كوروناۆيرۋسقا قاتىستى جاعدايدى دۇرىس تٷسٸنۋ كەرەك. قر دەنساۋلىق ساقتاۋ مينيسترٸ ەلجان بٸرتانوۆ وسىلاي مەلٸم ەتتٸ, دەپ حابارلايدى قازاقپارات.
«جۇقپالى اۋرۋ ادامنان ادامعا جۇعادى. بٸزدٸڭ نەگٸزگٸ ماقساتىمىز – وسى ينفەكتسييانى توقتاتىپ, ونىڭ تارالۋىنا جول بەرمەۋ. ەرينە, جاۋاپكەرشٸلٸك ٶتە ماڭىزدى, جاعدايدى بارلىعىمىز دۇرىس تٷسٸنۋٸمٸز كەرەك. ٷنەمٸ قورقىپ, تىعىلىپ ٷيدە وتىرۋ دەگەن دۇرىس ەمەس, بٸراق ساقتانۋ شارالارىن ۇستانۋ كەرەك. گيگيەنالىق تالاپتاردى ساقتاۋ قاجەت», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى ورايدا ە. بٸرتانوۆ ينفەكتسييانىڭ تارالۋىنىڭ الدىن الۋ ٷشٸن باق-تا تٷسٸندٸرۋ جۇمىستارىن كەڭٸنەن جٷرگٸزۋدٸ سۇرادى.
«سٸزدەرگە مەنٸڭ ٶتٸنٸشٸم بار, بۇقارالىق اقپارات قۇرالدارىنىڭ مٷمكٸندٸگٸن پايدالانىپ, ازاماتتارعا تٷسٸندٸرۋ شارالارىن جٷرگٸزۋ كەرەك. باسقا مەملەكەتتەردە دە 2-3 ايدىڭ ٸشٸندە مەسەلە شەشٸلەدٸ, ينفەكتسييا توقتايدى. سوندىقتان جاعدايدى تٷسٸنٸپ, گيگيەناعا مەن بەرگەن دۇرىس», - دەدٸ مينيستر.
بۇدان بۇرىن حابارلانعانداي, قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس جۇقتىرعان ٷشٸنشٸ ادام ميلاننان كەلگەنٸن ايتتى.
مينيستر كوروناۆيرۋس ينفەكتسيياسىن جۇقتىرعان قازاقستاننىڭ ەكٸ ازاماتى گەرمانييادان كەلگەنٸن مەلٸم ەتتٸ.
