فوتو: تەاتردىڭ باسپاسٶز قىزمەتٸ
ۇلتتىق رۋحتى دەرٸپتەۋ – كەز كەلگەن مەملەكەتتٸڭ مەدەني بولمىسىن ايقىندايتىن ماڭىزدى ٸس. سول مٸندەتتٸ ابىرويمەن اتقارىپ جٷرگەن ورتالىقتاردىڭ بٸرٸ – «الاتاۋ» دەستٷرلٸ ٶنەر تەاترى. تەاتر 2016 جىلى اشىلعان كٷننەن باستاپ قازاقتىڭ دەستٷرلٸ مۋزىكاسىن, جىراۋلىق ٶنەرٸن, ۇلتتىق قويىلىمدارىن جاڭا دەڭگەيگە كٶتەرۋدٸ ماقسات ەتتٸ. بٷگٸندە تەاتردىڭ ايقىن مەدەني بەت-بەينەسٸن قالىپتاستىرعان – ەلگە تانىمال دەستٷرلٸ ەنشٸلەر, جىراۋلار, اكتەرلەردەن قۇرالعان شىعارماشىلىق توپ. ولاردىڭ ەرقايسىسى ۇلتتىق ٶنەردٸ دەرٸپتەۋگە ٶزٸندٸك ٷلەس قوسىپ, تەاتردىڭ تانىمالدىعىن ارتتىرۋعا سەبەپكەر بولىپ وتىر.
«الاتاۋ» دەستٷرلٸ ٶنەر تەاترى – ۇلتتىق ساحنالىق مەدەنيەتتٸ زاماناۋي باعىتتا دامىتۋعا باعىتتالعان بٸرەگەي ورتالىق. تەاتردىڭ باستى ميسسيياسى – دەستٷرلٸ ٶنەردٸڭ باي مۇراسىن بٷگٸنگٸ كٶرەرمەنگە جاڭا فورماتتا ۇسىنۋ. رەپەرتۋارىندا حالىق ەندەرٸ مەن قيسسا-داستاندار, اقىن-جىراۋلار مۇراسى, ەتنوگرافييالىق قويىلىمدار, ۇلتتىق دراماتۋرگييا تۋىندىلارى كەڭٸنەن ورىن العان.
تەاتر شىعارماشىلىق ۇجىمى ەر قويىلىمدا ۇلتتىق مٸنەز, بولمىس, سالت-دەستٷردٸ كٶركەم تٸلمەن جەتكٸزٸپ, كٶرەرمەنگە رۋحاني تەرەڭدٸك پەن شىنايىلىق سىيلايدى.
جىراۋلىق دەستٷر – قازاق رۋحانيياتىنىڭ تەرەڭ تامىرى. «الاتاۋ» تەاترى جىراۋلىق ٶنەردٸ جاڭعىرتىپ, ونى ستيليستيكالىق تۇرعىدا ساقتاي وتىرىپ, زاماناۋي فورماتتا ۇسىناتىن مەدەني ورتاعا اينالدى. تەاتر جىراۋلارى كلاسسيكالىق جىر-داستانداردى, ەپيكالىق تولعاۋلاردى, تەرمە-تولعاۋلار مەن تاريحي ارناۋلاردى كٶرەرمەنگە جەتكٸزٸپ كەلەدٸ.
ولاردىڭ ورىنداۋ مەنەرٸ, داۋىس قويۋ تەحنيكاسى, دومبىرا قاعىسىنىڭ ەرەكشەلٸگٸ – تەاتردىڭ باستى ەرەكشەلٸكتەرٸنٸڭ بٸرٸ. سونىمەن قاتار جىراۋلار جاس بۋىنعا شەبەرلٸك ساباقتارىن ٶتكٸزٸپ, ۇلتتىق ٶنەردٸڭ ٷزٸلمەۋٸنە ىقپال ەتٸپ جٷر.
