الماتىدا قالالىق مەسليحاتىنىڭ كەزەكتٸ XXII سەسسيياسى ٶتتٸ. سەسسييا بارىسىندا الماتى قالاسىنىڭ 2024-2026 جىلدارعا ارنالعان بيۋدجەتٸنە ٶزگەرٸستەر ەنگٸزۋ مەسەلەسٸ تالقىلاندى.
الماتى قالاسى قارجى باسقارماسىنىڭ باسشىسى قانات سۋحامبەكوۆ بيۋدجەتتٸ ناقتىلاۋ شەڭبەرٸندە بٸلٸم بەرۋ سالاسىن قارجىلاندىرۋ 6,7 ملرد تەڭگەگە ۇلعايتۋدى ۇسىندى. ونىڭ ٸشٸندە باستاۋىش سىنىپتارعا شاحمات پەنٸن وقىتۋ ٷشٸن 49,2 ملن تەڭگە بٶلۋ قاجەت ەكەنٸن ايتتى.
«شاحماتتى دامىتۋدىڭ 2023-2027 جىلدارعا ارنالعان كەشەندٸ جوسپارىن ٸسكە اسىرۋ ماقساتىندا جاڭا وقۋ جىلىنان باستاپ قالانىڭ 41 مەكتەبٸنٸڭ باستاۋىش سىنىپتارىندا شاحمات پەنٸن وقۋ باعدارلاماسىنا ەنگٸزۋ جوسپارلاندى. وسى ماقساتتارعا 49,2 ملن تەڭگە بٶلٸنەدٸ, - دەدٸ ول.
الماتى مەسليحاتىنىڭ دەپۋتاتتارى 2024-2026 جىلدارعا ارنالعان بيۋدجەتكە ٶزگەرٸس ەنگٸزۋگە وڭ داۋىس بەردٸ.
