الماتى حايۋاناتتار باعىنىڭ جانۋارلار كوللەكتسيياسى جاڭا تۇرعىندارمەن تولىقتى. زووباققا سولتٷستٸك امەريكانى مەكەندەيتٸن كانادالىق سٸلەۋسٸندەردٸڭ جۇبى جەتكٸزٸلدٸ, دەپ حابارلايدى ult.kz.
قالالىق ەكٸمدٸكتٸڭ مەلٸمەتٸنشە, جىرتقىشتار حالىقارالىق الماسۋ باعدارلاماسى اياسىندا بيىل 6 سەۋٸردە اقش-تان ەكەلٸنگەن. ال ولاردىڭ ورنىنا الماتى حايۋاناتتار باعى ٶز قورىنداعى جىرتقىش قۇستاردى بەرگەن.
جانۋارلار كەلگەننەن كەيٸن مٸندەتتٸ كارانتيندٸك كەزەڭنەن ٶتٸپ, ۆەتەرينارلاردىڭ باقىلاۋىندا بولعان. قازٸر سٸلەۋسٸندەر جاڭا ورتاعا تولىق بەيٸمدەلٸپ, كەلۋشٸلەر نازارىنا ۇسىنىلىپ وتىر.
زووباق ماماندارىنىڭ ايتۋىنشا, اتالىعى – 3 جاستا, انالىعى – 7 جاستا. ولار ۇساق جىرتقىشتارعا ارنالعان ارنايى كەشەنگە ورنالاستىرىلعان. كەڭ ۆولەردە جانۋارلارعا قاجەتتٸ بارلىق جاعداي جاسالعان: ارنايى باسپانا, اۋا سالقىنداتۋ جەنە تۇمان بٷركۋ جٷيەلەرٸ ورناتىلعان. راتسيونىنا بالىق, سيىر جەنە تاۋىق ەتٸ كٸرەدٸ.
كانادالىق سٸلەۋسٸن – سولتٷستٸك امەريكانىڭ سولتٷستٸك ٶڭٸرلەرٸندە تٸرشٸلٸك ەتەتٸن مىسىق تۇقىمداسىنا جاتاتىن جىرتقىش اڭ. ول سۋىق كليماتقا تٶزٸمدٸلٸگٸمەن ەرەكشەلەنەدٸ. قۇلاعىنداعى ۇزىن شاشاقتارى, قالىڭ جٷنٸ مەن قاردا ەركٸن قوزعالۋىنا مٷمكٸندٸك بەرەتٸن جالپاق تاباندارى بۇل تٷردٸڭ باستى بەلگٸلەرٸ سانالادى.
سٸلەۋسٸننٸڭ تاعى بٸر ەرەكشەلٸگٸ – قوزعالعان كەزدە ارتقى اياعىن الدىڭعى اياعىنىڭ ٸزٸنە دەل باسىپ, دىبىسسىز جٷرۋٸ. ال قۇلاقتاعى شاشاقتار اينالاداعى دىبىستى جاقسى قابىلداۋعا كٶمەكتەسەدٸ.
زووباق قىزمەتكەرلەرٸ جاڭا جۇپتىڭ الماتىداعى مەكەنٸنە سەتتٸ بەيٸمدەلٸپ, بولاشاقتا ۇرپاق ٶربٸتەتٸنٸنە ٷمٸت ارتىپ وتىر. مامانداردىڭ پٸكٸرٸنشە, بۇل سيرەك كەزدەسەتٸن جىرتقىش تٷردٸ ساقتاۋ مەن كٶبەيتۋگە باعىتتالعان ماڭىزدى قادام بولماق.
