Almatyda qalalyq Máslihatynyń kezekti XXII sessiiasy ótti. Sessiia barysynda Almaty qalasynyń 2024-2026 jyldarǵa arnalǵan biýdjetine ózgerister engizý máselesi talqylandy.
Almaty qalasy Qarjy basqarmasynyń basshysy Qanat Sýhambekov biýdjetti naqtylaý sheńberinde bilim berý salasyn qarjylandyrý 6,7 mlrd teńgege ulǵaitýdy usyndy. Onyń ishinde bastaýysh synyptarǵa shahmat pánin oqytý úshin 49,2 mln teńge bólý qajet ekenin aitty.
«Shahmatty damytýdyń 2023-2027 jyldarǵa arnalǵan Keshendi josparyn iske asyrý maqsatynda jańa oqý jylynan bastap qalanyń 41 mektebiniń bastaýysh synyptarynda shahmat pánin oqý baǵdarlamasyna engizý josparlandy. Osy maqsattarǵa 49,2 mln teńge bólinedi, - dedi ol.
Almaty máslihatynyń depýtattary 2024-2026 jyldarǵa arnalǵan biýdjetke ózgeris engizýge oń daýys berdi.