امانقوس ٶتەگەنۇلى سادىقوۆ — دەستٷرلٸ جىر ٶنەرٸنٸڭ كٶرنەكتٸ ٶكٸلٸ
فوتو: تەاتردىڭ باسپاسٶز قىزمەتٸ
امانقوس ٶتەگەنۇلى – قازاقتىڭ جىراۋلىق دەستٷرٸن بٷگٸنگٸ كٷنگە جەتكٸزٸپ, ونى كەسٸبي ساحنالىق دەڭگەيدە دامىتىپ جٷرگەن ٶنەر مايتالمانى. مەدەنيەت سالاسىنىڭ ٷزدٸگٸ, رەسپۋبليكالىق جىرشىلار كونكۋرسىنىڭ لاۋرەاتى. امانقوس ٶتەگەنۇلى 1966 جىلدىڭ 15 ماۋسىمىندا دٷنيەگە كەلگەن. بالا كەزٸنەن ۇلتتىق مۋزىكا مەن جىر ٶنەرٸنە ەرەكشە قىزىعۋشىلىق تانىتقان امانقوس سادىقوۆ ٶنەر جولىن ادالدىقپەن جالعاپ كەلە جاتقان جىرشى-تەرمەشٸلەردٸڭ بٸرەگەيٸ.
امانقوس سادىقوۆ العاش مۋزىكالىق بٸلٸمٸن ەسترادا-تسيرك ۋچيليششەسٸندە الىپ, دومبىرامەن ەن ايتۋ ماماندىعى بويىنشا كەسٸبي دايىندىقتان ٶتتٸ. دەستٷرلٸ ۆوكال مەن دومبىرا ٶنەرٸن جان-جاقتى مەڭگەرۋٸ ونىڭ بولاشاق جىراۋلىق شەبەرلٸگٸنٸڭ بەرٸك نەگٸزٸنە اينالدى.
كەيٸننەن ول شىمكەنت قالاسىنداعى م. ەۋەزوۆ اتىنداعى ۋنيۆەرسيتەتتٸن مۋزىكا ماماندىعى بويىنشا اياقتاپ, ٶنەر سالاسىندا تەرەڭ بٸلٸم الدى. وسى كەزەڭنەن باستاپ جىرشىلىق باعىت ونىڭ نەگٸزگٸ كەسٸبي جولىنا اينالدى.
امانقوس سادىقوۆ بٷگٸندە «الاتاۋ» دەستٷرلٸ ٶنەر تەاترىنىڭ بەلدٸ ارتيستەرٸنٸڭ بٸرٸ. ول تەاتردا: ەرتٸس, جىرشى, تەرمەشٸ رەتٸندە قىزمەت ەتٸپ, تەاتردىڭ كٶركەمدٸك دەڭگەيٸن كٶتەرۋگە زور ٷلەس قوسىپ كەلەدٸ.
جىرشىلىق دەستٷردٸ ساقتاپ قانا قويماي, ونى ساحنالىق قويىلىمدارمەن ۇشتاستىرىپ, جاڭا دەڭگەيدە تانىتىپ جٷرگەن شىعارماشىلىق تۇلعا.
امانقوس سادىقوۆ جىرشىلىق ٶنەرٸمەن عانا شەكتەلمەي, كينو سالاسىندا دا ٶزٸن كٶرسەتە العان تالانتتى ٶنەرپاز.
ول تٷسكەن فيلمدەر: «قامبار باتىر» فيلمٸ — قامبار باتىردىڭ رٶلٸ. «شەمشٸ» دەرەكتٸ فيلمٸ — كومپوزيتور شەمشٸ قالداياقوۆتىڭ رٶلٸ. بۇل جۇمىستارىندا ول ٶزٸنە تەن تابيعي اكتەرلٸك قابٸلەتٸمەن, ۇلتتىق بولمىسىمەن وبرازداردى نانىمدى سومداي بٸلدٸ.
