فوتو: Kazinform
الماتى قالاسى الاتاۋ اۋداندىق سوتىندا 32 جاستاعى دارحان احمەتجانوۆقا قاتىستى سوت وتىرىسى ٶتتٸ, — دەپ حابارلايدى «ۇلت اقپارات» Kazinform-عا سٸلتەمە جاساپ.
سوت وتىرىسى بارىسىندا وقيعا كۋەگەرلەرٸ شاقىرىلىپ, سٶزدەرٸ تىڭدالدى. كەمەلەتكە تولماعان جٸگٸتتٸڭ ايتۋىنشا, اۆتوبۋس اپاتى كەزٸندە اياعىن سىندىرىپ العان.
«مەن 47-شٸ اۆتوبۋسقا وتىردىم. قۇلاققاپپەن ەن تىڭداپ كەلە جاتتىم. بٸر ۋاقىتتا بٸر جولاۋشىنىڭ جٷرگٸزۋشٸگە قاراي جٷگٸرٸپ بارا جاتقانىن بايقادىم. وسىدان سوڭ اۆتوبۋس ادامداردى قاقتى. مەن قۇلاپ قالدىم, اياعىمدى سىندىردىم. اۆتوبۋستىڭ ٸشٸندە شۋ شىقتى. „نە ٸستەپ تۇرسىڭدار, كٶمەكتەسٸڭدەر“, — دەپ بٸرەۋ ايقايلادى. مٸنە ٷش اي ۋاقىت ٶتتٸ. مەن كٶپ نەرسەنٸ ۇمىتتىم. بٸر جولاۋشىنىڭ: „جٷرگٸزۋشٸگە كٶمەكتەسەيٸك“, — دەگەنٸ ەسٸمدە. ول ەسٸن ەندٸ جيناي باستاعان ەدٸ. مەن جٷرە المادىم, بٸراق, سوندا بار كٷشٸمدٸ جيناپ, تٶرت ادام بولىپ ەيەلدٸ كٶتەرٸپ, جەدەل جەردەم كٶلٸگٸنە اپاردىق. قازٸر جٷرسەم, اياعىم ەلٸ اۋىرادى», — دەدٸ جاسٶسپٸرٸم.
سوت وتىرىسىنا سونداي-اق كۋەگەر رەتٸندە «دۋمانترانس» كومپانيياسى ديرەكتورىنىڭ ورىنباسارى ماناس تازابەكوۆ شاقىرىلدى.
«جٷرگٸزۋشٸ ەرمەك شٶكەباەۆاعا قاتىستى جۇمىستا ەشقانداي ارىز-شاعىم بولعان جوق. جۇمىسقا كٸرەر كەزٸندە تيٸستٸ قۇجاتتارىن تاپسىرعان. قاتەلەسپەسەم, 7-8 جىل كٶلٸك جٷرگٸزۋ تەجٸريبەسٸ بار… نەگٸزٸ ەشقانداي جولاۋشى جٷرگٸزۋشٸنٸ جولدىڭ بويىندا توقتاتۋعا حاقى جوق. نەگە دەسەڭٸز ول جەردە ادامنىڭ ٶمٸرٸ بار, ودان بٶلەك جول ٷستٸندە اپاتتى جاعداي تۋعىزادى. جٷرگٸزۋشٸ ايالدامادا توقتاعان كەزدە جولاقىنى الىپ, بيلەتتٸ بەرۋٸ كەرەك. بٸراق, قوزعالىس كەزٸندە جول ٷستٸندە ەشتەڭەگە الاڭداماۋى كەرەك. جولاۋشى جول ٷستٸندە اۆتوبۋستى توقتاتۋدى تالاپ ەتكەن. الايدا, ول جەردە توقتاۋعا ەشقانداي مٷمكٸندٸك بولمادى. بٸرٸنشٸدەن, توقتايتىن جەر جوق, سەبەبٸ, ول كەزدە كٶپٸردٸڭ استىندا كەتٸپ بارا جاتقان. ەكٸنشٸدەن, وندا ٷلكەن قوزعالىس بولدى. جٷرگٸزۋشٸ جول ەرەجەسٸن بۇزعان بولار ەدٸ… بٸز قايتىس بولعان ادامداردىڭ وتباسىلارىنا كٶمەگٸمٸزدٸ كٶرسەتكەنبٸز», — دەدٸ اۆتوپاركتىڭ ٶكٸلٸ ماناس تازابەكوۆ.
