فوتو: prostomob.com
14 مامىر كٷنٸ ساعات 11:00-دە الماتىدا جوسپارلى جالپىقالالىق سەيسميكالىق جاتتىعۋ ٶتەدٸ. وسىعان بايلانىستى قالا بويىنشا دابىل جٷيەلەرٸ ٸسكە قوسىلىپ, تۇرعىندارعا موبيلدٸ قوسىمشا ارقىلى حابارلاما جٸبەرٸلەدٸ, دەپ حابارلايدى Ult.kz.
"بارشاڭىزدىڭ نازارىڭىزعا!" سيگنالى ەستٸلگەن جاعدايدا تەلەديدار مەن راديونى قوسىپ, رەسمي ينتەرنەت-رەسۋرستار مەن موبيلدٸ قوسىمشالارداعى اقپاراتتى قاداعالاۋ قاجەت.
تج قىزمەتٸ تۇرعىندارعا الدىن الا دابىل سٶمكەسٸن دايىنداپ, عيماراتتاردان, اعاشتاردان جەنە ەلەكتر جەلٸلەرٸنەن الىس ورنالاسقان قاۋٸپسٸز اشىق الاڭعا باراتىن باعىتتى انىقتاپ الۋعا كەڭەس بەرەدٸ.
قالادا حالىقتى قابىلداۋعا ارنالعان 384 پۋنكت جۇمىس ٸستەيدٸ. ولاردىڭ مەكەنجايىن 2GIS سەرۆيسٸندەگٸ "زارداپ شەككەن حالىقتى قابىلداۋ پۋنكتتەرٸ" سۇرانىسى ارقىلى نەمەسە الماتى قالاسى تجد مەن ەكٸمدٸكتٸڭ رەسمي سايتتارىنان بٸلۋگە بولادى.
