فوتو: ۆيدەودان سكرينشوت
پوليتسييا جارىلىس, ٶرت قويۋ جەنە باسقا دا قاۋٸپتەر تۋرالى جالعان حابارلامالار تاراتقاندار قىلمىستىق جاۋاپكەرشٸلٸككە تارتىلاتىنىن ەسكەرتتٸ, دەپ حابارلايدى Polisia.kz.
ٸٸم مەلٸمەتٸنشە, ينتەرنەت پەن ەلەۋمەتتٸك جەلٸلەردە جاسٶسپٸرٸمدەردٸڭ جالعان حابارلامالار تاراتۋ دەرەكتەرٸ جيٸلەگەن.
الماتى وبلىسىندا تەرروريزم اكتٸسٸ تۋرالى كٶرٸنەۋ جالعان حابارلاما جاساعانى ٷشٸن 9-سىنىپتىڭ ەكٸ وقۋشىسى ۇستالدى. تەرگەۋ بارىسىندا ولاردىڭ استانا قالاسى مەن الماتى وبلىسىنداعى وسىنداي 14 فاكتٸگە قاتىسى بارى انىقتالعان.
سونىمەن قاتار شىعىس قازاقستان وبلىسىنداعى 9-سىنىپ وقۋشىسى ەلەۋمەتتٸك جەلٸدەگٸ جانجالدان كەيٸن باسقا ادامداردىڭ اتىنان شىمكەنت قالاسى ەكٸمدٸگٸ مەن اقتاۋداعى ساۋدا ٷيلەرٸنٸڭ بٸرٸنە جارىلعىش زات قويىلعانى تۋرالى ەلەكتروندىق حاتتار جٸبەرگەن.
قۇقىق قورعاۋ ورگاندارىنىڭ مەلٸمەتٸنشە, ولار قىلمىس جاساۋ كەزٸندە انونيمدٸ تەلەفون نٶمٸرلەرٸ مەن ەلەكتروندىق پوشتالاردى پايدالانعان.
– بۇل «ەزٸل» نەمەسە قالجىڭ بولسا دا, مۇنداي ەرەكەتتەر قىلمىستىق قۇقىق بۇزۋشىلىق بولىپ سانالادى. جالعان قاۋٸپ تۋرالى حابارلامالار ادامدار اراسىندا دٷربەلەڭ تۋعىزىپ, شۇعىل قىزمەتتەردٸڭ جۇمىسىنا كەدەرگٸ كەلتٸرەدٸ. مۇنداي ەرەكەتتەر ٷشٸن باس بوستاندىعىنان ايىرۋعا دەيٸن جاۋاپكەرشٸلٸك قاراستىرىلعان, – دەدٸ امان ەۋبەكٸروۆ.
ٸٸم كيبەرقىلمىسقا قارسى ٸس-قيمىل دەپارتامەنتٸ باسقارما باستىعىنىڭ ورىنباسارىنىڭ ايتۋىنشا, مۇنداي جاعدايلاردىڭ بارلىعى مۇقييات تەكسەرٸلٸپ, كٷدٸكتٸلەر زاماناۋي تەحنولوگييالاردىڭ كٶمەگٸمەن انىقتالادى.
پوليتسييا ازاماتتاردى تەكسەرٸلمەگەن اقپارات تاراتپاۋعا جەنە بالالارعا مۇنداي ەرەكەتتەردٸڭ سالدارىن تٷسٸندٸرۋگە شاقىردى.
ايتا كەتەيٸك, ٸٸم تەرروريزم تۋرالى جالعان اقپارات تاراتقاندار دا قىلمىستىق جاۋاپقا تارتىلاتىنىن مەلٸمدەدٸ.
