الماتىدا دەستٷرلٸ اۋعان ٶنٸمدەرٸنٸڭ كٶرمەسٸ باستالدى

سۋرەت: قر ساۋدا جەنە ينتەگراتسييا مينيسترلٸگٸ

اتاكەنت-ەكسپو كٶرمە ورتالىعىندا قولدان توقىلعان كٸلەمدەر, جەمٸستەر مەن كٶكٶنٸستەر, جاڭعاقتار, شافران شايى, انتيكۆاريات, قۇرىلىس ماتەريالدارى, اسىل تاستار, كونديتەرلٸك ٶنٸمدەر سيياقتى دەستٷرلٸ اۋعان ٶنٸمدەرٸ تانىستىرىلدى, دەپ حابارلايدى Ult.kz.

بۇل ٸس-شارا قازاقستاندا ٶتكٸزٸلگەن اۋعان ٶنٸمدەرٸنٸڭ ەكٸنشٸ كٶرمەسٸ بولىپ تابىلادى. ونى ساۋدا جەنە ينتەگراتسييا مينيسترلٸگٸ مەن Qaztrade ساۋدا ساياساتىن دامىتۋ ورتالىعىنىڭ قولداۋىمەن ۇيىمداستىردى.

اشىلۋ سالتاناتىنا ۆيتسە-پرەمەر سەرٸك جۇمانعارين جەنە اۋعانستاننىڭ ساۋدا جەنە ٶنەركەسٸپ مينيسترٸ نۋريددين ازيزي قاتىستى.

2023 جىلى استانادا ٶتكەن كٶرمەمەن سالىستىرعاندا, الماتىداعى كٶرمەنٸڭ اۋقىمى ەكٸ ەسە كەڭەيگەن. اتاكەنت-ەكسپو كەشەنٸنٸڭ 1024 شارشى مەترلٸك الاڭىندا 80-نەن استام اۋعان كومپانييالارى مەن 150-دەن استام بيزنەس ٶكٸلدەرٸ ٶز تاۋارلارىن ۇسىندى. سونداي-اق كٶرمەگە اۋعاندىق The First Microfinance Bank, Islamic Bank of Afghanistan, Ghazanfar Bank ٶكٸلدەرٸ قاتىستى.

"قازاقستان اۋعانستاندى وڭتٷستٸك جەنە ورتالىق ازيياداعى ماڭىزدى سەرٸكتەس رەتٸندە قاراستىرادى. ەكٸ ەل اراسىنداعى ساۋدا بايلانىستارى عالامدىق داعدارىستارعا قاراماستان تۇراقتى دامۋدا. قازاقستان تەك ٶز ٶنٸمٸن اۋعان نارىعىنا شىعارىپ قانا قويماي, اۋعان تاۋارلارىنىڭ قازاقستاندىق نارىققا ەنۋٸنە دە جاعداي جاساپ كەلەدٸ", - دەپ اتاپ ٶتتٸ ۆيتسە-پرەمەر سەرٸك جۇمانعارين.

سۋرەت: قر ساۋدا جەنە ينتەگراتسييا مينيسترلٸگٸ

«Haidar Rafat LTD» كومپانيياسىنىڭ يەسٸ ابدۋل باسير قازاقستانعا العاش رەت كەلٸپ, كٶرمەگە ۇلتتىق ەشەكەي بۇيىمدارى مەن انتيكۆاريات كوللەكتسيياسىن ەكەلگەنٸن ايتتى. ونىڭ سٶزٸنشە, ەڭ كٶنە ەكسپوناتتاردىڭ بٸرٸ انتيكۆارياتتىڭ حالىقارالىق سەرتيفيكاتىنا يە بولعان.

سونىمەن قاتار, فەرەبا ناسەري, اۋعانستان ٸسكەر ەيەلدەر قاۋىمداستىعىنىڭ باسشىسى, تابيعي شيكٸزاتتان جاسالعان قولٶنەر بۇيىمدارىن تانىستىردى. الماتىداعى كٶرمەگە 12 شەبەر ەيەل قاتىسىپ, ولاردىڭ جۇمىستارى حالىقارالىق دەڭگەيدە, گەرمانييا, فرانتسييا جەنە امەريكادا ٷلكەن سۇرانىسقا يە ەكەنٸن ايتتى. فەرەبا ناسەري جەرگٸلٸكتٸ كەسٸپكەر ەيەلدەرمەن بايلانىس ورناتىپ, ودان ەرٸ ىنتىماقتاستىقتى دامىتۋدى جوسپارلاپ وتىر.

الماتىداعى دەستٷرلٸ اۋعان ٶنٸمدەرٸنٸڭ كٶرمەسٸ 2024 جىلدىڭ 20-22 قازان ارالىعىندا ٶتەدٸ. 22 قازاندا قازاقستان-اۋعان بيزنەس-فورۋمى ۇيىمداستىرىلىپ, وندا B2B كەزدەسۋلەر ارقىلى جاڭا سەرٸكتەستٸك مٷمكٸندٸكتەرٸ تالقىلاناتىن بولادى.