Almaty oblysy Jaýǵashty aýylyndaǵy LA-155/4 áielder koloniiasynda jazasyn ótep jatqan aiaǵy aýyr áielden koronavirýs tabyldy. Bul týraly respýblikalyq qylmystyq atqarý júiesi komitetiniń baspasóz qyzmeti habarlady.
Aqparat boiynsha, tutqyn aiaǵy aýyr bolýyna bailanysty Ile aýdanynyń ortalyq aýdandyq aýrýhanasynda tekserýden ótken. Keiinirek aýrýhanada koronavirýs tabylyp, karantinge jabylǵan. Resmi aqparat boiynsha, infektsiia anyqtalǵanǵa deiin áiel koloniianyń meditsinalyq bóliminde tutqyndardan bólek ońasha palatada bolǵan. Perzenthanaǵa jatý úshin tekserilgen kezde koronavirýs anyqtalyp, ortalyq aýrýhanaǵa jatqyzylǵan.
Qylmystyq atqarý júiesi komiteti áielmen aralasqan tutqyndardyń infektsiialyq izoliatorǵa aýystyrylyp, tekserýden ótkenin, mekemede sanitarlyq-zalalsyzdandyrý jumystary júrgizilgenin, dári-dármek jetkilikti ekenin aitady.
Al tutqyndar sózine súiengen Vlast saitynyń jazýynsha, koloniia indetke daiyn bolmaǵan. Aty-jónin atamaǵan tutqyndardyń biri saitqa koronavirýs tabylǵan áieldiń túrmege eki apta buryn etappen jetkizilgenin, mekemede qatań karantindik sharalar engizilip, tutqyndardyń jaǵdaiy qiyn ekenin aitqan. Onyń aitýynsha, naýqas tutqyndardyń kóbimen aralasqan.
Densaýlyq saqtaý ministrliginiń baspasóz hatshysy Dias Ahmetsháriptiń aitýynsha, mekemege jaqyn jerdegi balalar úiine 18 áiel jáne 18 bala karantinge jatqyzylǵan. Onda bir dáriger, 6 medbike bar. Koloniiaǵa naýqaspen bailanysta bolǵandardy tekserý úshin meditsina qyzmetkerleri jetken.
Resmi málimet boiynsha, Qazaqstanda 2693 adamnan koronavirýs tabylǵan. 25 adam qaitys bolǵan. 700-ge jýyq adam jazylǵan.
