىنىڭ تۋعان ەلٸنە ورالىپ, ٶز ٶنەرٸن كٶپشٸلٸك كٶرەرمەنگە پاش ەتۋٸندە.
فەستيۆال 6 ماۋسىم كٷنٸ باستالدى. ونى قر مەملەكەتتٸك اكادەمييالىق سيمفونييالىق وركەسترٸنٸڭ سٷيەمەلدەۋٸمەن بەلگييادان ارنايى كەلگەن حالىقارالىق بايقاۋلاردىڭ لاۋرەاتى, تالانتتى سكريپكاشى مەرۋەرت كارمەنوۆا اشىپ بەردٸ.
13 ماۋسىم كٷنٸ فەستيۆال حالىقارالىق بايقاۋلاردىڭ لاۋرەاتتارى, پيانيست بوتاگٶز ايعالقاەۆا مەن الييار ٶتەتٸلەۋدٸڭ ورىنداۋىنداعى كونتسەرتپەن جالعاسىن تاپتى.
ٸس-شارانىڭ جابىلۋ كەشٸندە يسپانييادان كەلگەن تانىمال جاس سكريپكاشىلاردىڭ بٸرٸ, ەلەمدٸك ساحنادا ەل ابىرويىن اسقاقتاتىپ جٷرگەن حالىقارالىق دەڭگەيدەگٸ مۋزىكانت ەرجان كۋليباەۆ ٶنەر كٶرسەتتٸ. فەستيۆال اياسىندا ەلەمدٸك مۋزىكا ٶنەرٸندە جوعارى باعالاناتىن بٸرقاتار كٷردەلٸ ەرٸ مازمۇندى شىعارمالار ورىندالدى.
اتاپ ايتساق, د.شوستاكوۆيچتٸڭ «№5 سيمفونيياسى», ف.پۋلەنكتٸڭ «ەكٸ فورتەپيانو جەنە وركەسترگە ارنالعان كونتسەرتٸ» جەنە قازاقستاندا العاش رەت كارول شيمانوۆسكييدٸڭ «سكريپكا جەنە وركەسترگە ارنالعان №1 كونتسەرتٸ» كٶرەرمەن نازارىنا ۇسىنىلدى.
