الماتى وبلىسى جاۋعاشتى اۋىلىنداعى لا-155/4 ەيەلدەر كولونيياسىندا جازاسىن ٶتەپ جاتقان اياعى اۋىر ەيەلدەن كوروناۆيرۋس تابىلدى. بۇل تۋرالى رەسپۋبليكالىق قىلمىستىق اتقارۋ جٷيەسٸ كوميتەتٸنٸڭ باسپاسٶز قىزمەتٸ حابارلادى.
اقپارات بويىنشا, تۇتقىن اياعى اۋىر بولۋىنا بايلانىستى ٸلە اۋدانىنىڭ ورتالىق اۋداندىق اۋرۋحاناسىندا تەكسەرۋدەن ٶتكەن. كەيٸنٸرەك اۋرۋحانادا كوروناۆيرۋس تابىلىپ, كارانتينگە جابىلعان. رەسمي اقپارات بويىنشا, ينفەكتسييا انىقتالعانعا دەيٸن ەيەل كولونييانىڭ مەديتسينالىق بٶلٸمٸندە تۇتقىنداردان بٶلەك وڭاشا پالاتادا بولعان. پەرزەنتحاناعا جاتۋ ٷشٸن تەكسەرٸلگەن كەزدە كوروناۆيرۋس انىقتالىپ, ورتالىق اۋرۋحاناعا جاتقىزىلعان.
قىلمىستىق اتقارۋ جٷيەسٸ كوميتەتٸ ەيەلمەن ارالاسقان تۇتقىنداردىڭ ينفەكتسييالىق يزولياتورعا اۋىستىرىلىپ, تەكسەرۋدەن ٶتكەنٸن, مەكەمەدە سانيتارلىق-زالالسىزداندىرۋ جۇمىستارى جٷرگٸزٸلگەنٸن, دەرٸ-دەرمەك جەتكٸلٸكتٸ ەكەنٸن ايتادى.
ال تۇتقىندار سٶزٸنە سٷيەنگەن Vlast سايتىنىڭ جازۋىنشا, كولونييا ٸندەتكە دايىن بولماعان. اتى-جٶنٸن اتاماعان تۇتقىنداردىڭ بٸرٸ سايتقا كوروناۆيرۋس تابىلعان ەيەلدٸڭ تٷرمەگە ەكٸ اپتا بۇرىن ەتاپپەن جەتكٸزٸلگەنٸن, مەكەمەدە قاتاڭ كارانتيندٸك شارالار ەنگٸزٸلٸپ, تۇتقىنداردىڭ جاعدايى قيىن ەكەنٸن ايتقان. ونىڭ ايتۋىنشا, ناۋقاس تۇتقىنداردىڭ كٶبٸمەن ارالاسقان.
دەنساۋلىق ساقتاۋ مينيسترلٸگٸنٸڭ باسپاسٶز حاتشىسى دياس احمەتشەرٸپتٸڭ ايتۋىنشا, مەكەمەگە جاقىن جەردەگٸ بالالار ٷيٸنە 18 ەيەل جەنە 18 بالا كارانتينگە جاتقىزىلعان. وندا بٸر دەرٸگەر, 6 مەدبيكە بار. كولونيياعا ناۋقاسپەن بايلانىستا بولعانداردى تەكسەرۋ ٷشٸن مەديتسينا قىزمەتكەرلەرٸ جەتكەن.
رەسمي مەلٸمەت بويىنشا, قازاقستاندا 2693 ادامنان كوروناۆيرۋس تابىلعان. 25 ادام قايتىس بولعان. 700-گە جۋىق ادام جازىلعان.
