8 سەۋٸر مەن 8 مامىر ارالىعىندا قالادا «الماتى – بٸزدٸڭ ورتاق ٷيٸمٸز» ناۋقانى ٶتەدٸ. قالانىڭ بارلىق اۋدانىن قامتيتىن ناۋقانعا الماتىنىڭ ەربٸر تۇرعىنى مەن قوناعى قاتىسا الادى, دەپ حابارلايدى "ۇلت اقپارات".
«الماتى – بٸزدٸڭ ورتاق ٷيٸمٸز» ناۋقانىنىڭ باستى ماقساتى - قالالىق ينفراقۇرىلىمعا ۇقىپتى قاراۋ قۇندىلىعىن قالىپتاستىرۋ, حالىق اراسىندا جوعارى ازاماتتىق جاۋاپكەرشٸلٸك پەن ەكولوگييالىق مەدەنيەتتٸ تەربيەلەۋ, جەكە ەكولوگييالىق باستامالاردى قولداۋ مەن ٸسكە اسىرۋعا جاعداي جاساۋ.
ناۋقان 4 نەگٸزگٸ كەزەڭگە بٶلٸنگەن:
1. «بٸزدٸڭ قالا – بٸزدٸڭ كٶشەلەر» (8-14 سەۋٸر) - قالالىق ينفراقۇرىلىمدى: جولدى, جەر ٷستٸ جەنە جەر استى جاياۋ جٷرگٸنشٸلەر ٶتكەلدەرٸن, ايالداما كەشەندەرٸن, باعدارشامداردى, جارىق بەرۋ قۇرالدارىن, بەلگٸلەردٸ, تۋريستٸك توتەمدەردٸ, قوعامدىق دەرەتحانالاردى تازالاۋ جەنە رەتكە كەلتٸرۋ اپتالىعى. دەزينفەكتسييا جەنە دەزينسەكتسييا جٷرگٸزە وتىرىپ, ليۋكتەر اۋىستىرىلادى, قوقىس جەشٸكتەرٸ جٶندەلەدٸ.
2. «بٸزدٸڭ قالا – بٸزدٸڭ اۋلا, بٸزدٸڭ ٷي» (15-21 سەۋٸر): كٶشەت وتىرعىزۋ اپتالىعى. اۋلالار مەن ويىن الاڭدارى جٶندەلٸپ, رەتكە كەلتٸرٸلەدٸ. اۋلالار مەن ەسٸك الدىنداعى شاعىن باقتى كٶگالداندىرعىسى كەلەتٸندەرگە كٶشەت, جەكە ٷيلەردٸڭ قورشاۋىن سىرلاعىسى كەلەتٸندەرگە بوياۋ بەرٸلەدٸ. وسى كەزەڭدە تٷرلٸ شىعارماشىلىق ەرٸ ەكولوگييالىق ٸس-شارالار باستالادى – «جاس جۇبايلار» كرەاتيۆتٸ ەكو-حابى مەن اللەيا اشۋ, «ەكو-مارافون» پلوگگينگٸ, دەمحانالار مەن مەيرامحانالاردا تاماق قالدىقتارىن جيناۋ جوباسى; «تازا ويىندار» اكتسيياسى, «مەرزٸمٸ ٶتكەن دەرٸ-دەرمەكتٸ ٶتكٸزٸڭٸز – تابيعاتتى ساقتاڭىز»; «ٷزدٸك اۋلا», "ٷزدٸك شاعىن باق», «كوممۋنالدىق قىزمەتتٸڭ ٷزدٸك قىزمەتكەرٸ» بايقاۋلارى, «جاسىل پلانەتا – بٸزدٸڭ ورتاق ٷيٸمٸز» مەكتەپ سۋرەتتەرٸ بايقاۋى جەنە ت.ب. 20 سەۋٸر كٷنٸ جالپىقالالىق سەنبٸلٸك جوسپارلانعان.
3. «بٸزدٸڭ قالا - بٸزدٸڭ تاۋ, ٶزەن مەن كٶلدەر» (22-28 سەۋٸر): جاعالاۋلار مەن سۋ ايدىندارىن, ساياباقتاردى, سكۆەرلەر مەن تاۋ بٶكتەرٸن تازالاۋ اپتالىعى.
4. «بٸزدٸڭ قالا – بٸزدٸڭ ماقتانىش» (29 سەۋٸر – 8 مامىر): ەسكەرتكٸشتەر مەن مەدەنيەت نىسانداردى تازالاۋ اپتالىعى. سوڭعى اپتادا قالاداعى سۋبۇرقاقتار ٸسكە قوسىلىپ, ناۋقانعا بەلسەندٸ تٷردە قاتىسقان تۇرعىندار سىيلىقتارمەن ماراپاتتالادى.
