«ەلٸپپە» وقۋلىعى وقۋشىنىڭ جاس ەرەكشەلٸگٸنە بايلانىستى جازىلدى. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا مەلٸم ەتتٸ, دەپ حابارلايدى قازاقپارات.
«جاز كەزٸندە «ەلٸپپە» وقۋلىعىنا بايلانىستى ٶزگەرٸستەر مەملەكەتتٸك ستاندارتقا ەنگٸزٸلگەنٸن حابارلاعان ەدٸك. قازٸرگٸ كەزدە «ەلٸپپە» وقۋ باعدارلاماسىن جاساۋدىڭ جۇمىسى اياقتالىپ, بەكٸتٸلدٸ. «ەلٸپپەنٸ» ەنگٸزۋدٸڭ, قايتارۋدىڭ ماڭىزى زور ەكەنٸن اتاپ ٶتكٸم كەلەدٸ. سەبەبٸ «ەلٸپپە» العاشقى وقۋلىق بولسا, ول مٸندەتتٸ تٷردە وقۋشىنىڭ جاس ەرەكشەلٸگٸنە, فيزيولوگييالىق ەرەكشەلٸگٸنە بايلانىستى ساي بولۋى كەرەك. بالالار مەكتەپكە 6 جاستان قابىلدانادى. وسى ورايدا جۇمىس توبى اۋقىمدى شارالاردى اتقاردى», - دەپ توقتالدى ش. كارينوۆا ورتالىق كوممۋنيكاتسييالار قىزمەتٸندە.
ونىڭ ايتۋىنشا, 20-دان استام جۇمىس توبىنىڭ وتىرىسى ٶتكٸزٸلدٸ.
«بۇل تۇرعىدا عىلىمي نەگٸزگە, تەجٸريبەلٸك قولدانىسقا قاتىستى بٸرنەشە ۇسىنىس كەلٸپ تٷستٸ. سونىڭ بارلىعى زەردەلەنٸپ, ناقتى اۆتورلاردىڭ قاتىسۋىمەن جۇمىس توبى ٶزٸنە تيەسٸلٸ شارالاردى اتقاردى», - ۆيتسە-مينيستر.
ٶز كەزەگٸندە ى. التىنسارين اتىنداعى ۇلتتىق بٸلٸم اكادەميياسىنىڭ ورتا بٸلٸم ورتالىعىنىڭ ديرەكتورى مانارا اداموۆا جاڭارتىلعان بٸلٸم مازمۇنى 2016 جىلدان ەنگٸزٸلگەننەن بەرٸ, ەلٸمٸزدە بٸرٸنشٸ سىنىپتان «ساۋات اشۋ» وقۋلىعى پايدالانىلىپ كەلگەنٸن ەسكە سالدى.
«اتا-انالار تاراپىنان «ەلٸپپەنٸ» ٸزدەگەندەر كٶپ بولدى. «ساۋات اشۋ» مەن «ەلٸپپەنٸڭ» ايىرماشىلىعىنا توقتالساق, «ەلٸپپە» مەن «انا تٸلٸ» وقۋلىقتارى «ساۋات اشۋدىڭ» ٸشٸنە كٸرٸكتٸرٸلگەن بولاتىن. ەندٸ قازٸر ەزٸرلەنٸپ جاتقان وقۋ باعدارلاماسىنا سەيكەس شىعارىلاتىن «ەلٸپپە» وقۋلىعى مەن «انا تٸلٸ» بٶلەك بولادى. 2021-2022 وقۋ جىلىنان باستاپ ەكٸ وقۋلىقپەن بٸرٸنشٸ سىنىپ بالالارى بٸلٸم الادى», - دەدٸ ورتالىق ديرەكتورى.
ونىڭ سٶزٸنە قاراعاندا, «ەلٸپپە» 96-98 ساعات كٶلەمٸندە بٸرٸنشٸ جارتجىلدىقتا وقىتىلادى. «ەلٸپپەگە دەيٸنگٸ» كەزەڭگە 2 اپتا ۋاقىت بٶلٸنەدٸ. ودان كەيٸن «ەلٸپپە» وقۋلىعى بويىنشا وقىتۋ جالعاستىرىلادى.
«قاڭتار ايىنان باستاپ, ياعني ٷشٸنشٸ توقسانعا كٶشكەن كەزەڭنەن وقۋ مەن جازۋدى جەتٸلدٸرۋ ٷشٸن «انا تٸلٸ» وقۋلىعىنىڭ اياسىندا وقىتۋ جالعاستىرىلادى», - دەدٸ م. اداموۆا.
بۇدان بۇرىن حابارلانعانداي, «ەلٸپپەنٸ» ەنگٸزۋ 2021-2022 جىلعا جوسپارلانعان.
بيىل تامىز ايىندا قر بٸلٸم جەنە عىلىم مينيسترٸ اسحات ايماعامبەتوۆ ٶزگەرٸستٸڭ اياسىندا مەكتەپ باعدارلاماسىنا سەيكەس, 1-سىنىپتارعا 1-2 توقسان «ەلٸپپە», 3-4 توقسان «انا تٸلٸ» ەنگٸزٸلەتٸنٸن ايتقان ەدٸ.