«الاتاۋ» دەستٷرلٸ ٶنەر تەاترىنىڭ ساحناسىندا امانقوس سادىقوۆ بٸرنەشە ماڭىزدى بەينەلەردٸ سومدادى: «ەن-مۇحيت» سپەكتاكلٸندەگٸ – سوقىر شال بەينەسٸ, «ايمان–شولپان» قويىلىمىنداعى – جىراۋ رٶلٸ, «قامبار باتىر» جىرىنىڭ ساحنالىق نۇسقاسىندا — قامبار باتىر. ەسٸرەسە «قامبار باتىر» جىرىن ساحنالىق قويىلىم دەڭگەيٸندە ورىنداپ, اكتەرلٸك جەنە جىرشىلىق شەبەرلٸكتٸ ۇشتاستىرۋ ارقىلى كٶرەرمەنگە ەرەكشە ەسەر قالدىردى. بۇل ونىڭ جان-جاقتى ٶنەر يەسٸ ەكەنٸن دەلەلدەي تٷسەدٸ.
امانقوس سادىقوۆتىڭ قۇندى قازىناعا تولى رەپەرتۋارى قازاق جىراۋلىق دەستٷرٸنٸڭ كەڭدٸگٸن ايعاقتايدى. ونىڭ ورىنداۋىندا اقتان كەرەيۇلى, قاشاعان كٷرجٸمانۇلى, بازار جىراۋ, كەردەرٸ ەبۋبەكٸر, كەردەرٸ قۇدايبەرگەن, مايلىقوجا سۇلتانقوجاۇلى, ناۋرىزبەك جىراۋ سىندى ٸرٸ تۇلعالاردىڭ جىر-تەرمەلەرٸ جاڭا تىنىس الىپ كەلەدٸ.
سونىمەن قاتار «قىز جٸبەك», «قامبار باتىر», «ەنەس ساحابا» داستانى ونىڭ رەپەرتۋارىندا تۇراقتى ورىن العان. امانقوس سادىقوۆتىڭ ورىنداۋشىلىق مەنەرٸنٸڭ ەرەكشەلٸگٸ — ساحنادا جىردىڭ رۋحىن, ەپيكالىق كەڭدٸگٸن, وبرازدىق تەرەڭدٸگٸن تولىق جەتكٸزە بٸلۋٸندە.
امانقوس سادىقوۆ ٶتەگەنۇلى – جىر ٶنەرٸنٸڭ الدىندا تەر تٶگٸپ جٷرگەن, ۇلتتىق دەستٷردٸ بٷگٸنگٸ زامان سۇرانىسىنا بەيٸمدەي وتىرىپ ۇسىناتىن ابىرويلى ٶنەر يەسٸ. ول تەاتر ساحناسىندا دا, كينودا دا, جىر ەلەمٸندە دە ٶز قولتاڭباسىن قالدىرعان تالانت. «الاتاۋ» دەستٷرلٸ ٶنەر تەاترىنىڭ ابىرويىن ارتتىرىپ, جىرشىلىق دەستٷردٸ كەيٸنگٸ ۇرپاققا جەتكٸزۋدە امانقوس سادىقوۆتىڭ ەڭبەگٸ زور.
«الاتاۋ» تەاترى – سونىمەن بٸرگە ۇلتتىق دراماتۋرگيياعا دەن قويعان شىعارماشىلىق ۇجىم. تەاتر اكتەرلەرٸ ۇلتتىق مٸنەز-قۇلىقتى تەرەڭ سەزٸممەن جەتكٸزەمٸن دەگەن ماقساتتا جۇمىس ٸستەيدٸ.
ٶنەردٸڭ جولى – اۋىر دا ازاپتى, بٸراق شىن جٷرەكپەن شەبەرلٸككە ۇمتىلعان جاننىڭ قادامىنا جارىق تٷسٸرەتٸن قاسيەتتٸ سوقپاق. وسى سوقپاققا تٷسٸپ, ٶز ەڭبەگٸن كٶرەرمەننٸڭ كٶڭٸلٸنە ارناعانداردىڭ بٸرٸ – مىرزالينوۆا كۇرالاي بالاپانقىزى. اباي ايتقانداي, «ٶنەر اقىلمەن سۋارىلعاندا عانا باياندى», ال ارتيستٸڭ ساحناداعى جٷرٸسٸنەن, سٶز ساپتاۋىنان, بەينە سومداۋىنان وسى تالاپتىڭ ورىندالعانىن انىق اڭعارۋعا بولادى.
