Foto: QR MAM
Jambyl atyndaǵy filarmoniianyń 90 jyldyǵy aiasynda Tólepbergen Ábdirashev atyndaǵy QR Memlekettik akademiialyq simfoniialyq orkestriniń uiymdastyrýymen «HH25» atty festival ótti, dep habarlaidy Ult.kz.
Is-sharanyń maqsaty – HH ǵasyr men zamanaýi kompozitorlardyń simfoniialyq shyǵarmalary arqyly ótken men búgindi jalǵap, sol kezeńdegi kórkem ideialardy qazirgi ýaqytpen úndestirý.
Festival ekinshi ret uiymdastyrylyp otyr. Biylǵy festivaldiń ereksheligi – sheteldik joǵary oqý oryndarynda bilim alyp, búginde alys-jaqyn shet memleketterdiń sahnalarynda óner kórsetip júrgen daryndy qazaq jastarynyń týǵan eline oralyp, óz ónerin kópshilik kórermenge pash etýinde.
Festival 6 maýsym kúni bastaldy. Ony QR Memlekettik akademiialyq simfoniialyq orkestriniń súiemeldeýimen Belgiiadan arnaiy kelgen halyqaralyq baiqaýlardyń laýreaty, talantty skripkashy Merýert Karmenova ashyp berdi.
13 maýsym kúni festival halyqaralyq baiqaýlardyń laýreattary, pianist Botagóz Aiǵalqaeva men Aliiar Ótetileýdiń oryndaýyndaǵy kontsertpen jalǵasyn tapty.
Is-sharanyń jabylý keshinde Ispaniiadan kelgen tanymal jas skripkashylardyń biri, álemdik sahnada el abyroiyn asqaqtatyp júrgen halyqaralyq deńgeidegi mýzykant Erjan Kýlibaev óner kórsetti. Festival aiasynda álemdik mýzyka ónerinde joǵary baǵalanatyn birqatar kúrdeli ári mazmundy shyǵarmalar oryndaldy.
Atap aitsaq, D.Shostakovichtiń «№5 simfoniiasy», F.Pýlenktiń «Eki fortepiano jáne orkestrge arnalǵan kontserti» jáne Qazaqstanda alǵash ret Karol Shimanovskiidiń «Skripka jáne orkestrge arnalǵan №1 kontserti» kórermen nazaryna usynyldy.
