Foto: prostomob.com
14 mamyr kúni saǵat 11:00-de Almatyda josparly jalpyqalalyq seismikalyq jattyǵý ótedi. Osyǵan bailanysty qala boiynsha dabyl júieleri iske qosylyp, turǵyndarǵa mobildi qosymsha arqyly habarlama jiberiledi, dep habarlaidy Ult.kz.
"Barshańyzdyń nazaryńyzǵa!" signaly estilgen jaǵdaida teledidar men radiony qosyp, resmi internet-resýrstar men mobildi qosymshalardaǵy aqparatty qadaǵalaý qajet.
TJ qyzmeti turǵyndarǵa aldyn ala dabyl sómkesin daiyndap, ǵimarattardan, aǵashtardan jáne elektr jelilerinen alys ornalasqan qaýipsiz ashyq alańǵa baratyn baǵytty anyqtap alýǵa keńes beredi.
Qalada halyqty qabyldaýǵa arnalǵan 384 pýnkt jumys isteidi. Olardyń mekenjaiyn 2GIS servisindegi "zardap shekken halyqty qabyldaý pýnktteri" suranysy arqyly nemese Almaty qalasy TJD men ákimdiktiń resmi saittarynan bilýge bolady.
