8 sáýir men 8 mamyr aralyǵynda qalada «Almaty – bizdiń ortaq úiimiz» naýqany ótedi. Qalanyń barlyq aýdanyn qamtityn naýqanǵa Almatynyń árbir turǵyny men qonaǵy qatysa alady, dep habarlaidy "Ult aqparat".
«Almaty – bizdiń ortaq úiimiz» naýqanynyń basty maqsaty - qalalyq infraqurylymǵa uqypty qaraý qundylyǵyn qalyptastyrý, halyq arasynda joǵary azamattyq jaýapkershilik pen ekologiialyq mádenietti tárbieleý, jeke ekologiialyq bastamalardy qoldaý men iske asyrýǵa jaǵdai jasaý.
Naýqan 4 negizgi kezeńge bólingen:
1. «Bizdiń qala – bizdiń kósheler» (8-14 sáýir) - qalalyq infraqurylymdy: joldy, jer ústi jáne jer asty jaiaý júrginshiler ótkelderin, aialdama keshenderin, baǵdarshamdardy, jaryq berý quraldaryn, belgilerdi, týristik totemderdi, qoǵamdyq dárethanalardy tazalaý jáne retke keltirý aptalyǵy. Dezinfektsiia jáne dezinsektsiia júrgize otyryp, liýkter aýystyrylady, qoqys jáshikteri jóndeledi.
2. «Bizdiń qala – bizdiń aýla, bizdiń úi» (15-21 sáýir): kóshet otyrǵyzý aptalyǵy. Aýlalar men oiyn alańdary jóndelip, retke keltiriledi. Aýlalar men esik aldyndaǵy shaǵyn baqty kógaldandyrǵysy keletinderge kóshet, jeke úilerdiń qorshaýyn syrlaǵysy keletinderge boiaý beriledi. Osy kezeńde túrli shyǵarmashylyq ári ekologiialyq is-sharalar bastalady – «Jas jubailar» kreativti eko-haby men alleia ashý, «Eko-marafon» ploggingi, dámhanalar men meiramhanalarda tamaq qaldyqtaryn jinaý jobasy; «Taza oiyndar» aktsiiasy, «Merzimi ótken dári-dármekti ótkizińiz – tabiǵatty saqtańyz»; «Úzdik aýla», "Úzdik shaǵyn baq», «Kommýnaldyq qyzmettiń úzdik qyzmetkeri» baiqaýlary, «Jasyl planeta – bizdiń ortaq úiimiz» mektep sýretteri baiqaýy jáne t.b. 20 sáýir kúni jalpyqalalyq senbilik josparlanǵan.
3. «Bizdiń qala - bizdiń taý, ózen men kólder» (22-28 sáýir): jaǵalaýlar men sý aidyndaryn, saiabaqtardy, skverler men taý bókterin tazalaý aptalyǵy.
4. «Bizdiń qala – bizdiń maqtanysh» (29 sáýir – 8 mamyr): eskertkishter men mádeniet nysandardy tazalaý aptalyǵy. Sońǵy aptada qaladaǵy sýburqaqtar iske qosylyp, naýqanǵa belsendi túrde qatysqan turǵyndar syilyqtarmen marapattalady.
Naýqan qorytyndysy boiynsha 1765 aialdama pavilony, 480 baǵdarsham nysany, 56 jer asty jáne 78 jer ústi ótkeli, 1500 qoqys alańy, 24747 qoqys jáshigi, 15454 oryndyq, 161 eskertkish jýylyp, jóndeýden ótedi. Qalanyń kommýnaldyq qyzmeti 153 saiabaq pen skverdi, 1349 km aryq jelisin, 4468 km kóshe men trotýardy, 235 liýkti tazalaidy. Naýqan aiasynda 3420 jaryq núktesi, 650 belgi jańartylyp, 20 myńnan astam aǵash pen buta otyrǵyzylady. 1 mamyrda qalada 65 sýburqaq iske qosylady.
"Búginnen bastap, bir ai boiy biz «Almaty – bizdiń ortaq úiimiz» naýqanyn bastaimyz jáne ótkizemiz. Maqsat - bizdiń súiikti qalamyz odan da jaqsy jáne ádemi bolýy úshin barlyq niettes turǵyndardy biriktirý. Bul tek tazalyq pen tártipke ǵana emes, sonymen birge ózimiz birge jasaǵan qundylyqtarǵa uqypty qaraýǵa da qatysty.
Úlken ister kishiden bastalady. Uly Abai aitqandai, «Ózin tárbielei bilmegen, ózgege ónege kórsete almaidy». Sondyqtan igi isterdi ózimizden, úiimizden, aýlamyzdan bastaiyq. Almatylyqtar únemi óz qalasyna erekshe qurmetpen qaraý arqyly erekshelenedi. Árine, men árkimniń jeke isteri bar ekenin túsinemin, biraq qalamyz bireý ári bárimizge ortaq.
Meniń tapsyrmam boiynsha barlyq qalalyq kommýnaldyq qyzmetter, aýdan ákimdikteri aldaǵy naýqanǵa belsendi qatysady. Barlyq is-sharalar qala atynan qajetti resýrstarmen qamtamasyz etilgen", - dedi Almaty ákimi Erbolat Dosaev.
«Almaty – bizdiń ortaq úiimiz» ekologiialyq naýqanyn ótkizý formaty, qatysý sharty, mekenjaiy jáne bailanys nómiri týraly qosymsha aqparat almaty.kz saitynda jáne Almaty ákimdiginiń áleýmettik jelilerdegi paraqshasynda jariialanady. Sondai-aq, veb-saitqa jaqynda búkil qalaǵa ilinetin banner, poster jáne afishadaǵy arnaiy QR-kod arqyly kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshiiDom, #NasMnogoGorodOdin, #AlmatyBizdińOrtaqÚiimiz, #BizKóppizQalajalǵyz.