ناۋقان قورىتىندىسى بويىنشا 1765 ايالداما پاۆيلونى, 480 باعدارشام نىسانى, 56 جەر استى جەنە 78 جەر ٷستٸ ٶتكەلٸ, 1500 قوقىس الاڭى, 24747 قوقىس جەشٸگٸ, 15454 ورىندىق, 161 ەسكەرتكٸش جۋىلىپ, جٶندەۋدەن ٶتەدٸ. قالانىڭ كوممۋنالدىق قىزمەتٸ 153 ساياباق پەن سكۆەردٸ, 1349 كم ارىق جەلٸسٸن, 4468 كم كٶشە مەن تروتۋاردى, 235 ليۋكتٸ تازالايدى. ناۋقان اياسىندا 3420 جارىق نٷكتەسٸ, 650 بەلگٸ جاڭارتىلىپ, 20 مىڭنان استام اعاش پەن بۇتا وتىرعىزىلادى. 1 مامىردا قالادا 65 سۋبۇرقاق ٸسكە قوسىلادى.
"بٷگٸننەن باستاپ, بٸر اي بويى بٸز «الماتى – بٸزدٸڭ ورتاق ٷيٸمٸز» ناۋقانىن باستايمىز جەنە ٶتكٸزەمٸز. ماقسات - بٸزدٸڭ سٷيٸكتٸ قالامىز ودان دا جاقسى جەنە ەدەمٸ بولۋى ٷشٸن بارلىق نيەتتەس تۇرعىنداردى بٸرٸكتٸرۋ. بۇل تەك تازالىق پەن تەرتٸپكە عانا ەمەس, سونىمەن بٸرگە ٶزٸمٸز بٸرگە جاساعان قۇندىلىقتارعا ۇقىپتى قاراۋعا دا قاتىستى.
ٷلكەن ٸستەر كٸشٸدەن باستالادى. ۇلى اباي ايتقانداي, «ٶزٸن تەربيەلەي بٸلمەگەن, ٶزگەگە ٶنەگە كٶرسەتە المايدى». سوندىقتان يگٸ ٸستەردٸ ٶزٸمٸزدەن, ٷيٸمٸزدەن, اۋلامىزدان باستايىق. الماتىلىقتار ٷنەمٸ ٶز قالاسىنا ەرەكشە قۇرمەتپەن قاراۋ ارقىلى ەرەكشەلەنەدٸ. ەرينە, مەن ەركٸمنٸڭ جەكە ٸستەرٸ بار ەكەنٸن تٷسٸنەمٸن, بٸراق قالامىز بٸرەۋ ەرٸ بەرٸمٸزگە ورتاق.
مەنٸڭ تاپسىرمام بويىنشا بارلىق قالالىق كوممۋنالدىق قىزمەتتەر, اۋدان ەكٸمدٸكتەرٸ الداعى ناۋقانعا بەلسەندٸ قاتىسادى. بارلىق ٸس-شارالار قالا اتىنان قاجەتتٸ رەسۋرستارمەن قامتاماسىز ەتٸلگەن", - دەدٸ الماتى ەكٸمٸ ەربولات دوساەۆ.
«الماتى – بٸزدٸڭ ورتاق ٷيٸمٸز» ەكولوگييالىق ناۋقانىن ٶتكٸزۋ فورماتى, قاتىسۋ شارتى, مەكەنجايى جەنە بايلانىس نٶمٸرٸ تۋرالى قوسىمشا اقپارات اlmaty.kz سايتىندا جەنە الماتى ەكٸمدٸگٸنٸڭ ەلەۋمەتتٸك جەلٸلەردەگٸ پاراقشاسىندا جارييالانادى. سونداي-اق, ۆەب-سايتقا جاقىندا بٷكٸل قالاعا ٸلٸنەتٸن باننەر, پوستەر جەنە افيشاداعى ارنايى QR-كود ارقىلى كٸرۋگە بولادى.
ناۋقاننىڭ بەلسەندٸ قاتىسۋشىلارىنا ارنالعان ەلەۋمەتتٸك جەلٸدەگٸ حەشتەگتەر: #الماتىناشوبششييدوم, #ناسمنوگوگورودودين, #الماتىبٸزدٸڭورتاقٷيٸمٸز, #بٸزكٶپپٸزقالاجالعىز.
