الماتى وبلىسىنىڭ پروكۋراتۋراسى 100-دەن استام جەر ۋچاسكەسٸنٸڭ مەنشٸك يەلەرٸنٸڭ نىسانالى ماقساتىن ٶزگەرتكەنٸ ٷشٸن مەملەكەتكە 1,5 ملرد تەڭگە تٶلەمەگەنٸن انىقتادى, دەپ حابارلايدى "ۇلت اقپارات".
زاڭ بويىنشا, جەر ۋچاسكەسٸن پايدالانۋدى ٶزگەرتۋ كەزٸندە جەر يەلەرٸ كاداسترلىق قۇنىن ٶتەۋٸ كەرەك.
پروكۋرورلار 236 ميلليون تەڭگەنٸ قايتاردى, قالعان سوما ٶندٸرۋ ساتىسىندا. التى ايدا جالپى كٶلەمٸ 12,5 مىڭ گەكتار, قۇنى 2,5 ميلليارد تەڭگە بولاتىن 155 پايدالانىلماي جاتقان جەر تەلٸمدەرٸ مەملەكەت مەنشٸگٸنە قايتارىلدى.
مەسەلەن, قوناەۆتا 2020 جىلى سۋ ەلەكتر ستانساسىن سالۋ ٷشٸن بٸر كەسٸپورىنعا 500 گەكتار جەر بەرٸلگەن. بٸراق سۋ ەلەكتر ستانساسى كٷنٸ بٷگٸنگە دەيٸن سالىنباعان. تاعى بٸر مىسال, ٸلە اۋدانىنداعى "سوليد كريستال" جشس-عا بٶلٸنگەن 339 ميلليون تەڭگەنٸڭ جەر تەلٸمٸ التى جىل بويى پايدالانىلماي تۇرعان.
سەرٸكتەستٸك الماتى وبلىسىنىڭ بۇرىنعى ەكٸمٸنٸڭ قىزى سايورا باتالوۆاعا تيەسٸلٸ.
