پاۆلوداردا ٷش جاسار قىزىن ۇزاق ۋاقىت بويى ازاپتاپ, كەيٸن ٶلٸمٸنە سەبەپ بولدى دەپ تانىلعان 26 جاستاعى ەر ادام ٶمٸر بويىنا باس بوستاندىعىنان ايىرىلدى, دەپ حابارلايدى ult.kz.
Stan.kz جازۋىنشا, قايعىلى وقيعا 2025 جىلدىڭ قىركٷيەگٸندە پاۆلودار وبلىسىنداعى وسمەرىجسك اۋىلىندا بولعان. تەرگەۋ مەلٸمەتٸنشە, ەر ادام ماس كٷيٸندە ٷيٸنە كەلٸپ, قىزىن سوققىعا جىققان. كەيٸن بالانى كٶرشٸنٸڭ مونشاسىنا الىپ بارىپ, بەتون ەدەنگە قاتتى لاقتىرعان. اۋىر جاراقات العان بٷلدٸرشٸندٸ اۋرۋحاناعا ٶزٸ جەتكٸزگەنٸمەن, دەرٸگەرلەر ونىڭ ٶمٸرٸن ساقتاپ قالا المادى.
سوت بارىسىندا مارقۇم قىزدىڭ اناسى كٷيەۋٸنٸڭ مٸنەز-قۇلقى ۇلى دٷنيەگە كەلگەننەن كەيٸن ٶزگەرگەنٸن ايتتى. ونىڭ سٶزٸنشە, ەر ادام ٷش جاسار قىزدىڭ ٶزٸنەن تۋعانىنا كٷمەن كەلتٸرٸپ, سول سەبەپتٸ بالاعا قاتىگەزدٸك كٶرسەتكەن.
سوت انىقتاعانداي, قىز بالا 2025 جىلدىڭ قاڭتارىنان قىركٷيەگٸنە دەيٸن تۇراقتى تٷردە زورلىق-زومبىلىق كٶرگەن. تەرگەۋ دەرەكتەرٸندە ەكەسٸنٸڭ ونى كەيدە تٶسەككە بايلاپ قوياتىنى جەنە جيٸ ۇرىپ-سوعاتىنى كٶرسەتٸلگەن.
سوت-مەديتسينالىق ساراپتاما بارىسىندا بالانىڭ دەنەسٸنەن ەر كەزەڭدە سالىنعان 36 تٷرلٸ جاراقات انىقتالعان. سونداي-اق ساراپشىلار سوتتالۋشىنىڭ «قىزىم كٸر جۋعىش ماشينانىڭ ٷستٸنەن قۇلاپ قالدى» دەگەن ۋەجٸن تەرٸسكە شىعاردى.
ٸس ماتەريالدارىن قاراۋ كەزٸندە سوتتالۋشى مەن جۇبايىنىڭ تەلەفونىنان الىنعان, قىزدىڭ دەنەسٸندەگٸ سوققى ٸزدەرٸ كٶرٸنەتٸن فوتوسۋرەتتەر زەرتتەلدٸ. بۇل ايىپتاۋدىڭ ماڭىزدى دەلەلدەرٸنٸڭ بٸرٸ بولدى.
سوتتالۋشى ازاپتاۋ فاكتٸسٸن ٸشٸنارا مويىنداعانىمەن, قىزىن قاساقانا ٶلتٸرگەنٸن جوققا شىعارىپ, وقيعانى ابايسىزدا بولعان جاعداي دەپ تٷسٸندٸرۋگە تىرىستى. الايدا سوت ونىڭ بۇل ۋەجدەرٸن قابىلدامادى.
پاۆلودار وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ونى دەرمەنسٸز كٷيدەگٸ كەمەلەتكە تولماعان بالانى ازاپتاۋ جەنە اسا قاتىگەزدٸكپەن كٸسٸ ٶلتٸرۋ باپتارى بويىنشا كٸنەلٸ دەپ تانىدى.
سوت ٷكٸمٸمەن ەر ادام تٶتەنشە قاۋٸپسٸزدٸك مەكەمەسٸندە جازاسىن ٶتەۋمەن ٶمٸر بويىنا باس بوستاندىعىنان ايىرىلدى. سونىمەن قاتار وعان قازا تاپقان قىزدىڭ اناسىنا 5 ميلليون تەڭگە كٶلەمٸندە مورالدىق ٶتەماقى تٶلەۋ مٸندەتتەلدٸ.
ٷكٸم جارييالانعاننان كەيٸن سوتتالۋشى ٶزٸن جايسىز سەزٸنٸپ, ەسٸنەن تانىپ قالعان. كەيٸن ونى كونۆوي قىزمەتكەرلەرٸ سوت زالىنان الىپ شىقتى.