فوتو: تەاتردىڭ باسپاسٶز قىزمەتٸ
1982 جىلى الماتى وبلىسى, كەربۇلاق اۋدانىنىڭ قاراشوقى اۋىلىندا دٷنيەگە كەلگەن كۇرالايدىڭ كەسٸبي قالىپتاسۋى ت. جٷرگەنوۆ اتىنداعى ٶنەر اكادەميياسىندا باستالدى. ول بۇل شاڭىراقتا مۋزىكالىق دراما ٶنەرٸن مەڭگەرٸپ, اكتەرلٸك بولمىسىنىڭ نەگٸزٸن قالادى. ٶنەر اتتى كەڭ القاپقا قادام باسقان كٷننەن بەرٸ ارتيست ٶز ٸزدەنٸسٸن توقتاتقان ەمەس.
2003 جىلدان 2015 جىلعا دەيٸن ن. جانتٶرين اتىنداعى مۋزىكالىق-دراما تەاترىندا ەڭبەك ەتكەن كەزەڭٸ – ونىڭ اكتەرلٸك مەكتەپتٸڭ قىر-سىرىن تەرەڭ مەڭگەرٸپ, ساحنالىق بولمىسىن ايقىنداعان دەۋٸرٸ. كەيٸنگٸ جىلدارى ۇستازدىق قىزمەت اتقارىپ, اكتەرلٸك شەبەرلٸكتٸ جاس بۋىنعا ٷيرەتۋٸ – ٶنەردٸڭ جاۋاپكەرشٸلٸگٸن سەزٸنگەن ادامنىڭ ٸسٸ.
2018 جىلدان باستاپ «الاتاۋ» دەستٷرلٸ ٶنەر تەاترىندا قىزمەت ەتٸپ كەلەدٸ. بۇل تەاتردىڭ تىنىسىن اشىپ, اكتەرلٸك قۇرامىنىڭ دامۋىنا ٶزٸندٸك ٷلەسٸن قوسىپ كەلە جاتقان ارتيستەردٸڭ بٸرٸ. تەاتردىڭ 2026 جىلى 10 جىلدىق بەلەسٸنە اياق باسقاندا, سول جىلداردىڭ دەنٸندە وسى ۇجىمنىڭ ساحناسىندا ەڭبەك ەتٸپ جٷرگەن ارتيستەردٸڭ قاتارىندا كۇرالايدىڭ ورنى ايقىن كٶرٸنەدٸ.
كۇرالاي سومداعان بەينەلەر كٶرەرمەنگە وي سالاتىن, كەيٸپكەردٸڭ ٸشكٸ دٷنيەسٸن زەردەلەۋگە مٷمكٸندٸك بەرەتٸن سيپاتىمەن ەرەكشەلەنەدٸ.
«جىر جولبارىس» قويىلىمىندا ۇلدان رٶلٸ – انالىق مەيٸرٸم مەن رۋحاني بەرٸكتٸكتٸ قاتار تانىتاتىن بەينە. انا رٶلٸ – ادام جانىنىڭ ەڭ تەرەڭ, ەڭ نەزٸك يٸرٸمدەرٸن ساحنادا دەل جەتكٸزۋدٸ تالاپ ەتەدٸ. «اباي–توعجان» قويىلىمىنداعى زەرە وبرازىندا سالماق پەن سابىر, اقىل مەن ايبىن قاتار جٷرەدٸ. بۇل رٶلدەر كۇرالايدىڭ نەزٸكتٸكتٸ دە, دانالىقتى دا تابيعي جەتكٸزە الاتىن ارتيست ەكەنٸن كٶرسەتەدٸ.