جٷرگٸزۋشٸ ەرمەك شٶكەباەۆانىڭ اناسى قازا تاپقان ادامداردىڭ تۋىستارىنا نە ٷشٸن ادۆوكات قاجەت بولعانىن تٷسٸنبەي دال بولۋدا.
«ولارعا نە ٷشٸن ادۆوكات كەرەك? مەنٸڭ مەنٸڭ قىزىمدا ەشقانداي ادۆوكات جوق قوي. مەن ٶزٸم قايتىس بولعانداردىڭ وتباسىلارىنا بارىپ, كەشٸرٸم سۇراعانمىن. ولار: „سٸزدٸڭ قىزىڭىزدىڭ ەشقانداي كٸنەسٸ جوق“ دەپ شىعارىپ سالعان. ال قازٸر مىناداي ٸستەپ وتىر. بەرٸن سوت شەشەدٸ», — دەدٸ ەرمەك شٶكەباەۆانىڭ اناسى.
ايتا كەتەيٸك, اۆتوبۋستا جٷرگٸزۋشٸ ەيەلدٸ ۇرعان دارحان احمەتجانوۆقا قاتىستى سوت وتىرىسى تاعى دا كەيٸنگە, وسى جولى 3 سەۋٸرگە شەگەرٸلدٸ.
بۇعان دەيٸن اۆتوبۋستا جٷرگٸزۋشٸ ەيەلدٸ ۇرعان دارحان احمەتجانوۆقا قاتىستى سوت وتىرىسى 20 ناۋرىزدا باستالعان ەدٸ. وعان قاتىستى قر قك 293-بابى (بۇزاقىلىق) جەنە قر قك 351-بابى (ەكٸ جەنە ودان دا كٶپ ادامنىڭ ٶلٸمٸنە ەكەپ سوققان كٶلٸكتٸڭ قاۋٸپسٸز جۇمىسىن قامتاماسىز ەتەتٸن ەرەجەلەردٸ بۇزۋ) بويىنشا ايىپ تاعىلدى. الايدا, الماتى قالاسى الاتاۋ اۋداندىق سوتى سوتتتالۋشىنىڭ سوتىن 26 ناۋرىزعا شەگەرگەن ەدٸ.
ەسكە سالساق, ٶتكەن جىلى جەلتوقسان ايىندا الماتىدا № 47-شٸ باعىتتاعى قوعامدىق كٶلٸكتٸڭ ٸشٸندەگٸ جولاۋشى جانجال شىعارىپ, جٷرگٸزۋشٸ ەيەلدٸ ۇرعان. سالدارىنان ەيەل ەسٸنەن تانىپ, كٶلٸكتٸ باسقارا الماي, ايالدامادا تۇرعان بٸر توپ ادامدى قاققان.
اپات سالدارىنان 7 ادام زارداپ شەگٸپ, 3 ادام قايتىس بولدى.
قازا تاپقان ٷش ادامنىڭ ەكەۋٸ ەرلٸ-زايىپتى ۇستازدار بولعان. ولاردىڭ ارتىندا 4 بالاسى قالدى.
اۆتوبۋس جولاۋشىسى ۇستالىپ, وعان قاتىستى قر قك 293-بابى (بۇزاقىلىق) جەنە قر قك 351-بابى (ەكٸ جەنە ودان دا كٶپ ادامنىڭ ٶلٸمٸنە ەكەپ سوققان كٶلٸكتٸڭ قاۋٸپسٸز جۇمىسىن قامتاماسىز ەتەتٸن ەرەجەلەردٸ بۇزۋ) بويىنشا قىلمىستىق ٸس قوزعالدى. سونداي-اق ول ەكٸ ايعا قاماۋعا الىنعان بولاتىن.
