Sýret ashyq derekkózden alyndy
Qarjy ministrliginiń alqa májilisinde Premer-Ministr Álihan Smaiylov azamattardyń bankrottyǵy týraly zańdy tezdetip qoldanysqa engizýdi tapsyrdy, dep habarlaidy QazAqparat agenttigi.
«Jeke tulǵalardyń bankrottyǵy týraly zań 1 qańtardan bastap kúshine endi. Shamamen 1,2 mln azamat borysh aýyrtpalyǵynan bosatý tetigin paidalana alady. Jeke tulǵalar bankrottyǵy institýtyn tolyqqandy engizý úshin zańǵa táýeldi aktilerdiń bárin tez arada qabyldap, uiymdastyrý-tehnikalyq jumystardy aiaqtaý qajet», - dedi ol.
Premer-Ministr tiisti aqparattyq júieni qysqa merzimde iske qosý kerektigin atap ótti.
«Bul qadam qajetti rásimderdi barynsha jeńildetip, jedel sheshim qabyldaýǵa múmkindik beredi», - dedi Álihan Smaiylov.
Úkimet basshysy kóleńkeli ekonomikaǵa qarsy is-qimyldyń negizgi baǵyttaryn da atady.
«Qabyldanǵan sharalarǵa qaramastan, onyń úlesi áli de aýqymdy. Osy baǵyttaǵy jumysty kúsheitip, kóleńkeli ekonomikaǵa qarsy is-qimyl jónindegi is-sharalar josparyn tolyqqandy iske asyrý qajet.
Bul jumysta jalpyǵa birdei deklaratsiiany kezeń-kezeńimen jáne ýaqtyly engizý mańyzdy. Maqsat - jeke tulǵalardyń tabysy men múlkin baqylaýdyń tiimdi júiesin qurý ekenin atap ótkim keledi», - dedi Premer-Ministr.