«گٷلدەر حيكاياسىنداعى» قالامپىر – العىرلىق پەن كٶڭٸل جىلۋىنىڭ ٷلگٸسٸ; «الاتاۋ FM راديوسى» مۋزىكالىق كومەدييادا رايگٷل جالعىز باستى انانى سومدايدى. ول بالا شاعاسىن اسىراپ, ەل قاتارىنا قوسۋ ٷشٸن ٶزٸنٸڭ نەزٸك جاندى ەكەنٸن ۇمىتقان ەيەلدٸ بەينەلەيدٸ. كٷلدٸرٸپ وتىرىپ, ٶمٸردٸڭ اششى شىندىعى ايقىن كٶرٸنەدٸ. كەيٸپكەرٸنٸڭ جان دٷنيەسٸن تولىقتاي زەرتتەپ, ەر ٸس-ەرەكەتٸ, سٶزٸ, مەنەرٸ, قىلىعى ارقىلى كٶرەرمەننٸڭ كٶڭٸلٸنەن شىققان وبرازدىڭ بٸرٸ. ساحنالىق ەر رٶلٸندە ارتيست ادامنىڭ ٸشكٸ كٷيٸن سٶزبەن ەمەس, كٶزقاراسىمەن, داۋىس ىرعاعىمەن, قيمىلىمەن جەتكٸزۋگە ۇمتىلادى. بۇل – تەاتر ٶنەرٸنٸڭ باستى قۇندىلىعى.
كينوداعى جۇمىستارى دا ونىڭ اكتەرلٸك دياپازونىنىڭ كەڭدٸگٸن بايقاتادى. «ەن اعا» تەلەحيكاياسىنداعى جامال وماروۆا, «ساعان سەنەم ٸن» جوباسىنداعى مانسييا, «ەسكەردەن حات» فيلمٸندەگٸ راۋشان – حاراكتەرٸ بٶلەك, تاعدىرى بٶلەك ەيەلدەر بەينەسٸ. ەكرانداعى ەر رٶلٸندە ارتيست ٶمٸردٸڭ تٷرلٸ قىرىن كٶرەرمەنگە شىنايى جەتكٸزۋگە تىرىساتىنى بايقالادى.
قىسقا مەترلٸ «دومبىرا» فيلمٸندەگٸ ورىنداۋى دا قازاقى بولمىستىڭ بوياۋىن, ٸشكٸ جان دٷنيەنٸسٸن دەل سەزدٸرە الاتىن ارتيست ەكەنٸن دەلەلدەيدٸ. بۇل – اكتەردٸڭ تابيعيلىعى مەن كەسٸبي دايىندىعىنىڭ ىقپالى.
ساحنا – سٶزدٸڭ كيەسٸن, سەزٸمنٸڭ سالماعىن, ادامنىڭ جان دٷنيەسٸن اشاتىن ورىن. مىرزالينوۆا كۋرالايدىڭ ٶنەر جولىنداعى ەر قادامى وسى ويعا ٷندەس. ول ەر رٶلٸن ٶز بويىنان ٶتكٸزٸپ, كٶرەرمەنگە جەتكٸزۋگە ۇمتىلادى. بۇل – اكتەرلٸك ەڭبەكتٸڭ ەڭ كٷردەلٸ ەرٸ ەڭ باعالى تۇسى.
«الاتاۋ» دەستٷرلٸ ٶنەر تەاترى – ۇلتتىق مەدەنيەتتٸڭ جاڭا تىنىسىن اشقان ورتالىق. سول ورتادا ەڭبەك ەتٸپ كەلە جاتقان ارتيستٸڭ ەر رٶلٸ كٶرەرمەندٸ ويعا جەتەلەپ, ساحنالىق مەدەنيەتتٸڭ دامۋىنا ٷلەس قوسىپ وتىر.
ٶنەر جولى – ادام جانىنىڭ سارايىنا اپارار ەڭ ۇزاق تا ىستىق سٷرلەۋ. بۇل جولدا تالاپ – تۇلپار, ەڭبەك – ەسكەك, جٷرەك – جەلكەن. وسى ٷشەۋٸ توعىسقاندا عانا ٶنەردٸڭ بيٸگٸنە قول سوزىپ, ٶز ٸزٸن قالدىرعان جاننىڭ ەڭبەگٸ باياندى بولماق. سول جولعا جاسىنان دەن قويعان جانداردىڭ بٸرٸ – دٷيسەمبيەۆا جانەركە مۇراتقىزى, 1996 جىلدىڭ ماۋسىم ايىنىڭ العاشقى كٷنٸ تاراز توپىراعىندا دٷنيەگە كەلگەن.
