Koronavirýsqa qatysty jaǵdaidy durys túsiný kerek. QR Densaýlyq saqtaý ministri Eljan Birtanov osylai málim etti, dep habarlaidy QazAqparat.
«Juqpaly aýrý adamnan adamǵa juǵady. Bizdiń negizgi maqsatymyz – osy infektsiiany toqtatyp, onyń taralýyna jol bermeý. Árine, jaýapkershilik óte mańyzdy, jaǵdaidy barlyǵymyz durys túsinýimiz kerek. Únemi qorqyp, tyǵylyp úide otyrý degen durys emes, biraq saqtaný sharalaryn ustaný kerek. Gigienalyq talaptardy saqtaý qajet», - dedi ministr Ortalyq kommýnikatsiialar qyzmetindegi baspasóz máslihatynda.
Osy oraida E. Birtanov infektsiianyń taralýynyń aldyn alý úshin BAQ-ta túsindirý jumystaryn keńinen júrgizýdi surady.
«Sizderge meniń ótinishim bar, buqaralyq aqparat quraldarynyń múmkindigin paidalanyp, azamattarǵa túsindirý sharalaryn júrgizý kerek. Basqa memleketterde de 2-3 aidyń ishinde másele sheshiledi, infektsiia toqtaidy. Sondyqtan jaǵdaidy túsinip, gigienaǵa mán bergen durys», - dedi ministr.
Budan buryn habarlanǵandai, QR Densaýlyq saqtaý ministri Eljan Birtanov koronavirýs juqtyrǵan úshinshi adam Milannan kelgenin aitty.
Ministr koronavirýs infektsiiasyn juqtyrǵan Qazaqstannyń eki azamaty Germaniiadan kelgenin málim etti.
