ەلەمدە كوروناۆيرۋس ينفەكتسيياسىن جۇقتىرىپ, سالدارىنان قايتىس بولعاندار سانى 3 ميلليوننان استى. بۇل ۆيرۋس جۇقتىرعانى راستالعان 140 ميلليون ادامنىڭ 2 پايىزىن قۇرايدى.
قازٸر كوروناۆيرۋستان بارلىعى 18 ميلليون ادام ەمدەلٸپ جاتىر. ونىڭ 106 مىڭىنىڭ حالٸ ناشار. تٸركەلگەن ناۋقاستاردىڭ جالپى سانى (31,3 ميلليوننان استام) مەن اۋرۋدان قايتىس بولعاندار جٶنٸنەن (563 مىڭعا جۋىق) بٸرٸنشٸ ورىندا اقش تۇر. اۋرۋدى باقىلاۋ جەنە الدىن الۋ ورتالىعىنىڭ مەلٸمەتٸنشە (Center for Disease Control and Prevention, CDC), ەلدە بارلىعى 206 ميلليون ادام ەكپە العان. ونىڭ 82,4 ميلليونى (حالىقتىڭ 24,8 پايىزى) تولىق ۆاكتسينالانعان, 129,4 ميلليونى (39 پايىز) ۆاكتسينانىڭ كەمٸ بٸر دوزاسىن العان. بٸراق وسىعان قاراماستان كوروناۆيرۋس جۇقتىرۋشىلار سانى كٶبەيٸپ بارادى. CDC دەرەگٸنە قاراعاندا, بٸر 16 سەۋٸردٸڭ ٶزٸندە 76,6 مىڭ ناۋقاس تٸركەلگەن.
ٸندەتتەن قاتتى زارداپ شەككەن برازيلييا, ٷندٸستان جەنە فرانتسييا سەكٸلدٸ ەلدەر دە قايتا ٶرشٸگەن ٸندەتتٸڭ بەتٸن قايتارۋمەن ەلەك.
دجونس حوپكينس ۋنيۆەرسيتەتٸنٸڭ مەلٸمەتٸنشە, كەيٸنگٸ اپتادا دٷنيە جٷزٸ بويىنشا 12 مىڭنان استام ٶلٸم تٸركەلگەن. ۆيرۋس جۇقتىرعاندار سانى دا كٷن سايىن ارتىپ كەلەدٸ. قازٸر كٷنٸنە شامامەن 700 مىڭ ادام كوروناۆيرۋسپەن تٸركەلٸپ جاتىر. بۇدان ٸندەتتٸڭ تاراۋى بەسەڭدەمەگەنٸن اڭعارۋعا بولادى.
«16 ايدان كەيٸنگٸ جاعداي مۇنداي بولماۋى كەرەك ەدٸ» دەدٸ ددسۇ ٶكٸلٸ مارييا ۆان كەرحوۆە.
برازيلييادا كٷنٸنە 3 مىڭعا جۋىق ادام قايتىس بولىپ جاتىر. اۋرۋدان قايتىس بولىپ جاتقان ەربٸر تٶرت ادامنىڭ بٸرٸ وسى ەلدٸڭ ٷلەسٸندە. مۇندا كەي زيراتتاردا تٷنگٸ اۋىسىم پايدا بولعان, سەبەبٸ كٶر قازۋشىلار مەيٸت جەرلەپ ٷلگەرە الماي جاتىر.
ۇلىبريتانييادا حالىقتىڭ 60 پايىزدان استامى ۆاكتسينانىڭ كەمٸ بٸر دوزاسىن العان. بٸراق ەلدە وسىعان قاراماستان اۋرۋدان كٷن سايىن 30-عا جۋىق ادام قايتىس بولىپ جاتىر.
ەۋروپا جۇقپالىعى جوعارى بريتانييالىق ۆاريانتتان زارداپ شەگٸپ جاتىر. سالدارىنان كونتينەنتتەگٸ Covid ٶلٸمٸ 1 ميلليوننان اسىپ تٷستٸ.
فرانتسييادا 6 مىڭعا جۋىق ناۋقاس ينتەنسيۆتٸ تەراپييا بٶلٸمٸندە ەمدەلٸپ جاتىر. مۇنداي كٶرسەتكٸش ٸندەت باستالعالى بولماعان.
جاپونييادا ٸندەتتٸڭ ٶرشۋٸ وليمپيادا ويىندارى تاعى شەگەرٸلۋٸ مٷمكٸن دەگەن قاۋەسەتتٸڭ تاراۋىنا ەكەلدٸ. ەلدە ەكپە الىپ ٷلگەرگەندەر حالىقتىڭ 1 پايىزىنا دا جەتپەيدٸ. بٸراق 124 ميلليون حالقى بار جاپونييا كوروناۆيرۋستان سالىستىرمالى تٷردە از زارداپ شەككەن ەلدەر قاتارىنا جاتادى. ٸندەت باستالعالى ەلدە بارلىعى 525 مىڭ ناۋقاس, 9 584 ٶلٸم تٸركەلگەن.