فوتو: تەاتردىڭ باسپاسٶز قىزمەتٸ
ٶنەرگە العاش قادام باسقان شاعى – ٸزدەنٸسكە تولى ستۋدەنتتٸك كەزەڭ. 2012–2015 جىلدارى ت. ق. جٷرگەنوۆ اتىنداعى كوللەدجدە مۋزىكالىق تەاتر ارتيسٸ ماماندىعىن مەڭگەرٸپ, ساحنا ەسٸگٸن تۇڭعىش رەت كەسٸبي تٷردە اشتى. وسى جىلدار – كٶڭٸلگە تۇڭعىش وت تۇتاتقان, جٷرەككە ٶنەردٸڭ دەرتٸن سالعان, ٶمٸرلٸك باعىت-باعدارىن ايقىنداعان قاستەرلٸ كەزەڭ.
بٸلٸمٸن تەرەڭدەتٸپ, 2015–2020 جىلدارى ت. ق. جٷرگەنوۆ اتىنداعى ٶنەر اكادەميياسىندا رەجيسسەر-پروديۋسەرلٸك بٸلٸمدٸ يگەردٸ. ٶنەردٸڭ تەك ويناۋمەن ەمەس, وي تۋدىرۋمەن دە قادٸرلٸ ەكەنٸن وسى جىلدارى ۇعىندى. سەبەبٸ ساحنا – اكتەردٸڭ عانا ەمەس, ادامنىڭ ٸشكٸ ويى مەن جان دٷنيەسٸنٸڭ دە ايناسى.
العاشقى كەسٸبي قادامى 2015–2017 جىلدارى ع. مٷسٸرەپوۆ اتىنداعى بالالار مەن جاسٶسپٸرٸمدەر تەاترىندا باستالدى. بۇل ورتا اكتريسانىڭ شىنايىلىققا, تازالىققا, بالعىن ەنەرگيياعا تولى ساحنالىق تىنىسىن قالىپتاستىردى. سونىمەن بٸرگە, 2015–2020 جىلدارى «ارت حاۋس» ٶنەر مەكتەبٸندە, 2020–2022 جىلدارى «مار مار» ورتالىعىندا اكتەرلٸك شەبەرلٸك بويىنشا دەرٸس بەرۋٸ – ٶنەردٸ ٷيرەنۋمەن قاتار, ونى ٶزگەگە ٷيرەتۋ دە ٷلكەن جاۋاپكەرشٸلٸك ەكەنٸن سەزٸندٸردٸ. اباي ايتقانداي, «ۇستازدىق قىلعان جالىقپاس» – ٶنەرپاز شەكٸرتٸنەن بۇرىن ٶزٸن تەربيەلەيدٸ.
2018 جىلدان بەرٸ «الاتاۋ» دەستٷرلٸ ٶنەر تەاترى – جانەركەنٸڭ تۇراقتى شىعارماشىلىق شاڭىراعى. ۇلتتىق ٶنەردٸڭ تەمٸرقازىعىن جاڭا دەۋٸردە قايتا تٸگٸپ, دەستٷردٸڭ تىنىسىن كەڭەيتۋدٸ ماقسات ەتكەن بۇل تەاتردا اكتريسا ون جىلعا جۋىق ۋاقىت بويى نەگٸزگٸ قويىلىمداردىڭ مازمۇندىق ٶزەگٸن كٶتەرٸپ كەلەدٸ. تەاتردىڭ 2026 جىلعى ون جىلدىق بەلەسٸندە ونىڭ ەڭبەگٸ وسى جولدىڭ جارتىسىنان استامىنا كۋە بولماق.
