Almaty oblysynyń prokýratýrasy 100-den astam jer ýchaskesiniń menshik ieleriniń nysanaly maqsatyn ózgertkeni úshin memleketke 1,5 mlrd teńge tólemegenin anyqtady, dep habarlaidy "Ult aqparat".
Zań boiynsha, jer ýchaskesin paidalanýdy ózgertý kezinde jer ieleri kadastrlyq qunyn óteýi kerek.
Prokýrorlar 236 million teńgeni qaitardy, qalǵan soma óndirý satysynda. Alty aida jalpy kólemi 12,5 myń gektar, quny 2,5 milliard teńge bolatyn 155 paidalanylmai jatqan jer telimderi memleket menshigine qaitaryldy.
Máselen, Qonaevta 2020 jyly sý elektr stansasyn salý úshin bir kásiporynǵa 500 gektar jer berilgen. Biraq sý elektr stansasy kúni búginge deiin salynbaǵan. Taǵy bir mysal, Ile aýdanyndaǵy "Solid Kristal" JShS-ǵa bólingen 339 million teńgeniń jer telimi alty jyl boiy paidalanylmai turǵan.
Seriktestik Almaty oblysynyń burynǵy ákiminiń qyzy Saiora Batalovaǵa tiesili.
