فوتو: قر مام
حالىق قاھارمانى, كٶرنەكتٸ مەدەنيەت جەنە ٶنەر قايراتكەرٸ, بٸرتۋار كومپوزيتور نۇرعيسا تٸلەنديەۆتٸڭ تۋعانىنا 100 جىل تولۋىنا وراي تۋعان جەرٸ – الماتى وبلىسى ٶتەگەن باتىر اۋىلىندا ۇلى تۇلعانىڭ ەسكەرتكٸشٸ بوي كٶتەرٸپ, جاڭا مەدەنيەت ٷيٸ اشىلدى, دەپ حابارلايدى Ult.kz.
سالتاناتتى ٸس-شاراعا قر مەدەنيەت جەنە اقپارات مينيسترٸ ايدا بالاەۆا, الماتى وبلىسىنىڭ ەكٸمٸ مارات سۇلتانعازيەۆ, قوعام جەنە مەدەنيەت قايراتكەرلەرٸ, زييالى قاۋىم ٶكٸلدەرٸ مەن ٶنەر مايتالماندارى قاتىستى.
ەل پرەزيدەنتٸ قاسىم-جومارت توقاەۆ قۇتتىقاۋ سٶزٸندە ەسكەرتكٸشتٸڭ اشىلۋى حالقىمىزدىڭ ەيگٸلٸ تۇلعاعا دەگەن ايرىقشا قۇرمەتٸ مەن ىستىق ىقىلاسىنىڭ بەلگٸسٸ ەكەنٸن اتاپ ٶتتٸ.
«نۇرعيسا تٸلەنديەۆ ٶركەنيەتٸمٸزدٸڭ ٶرٸسٸن كەڭەيتۋگە ٶلشەۋسٸز ٷلەس قوستى, ەلٸمٸزدٸڭ مەدەني مۇراسىن جاڭعىرتۋعا, قازاقتىڭ ەن-كٷيٸن جەر جٷزٸنە تانىتۋعا زور ەڭبەك سٸڭٸردٸ. «وتىرار سازى» وركەسترٸنٸڭ نەگٸزٸن قالاپ, ۇلتىمىزدىڭ رۋحاني دٷنيەتانىمىن بايىتا تٷستٸ. ول التىن قورىمىزعا ەنگەن پەسالار مەن فيلمدەرگە مۋزىكا جازىپ, تەاتر جەنە كينو سالاسىندا قايتالانباس قولتاڭباسىن قالدىردى. نۇرعيسا تٸلەنديەۆتٸڭ تەڭدەسسٸز مۇراسى ەلٸ تالاي ۇرپاققا تاعىلىم بەرەرٸ سٶزسٸز. ونىڭ ەسٸمٸ قازاق مەدەنيەتٸمەن بٸرگە مەڭگٸ جاساي بەرەدٸ», – دەلٸنگەن قۇتتىقتاۋ حاتىندا.
مەملەكەت باسشىسىنىڭ مەرەيلٸ سەتكە وراي جولداعان لەبٸزٸن جەتكٸزگەن ايدا بالاەۆا ٶز سٶزٸندە ۇلى كومپوزيتوردىڭ قازاق مەدەنيەتٸنە قوسقان ٶلشەۋسٸز ەڭبەگٸن ەرەكشە اتاپ ٶتتٸ.
«ۇلى كومپوزيتور حالقىمىزدىڭ تاريحىمەن تاعدىرىن, قۋانىشى مەن قايعىسىن, ارمان-مۇراتىن ٶنەرمەن ٶرنەكتەپ, ارتىندا مول مۇرا قالدىردى», – دەدٸ ا. بالاەۆا.
فوتو: قر مام
مينيستر نۇرعيسا تٸلەنديەۆتٸڭ 100 جىلدىعىنا وراي ەلٸمٸزدە جەنە شەتەلدە اۋقىمدى مەدەني ٸس-شارالار ۇيىمداستىرىلىپ جاتقانىن سٶز ەتتٸ.
اتاپ ايتساق, تٷركسوي حالىقارالىق ۇيىمى 2025 جىلدى «نۇرعيسا تٸلەنديەۆ جىلى» دەپ جارييالاپ, انكارادا كٶرمە, دەرەكتٸ فيلم كٶرسەتٸلٸمٸ مەن كومپوزيتور شىعارمالارىنان كونتسەرت ٶتكٸزدٸ. پاريجدەگٸ يۋنەسكو شتاب-پەتەرٸندە «شابىت باستاۋى» اتتى كٶرمە اشىلىپ, اقش-تا كارنەگي-حولدا ارنايى ەكسپوزيتسييا, بەيجٸڭدە «قۇستار قايتىپ بارادى» اتتى شىعارماشىلىق كەش ۇيىمداستىرىلدى. سونداي-اق مەسكەۋ, فرانكفۋرت, بٸشكەك, الماتى جەنە تٷركٸستان قالالارىندا تٷرلٸ كونتسەرتتەر مەن فەستيۆالدەر ٶتتٸ.
«بٷگٸنگٸ ەسكەرتكٸشتٸڭ اشىلۋى دا ۇلى تۇلعانىڭ رۋحىن ۇلىقتاۋعا ارنالعان ٸس-شارالاردىڭ بٸر پاراسى دەپ بٸلەمٸز. وسىناۋ ەڭسەلٸ ەسكەرتكٸش – نۇرعيسا تٸلەنديەۆتٸڭ ۇلت جٷرەگٸندەگٸ مەڭگٸلٸك ورنىن ايشىقتايدى. نۇرعيسا اتابايۇلىنىڭ قۇندى قازىناسى قازاقتىڭ مەڭگٸلٸك مۇراسى بولىپ قالا بەرەرٸ سٶزسٸز», – دەدٸ مينيستر.
سالتاناتتى جيىنعا قاتىسۋشىلار 400 ورىندىق جاڭا مەدەنيەت ٷيٸنٸڭ اشىلۋىنا قاتىسىپ, كٶرمە زالدارىن ارالادى. ٸس-شارا اياسىندا ارنايى كونتسەرت ٶتٸپ, دەۋلەسكەر كٷيشٸنٸڭ ەندەرٸ مەن كٷيلەرٸ ورىندالدى.
ايتا كەتەيٸك, نۇرعيسا تٸلەنديەۆتٸڭ مٷسٸنٸن بەلگٸلٸ مٷسٸنشٸلەر ايدوس بٷركٸتباەۆ پەن تيمۋر ەرمۇحامەتوۆ جاساعان. قولادان قۇيىلعان ەسكەرتكٸشتٸڭ بيٸكتٸگٸ – 2,85 مەتر, تۇعىرى – 1,5 مەتر, جالپى بيٸكتٸگٸ – 4,35 مەتر. تۇعىرى گرانيتتەن جاسالعان. ەڭسەلٸ ەسكەرتكٸش – ۇلى سازگەردٸڭ ۇلت رۋحانيياتىنا سٸڭٸرگەن ەڭبەگٸنە دەگەن ەل قۇرمەتٸنٸڭ ايعاعى.
