سۋرەت اشىق دەرەككٶزدەن الىندى
قارجى مينيسترلٸگٸنٸڭ القا مەجٸلٸسٸندە پرەمەر-مينيستر ەليحان سمايىلوۆ ازاماتتاردىڭ بانكروتتىعى تۋرالى زاڭدى تەزدەتٸپ قولدانىسقا ەنگٸزۋدٸ تاپسىردى, دەپ حابارلايدى قازاقپارات اگەنتتٸگٸ.
«جەكە تۇلعالاردىڭ بانكروتتىعى تۋرالى زاڭ 1 قاڭتاردان باستاپ كٷشٸنە ەندٸ. شامامەن 1,2 ملن ازامات بورىش اۋىرتپالىعىنان بوساتۋ تەتٸگٸن پايدالانا الادى. جەكە تۇلعالار بانكروتتىعى ينستيتۋتىن تولىققاندى ەنگٸزۋ ٷشٸن زاڭعا تەۋەلدٸ اكتٸلەردٸڭ بەرٸن تەز ارادا قابىلداپ, ۇيىمداستىرۋ-تەحنيكالىق جۇمىستاردى اياقتاۋ قاجەت», - دەدٸ ول.
پرەمەر-مينيستر تيٸستٸ اقپاراتتىق جٷيەنٸ قىسقا مەرزٸمدە ٸسكە قوسۋ كەرەكتٸگٸن اتاپ ٶتتٸ.
«بۇل قادام قاجەتتٸ رەسٸمدەردٸ بارىنشا جەڭٸلدەتٸپ, جەدەل شەشٸم قابىلداۋعا مٷمكٸندٸك بەرەدٸ», - دەدٸ ەليحان سمايىلوۆ.
ٷكٸمەت باسشىسى كٶلەڭكەلٸ ەكونوميكاعا قارسى ٸس-قيمىلدىڭ نەگٸزگٸ باعىتتارىن دا اتادى.
«قابىلدانعان شارالارعا قاراماستان, ونىڭ ٷلەسٸ ەلٸ دە اۋقىمدى. وسى باعىتتاعى جۇمىستى كٷشەيتٸپ, كٶلەڭكەلٸ ەكونوميكاعا قارسى ٸس-قيمىل جٶنٸندەگٸ ٸس-شارالار جوسپارىن تولىققاندى ٸسكە اسىرۋ قاجەت.
بۇل جۇمىستا جالپىعا بٸردەي دەكلاراتسييانى كەزەڭ-كەزەڭٸمەن جەنە ۋاقتىلى ەنگٸزۋ ماڭىزدى. ماقسات - جەكە تۇلعالاردىڭ تابىسى مەن مٷلكٸن باقىلاۋدىڭ تيٸمدٸ جٷيەسٸن قۇرۋ ەكەنٸن اتاپ ٶتكٸم كەلەدٸ», - دەدٸ پرەمەر-مينيستر.