جانەركەنٸڭ اكتەرلٸك تابيعاتى – نەزٸكتٸك پەن جٸگەردٸڭ, ەموتسييالىق يكەمدٸلٸك پەن ٸشكٸ تەرتٸپتٸڭ ٷيلەسكەن كٶرٸنٸسٸ. ەر رٶلدە مٸنەزدٸڭ ٶزەگٸن تاۋىپ, كەيٸپكەردٸڭ ٸشكٸ لوگيكاسىن بۇزباي, كٶرەرمەنگە تٷسٸنٸكتٸ ەرٸ سەنٸمدٸ بەينە جاساي بٸلۋٸ ونىڭ اكتەرلٸك مەكتەبٸنٸڭ قالىپتاسقانىن بايقاتادى.
«جىر جولبارىس» – بۇرىم (رەج. ە. نۇرتازين)
بۇرىم – نەزٸكتٸگٸمەن كٶرٸنگەنمەن, ٸشكٸ قايراتى باسىم, جٷرەگٸ تازا بەينە. اكتريسا بۇل رٶلدە ەموتسييانى اشىق جار سالۋمەن ەمەس, ٸشتەي تەربەلٸپ, كٶزقاراس پەن پلاستيكاعا سٷيەنٸپ جەتكٸزەدٸ. بۇرىمنىڭ ۇياڭدىعى مەن بەرٸكتٸگٸ جانەركەنٸڭ ساحنالىق تىنىسىمەن ٷيلەسٸم تاۋىپ, كٶرەرمەنگە جٷرەك تۇنىعىنان جەتەدٸ.
«اباي–توعجان» – توعجان (رەج. ە. بٸلەل)
توعجان بەينەسٸندە اكتريسا سىپايىلىقتى, سىرلى سەزٸمنٸڭ جەڭٸل يٸرٸمدەرٸن, ەيەل جانىنىڭ نەزٸك تولقىنىسىن تابيعي بەرەدٸ. ونىڭ داۋىس ىرعاعىنداعى جۇمساقتىق, سٶز مەنەرٸندەگٸ سالماق – توعجاننىڭ تەرەڭ بولمىسىن اشاتىن نەگٸزگٸ كٸلت. بۇل رٶل – جاس اكتريسانىڭ كلاسسيكالىق وبرازدى سەنٸمدٸ الىپ شىعۋعا قابٸلەتتٸ ەكەنٸن كٶرسەتەدٸ.
«ايمان–شولپان» – ايمان (رەج. ج. جۇمانباي)
ايمان – ەرەكەتٸ شاپشاڭ, تاپقىر, كٶڭٸلگە جەڭٸل بەينە. جانەركە بۇل رٶلدە سەرگەكتٸك پەن ساحنالىق يكەمدٸلٸكتٸ قاتار پايدالانىپ, كومەدييالىق ەلەمەنتتەردٸ ناقتى ىرعاقپەن ورىندايدى. ديالوگتى دەل بەرۋٸ مەن ساحناداعى ەركٸندٸگٸ ايماننىڭ شىنايى مٸنەزٸن اشا تٷسەدٸ. بۇل رٶل اكتريسانىڭ كٷلدٸرٸپ وتىرىپ وي سالاتىن كومەدييا جانرداعى قابٸلەتٸن كٶرسەتەدٸ.
«قاماۋدا قالعان ارمان» – قاتيرا (رەج. ن. تۋتوۆ)
قاتيرا – درامالىق سالماعى زور كٷردەلٸ كەيٸپكەر. مۇندا اكتريسا ٶمٸر سىنىنا تٷسكەن ەيەلدٸڭ ٸشكٸ ارپالىسىن, ٷنسٸز مۇڭىن, كٶڭٸلدەگٸ جاراسىن ميميكا مەن پاۋزا ارقىلى تەرەڭ جەتكٸزەدٸ. رٶلدەگٸ ۇستامدىلىق پەن ەموتسييالىق دەلدٸك – جانەركەنٸڭ درامالىق جانرداعى شىنايىلىققا بەيٸم ەكەنٸن ايقىندايدى.
كينو سالاسىنداعى ٸزدەنٸسٸ
ەكران ٶنەرٸندە دە ٶزٸندٸك قولتاڭباسىن كٶرسەتٸپ كەلەدٸ.
