الماتىدا 18 جاستاعى ستۋدەنت قىز بوسانعان نەرەستەسٸن قوقىس جەشٸگٸنە تاستاپ كەتكەن. تاستاندى سەبيدٸ تاڭعى ۋاقىتتا قالاداعى جوعارى وقۋ ورىندارىنىڭ بٸرٸنٸڭ جاتاقحاناسى ماڭىنان ٶتٸپ بارا جاتقان ادام كٶرٸپ قالعان, - دەپ حابارلايدى patrul.kz.
باسىلىمنىڭ مەلٸمەتٸنشە, سەبي شامامەن تاڭعى ساعات التىدا بايتۇرسىنوۆ كٶشەسٸندە تٶلە بي مەن قاراساي باتىر كٶشەلەرٸنٸڭ اراسىنان تابىلعان. ٶتٸپ بارا جاتقان ادام پوليتسەيلەر مەن جەدەل جەردەمدٸ شاقىرعان. دەرٸگەرلەر جاڭا تۋعان سەبيدٸ اۋرۋحاناعا جەتكٸزگەن.
بٸرنەشە ساعاتتان كەيٸن پوليتسييا قىزمەتكەرلەرٸ سەبيدٸڭ اناسىن جاقىن ماڭداعى جاتاقحانادان تاپتى. ول قىزىلوردا وبلىسىنىڭ تۋماسى بولىپ شىقتى, الماتىداعى جوو-لاردىڭ بٸرٸندە 2-كۋرستا وقيدى ەكەن. قىز اۋىر جاعدايدا بولعاندىقتان, وعان مەديتسينالىق كٶمەك قاجەت بولعان. سودان ول جاقىن ماڭداعى قالالىق اۋرۋحانانىڭ جانساقتاۋ بٶلٸمٸنە جەتكٸزٸلگەن. الدىن الا بولجام بويىنشا, ول سەبيدٸ جاتاقحانا بٶلمەسٸندە ٶزٸ بوسانعان.
الماتى قالالىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, دەرٸگەرلەر سەبيدٸ امان الىپ قالۋ ٷشٸن بارىن سالعان. الايدا, ٶكٸنٸشكە قاراي, سەبيدٸڭ ٶمٸرٸن امان الىپ قالۋ مٷمكٸن بولماعان. جاڭا تۋعان سەبي قاتتى ەلسٸرەپ, اۋرۋحاناعا جەتكٸزٸلگەن سوڭ كٶز جۇمعان.
