الماتىدا جولاقىسىنىڭ ديففەرەنتسيالدى تاريفٸن ەنگٸزۋ تۋرالى باسپاسٶز مەسليحاتى ٶتتٸ.
وسىدان بٸرنەشە اپتا بۇرىن ەكٸمدٸك الماتىدا جولاقىسى قىمباتتايتىنى تۋرالى قاۋلى شىعارعان بولاتىن. قاۋلى قازٸر قوعامدىق تالقىلاۋدا جاتىر. قوعام تاراپىنان ماقۇلدانعان جاعدايدا قاۋلى ەدٸلەت ورگاندارىندا تٸركەلٸپ, بەكٸتٸلەدٸ.
بٷگٸن قالالىق جولاۋشىلار تاسىمالى كٶلٸگٸ مەن اۆتوموبيل جولدارى باسقارماسىنىڭ ٶكٸلدەرٸ اتالعان مەسەلەگە بايلانىستى تٷسٸنٸكتەمە بەردٸ.
«ديففەرەنتسيالدى تاريف ەنگٸزۋگە 1 جىلدان استام ۋاقىت جۇمسادىق. پارلامەنتتە قۇجات ماقۇلداندى, پرەزيدەنت قول قويدى. مۇنداي تاريفتٸڭ ٶز ارتىقشىلىقتارى بار. اۆتوبۋسپەن سيرەك جٷرەتٸن ادامدار 10, 20 رەت جٷرۋگە جارايتىن كارتوچكا الا الادى. تۇراقتى جولاۋشىلارعا ديسكونت ەنگٸزبەكپٸز. بولاشاقتا وبلىستان ادام تاسىمالدايتىن اۆتوبۋستار دا وسى تاريفكە كٶشەدٸ. بٸر ساعاتتىڭ ٸشٸندە باسقا كٶلٸككە وتىرسا, جولاقىسى تەگٸن بولاتىن بولادى. ەلەكتروندى بيلەتكە كٶشۋ تاسىمالداۋشى كەسٸپورىنداردىڭ تابىسىن ناقتىلاۋعا كٶمەكتەسەدٸ. بۇل ٶز كەزەگٸندە دەمەۋقارجىنى دۇرىس ەسەپتەۋگە سەپتٸگٸن تيگٸزەدٸ», - دەدٸ باسقارما باسشىسى ماقسۇت يساحوۆ.
جاڭا جٷيەگە سەيكەس ەندٸ جولاۋشىلار بٸر مەرتە جول جٷرٸسٸ ٷشٸن قولما-قول اقشا تٶلەسە, 150 تەڭگە بەرەتٸن بولادى, ال ەگەر «وڭاي» كارتاسىمەن بولسا 80 تەڭگە كٶلەمٸندە قالادى. ايلىق جول جٷرۋ بيلەتٸ مەن جەڭٸلدٸكتەر دە ساقتالادى.
تەك مەترودا عانا جول اقىسى 80 تەڭگە بولىپ قالادى.
مامانداردىڭ ايتۋىنشا, كەي كەزدەرٸ «وڭاي» اپپاراتتارى دا ٸستەن شىعىپ جاتادى.
«ستاتيستيكا بويىنشا ٸستەن شىققان تەرمينالدار تۋرالى اقپاراتتىڭ 15-25 پايىزى راستالماي شىعادى. جٷرگٸزۋشٸلەر ٶزدەرٸ ٶشٸرٸپ تاستايدى نەمەسە قاساقانا ٸستەن شىعارادى. ەگەر اپپارات جۇمىس جاساماسا, جولاۋشى تەگٸن جٷرۋگە قۇقىلى. سمس تٶلەمگە كەلسەك, ۇيالى وپەراتورلار دا تۇراقتى جۇمىس جاسامايدى, بٸراق ونىڭ بەرٸن قالپىنا كەلتٸرٸپ جاتىرمىز», - دەدٸ «الماتى كٶلٸك حولدينگٸ» جشس ديرەكتورى سادير حامراەۆ.
ونىڭ ايتۋىنشا, كارتالاردى كاراۆان, داۋىس, ازبۋكا سۆيازي جەلٸسٸ دٷڭگٸرشەكتەرٸندە, مەترو كاسسالارىندا ساتىپ الۋعا بولادى.
قازٸر قاۋلى بارلىق ارنايى پروتسەدۋرالاردان ٶتتٸ. مەسليحات شەشٸمٸمەن, قوعامدىق كەڭەستٸڭ ۇسىنىسىمەن بەكٸتٸلدٸ.