• «كەيكٸ مەرگەن» فيلمٸندەگٸ اقجان
• «جالعىز جاۋقازىن» تەلەحيكاياسىنداعى جانييا
بۇل رٶلدەردە اكتريسا كادر الدىنداعى شىنايىلىقتى ساقتاپ, سەزٸمدٸ كٶز قاراشىعىنان-اق جەتكٸزە بٸلۋٸمەن ەرەكشەلەنەدٸ. كينو – ٷنسٸز سٶيلەيتٸن ٶنەر, ال جانەركەنٸڭ ٸشكٸ تىنىسى كادردا تابيعي كٶرٸنٸس تابادى.
«الاتاۋ» دەستٷرلٸ ٶنەر تەاترى 2022 جىلى استانا قالاسىندا ٶتكەن, ەزٸربايجان مەديۇلى مەمبەتوۆتٸڭ 90 جىلدىق مەرەيتويىنا ارنالعان TEATRALL II حالىقارالىق تەاتر فەستيۆالٸنە قاتىستى. بۇل ٶنەر دوداسىندا ۇجىمنىڭ ەڭبەگٸ جوعارى باعالانىپ, قاتىسۋشىلارعا ارنايى مەدالدار تابىستالدى.
سول سەتتە جۇرتشىلىق نازارىن ٶزٸنە ەرەكشە اۋدارتقان جۇلدىزداردىڭ بٸرٸ – جانەركە دٷيسەمبيەۆا بولدى. فەستيۆال ۇيىمداستىرۋشىلارى ونى ورتاعا شىعارىپ, قۇرمەتپەن اتاپ, ماراپاتتى كٶپشٸلٸك الدىندا ارنايى تابىستادى. بۇل – اكتريسانىڭ كەسٸبي ەڭبەگٸ عانا ەمەس, ساحناداعى تابيعيلىعى, جاۋاپكەرشٸلٸگٸ, جانكەشتٸ ٸزدەنٸسٸنٸڭ دە ەل الدىندا مويىندالۋى.
جانەركە مۇراتقىزى – جاس بۋىن ٶكٸلٸ بولا تۇرا, باستى رٶلدەرگە سەنٸممەن ۇسىنىلاتىن اكتريسالاردىڭ بٸرٸ. ونىڭ ساحنالىق قيمىلداعى جيناقىلىعى, ەموتسييالىق دەلدٸگٸ, كەيٸپكەر تابيعاتىن تەرەڭ تٷسٸنە بٸلۋٸ – «الاتاۋ» تەاترىنىڭ قالىپتاسۋ جىلدارىندا ەرەكشە ٷلەس قوسقانىن دەلەلدەيدٸ.
ٶنەر جولىن تالاپ پەن ەڭبەككە, جٷرەكپەن سەزٸنۋگە نەگٸزدەگەن اكتريسا ٷشٸن ەر رٶل – ادام جانىنىڭ بٸر قۇپييا ەسٸگٸ. سول ەسٸكتٸ اشا بٸلگەن ٶنەر يەسٸ – ساحنانىڭ تىنىسىن, دەستٷردٸڭ مەنٸن, كٶرەرمەننٸڭ كٶڭٸلٸن قاتار ۇستاي العان جان.
«الاتاۋ» دەستٷرلٸ ٶنەر تەاترى – قازاقتىڭ رۋحاني مۇراسىن ساقتاپ, جاڭعىرتىپ, بولاشاققا جەتكٸزەتٸن مەدەني وردا. ونىڭ بەت-بەينەسٸن قالىپتاستىرىپ جٷرگەن دەستٷرلٸ ەنشٸلەر, جىراۋلار, اكتەرلەر – بٷگٸنگٸ ۇلتتىق ٶنەردٸڭ شىن جاناشىرلارى.
ولاردىڭ شىعارماشىلىعى تەك تەاتردىڭ عانا ەمەس, جالپى قازاق مەدەنيەتٸنٸڭ دامۋىنا سەرپٸن بەرٸپ, ۇلتتىق بولمىسىمىزدىڭ بيٸك دەڭگەيدە ساقتالۋىنا ىقپال ەتۋدە.
«الاتاۋ» دەستٷرلٸ ٶنەر تەاترىنىڭ ەدەبيەت بٶلٸمٸ
