بٷگٸن - اباي كٷنٸ. ەلٸمٸزدە تۇڭعىش رەت اتالىپ ٶتكەلٸ وتىرعان مەرەكەمەن قازاقستاندىقتاردى قر مەدەنيەت جەنە سپورت مينيسترٸ اقتوتى رايىمقۇلوۆا قۇتتىقتادى, دەپ حابارلايدى "ۇلت اقپارات".
اقتوتى رايىمقۇلوۆانىڭ قۇتتىقتاۋى بٷگٸن مينيسترلٸكتٸڭ Facebook پاراقشاسىندا جارييالاندى.
«قۇرمەتتٸ وتانداستار!
قادٸرمەندٸ ەرٸپتەستەر!
بٷگٸن 10 تامىز əلەمدٸك دەڭگەيدەگٸ ويشىل, ۇلت رۋحانيياتىنىڭ تەمٸرقازىعى – اباي قۇنانبايۇلىنىڭ تۋعان كٷنٸ.
حالقىمىز وسى قۋانىشتى كٷندٸ ٷلكەن قۇرمەتپەن قارسى العالى تۇر. وسىلايشا حاكٸم ابايعا, ۇلت مەدەنيەتٸنە قۇرمەت كٶرسەتۋدٸ جالعاستىرا بەرەمٸز.
ەلباسى, ۇلت كٶشباسشىسى نۇرسۇلتان نازارباەۆ: «اباي ەلەمٸ بٸزدٸ جەتٸ تٷندە اداستىرمايتىن تەمٸرقازىق ٸسپەتتٸ»,- دەپ الداعى باعىت-باعدارىمىزدى كٶرسەتٸپ بەرگەن بولاتىن. ەندەشە, بٸز وسى سٶزدٸ ساناعا سٸڭٸرٸپ, قاشاندا ٷلگٸ ەتٸپ وتىرۋىمىز كەرەك.
ال قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ٶزٸنٸڭ «اباي جەنە ححٸ عاسىرداعى قازاقستان» اتتى كونتسەپتۋالدى ماقالاسىندا: «عۇلاما اباي – قازاق توپىراعىنان شىققان ەلەمدٸك دەڭگەيدەگٸ كەمەڭگەر. ول كٷللٸ ادامزات بالاسىنا اقىل-ويدىڭ جەمٸسٸن سىيلادى», - دەپ دارا پەرزەنتتٸڭ دانالىق ورنىن ايقىنداپ كٶرسەتكەن ەدٸ.
راسىندا ۇلى اقىن ٶز شىعارمالارىندا ناسيحاتتاعان ەڭبەكسٷيگٸشتٸك, بٸلٸمگە دەگەن قۇشتارلىق, ٸزگٸلٸك پەن پاراساتقا زەيٸن قويىپ, تەربيە الۋ – بٷگٸنگٸ ۇرپاقتارىنىڭ الدىندا تۇرعان مٸندەتتٸڭ بٸرٸ. سايىپ كەلگەندە, بۇل تەك بيىل ۇلى اقىننىڭ 175 جىلدىعىندا اتقارىلاتىن شارۋا ەمەس. وسى جىلدان باستاۋ الىپ, مəدەنيەت جəنە سپورت مينيسترلٸگٸنٸڭ نەگٸزگٸ يدەولوگييالىق باعىتىنا اينالادى. حاكٸم اباي ايتقان ٸزگٸ قۇندىلىقتار ٶمٸرشەڭدٸگٸن جويماق ەمەس.
ٷكٸمەت قاۋلىسىمەن 10 تامىز – اباي كٷنٸ بولىپ جارييالانىپ, مەملەكەتتٸك مەرەكەلەر كٷنتٸزبەسٸنە ەنگٸزٸلدٸ. بۇل – ٷلكەن قۋانىش! بەرٸڭٸزدٸ شىن جٷرەكتەن قۇتتىقتايمىن!
بۇل – سٸز بەن بٸزدٸڭ ورتاق جەتٸستٸگٸمٸز», - دەدٸ مينيستر.
سونداي-اق ول قۇتتىقتاۋدا بۇل كٷنٸ ەلٸمٸزدٸڭ ورتالىقتارىندا, əر ايماعىندا بٷگٸنگٸ كٷننٸڭ تالابىنا ساي, نەگٸزٸنەن online فورماتتام ەدەني ٸس-شارالار ٶتەتٸنٸن ايتتى.
«بۇل كٷنٸ ٶڭٸرلەردە توي تويلايتىن ەمەس, وي تولعايتىن بٸرقاتار مازمۇندى ٸس-شارا جوسپارلانعان. بۇل رەتتە سەمەيدەگٸ قازاقستان رەسپۋبليكاسى «جيدەباي-بٶرٸلٸ» مەملەكەتتٸك تاريحي-مəدەني جəنە əدەبي-مەموريالدىق قورىعىندا «اباي جەنە ححٸ عاسىر: بولاشاقپەن سۇحبات» اتتى حالىقارالىق كونفەرەنتسييا, «اباي مۇراسى – ۇلت رۋحانيياتىنىڭ التىن ٶزەگٸ» اتتى ونلاين كەزدەسۋ, «اباي مۇراسى» اتتى ونلاين-مۋزەيلٸك دəرٸس, «اباي – حالىقتىڭ دانالىعى» ۆيرتۋالدى كٶرمەسٸ, «اباي əلەمٸ» ونلاين-كونتسەرتٸ, ۇلى اقىن مەرەيتويىنا وراي بەينە-دəرٸس ٶتەدٸ. وسىناۋ ورايلى سəتتٸ پايدالانا وتىرىپ, اتالعان باسقوسۋلاردىڭ سەتتٸ ٶتۋٸنە تٸلەكتەستٸك بٸلدٸرگٸم كەلەدٸ.
قازٸرگٸ əلەمدٸك كوروناۆيرۋس ٸندەتٸنە بايلانىستى بارلىق ٸس-شارا ونلاين فورماتتا ٶتەدٸ.
سونداي-اق وسىعان دەيٸن بٸرشاما ٸس-شارا ۇيىمداستىرىلعانداي الداعى ۋاقىتتا دا كٶپتەگەن ەدەبي-مەدەني ٸس-شارالار جالعاسىن تابا بەرەدٸ.
قۇرمەتتٸ وتانداستار, ارداقتى اعايىن, بارشاڭىزدى مəن-ماڭىزى جوعارى, رۋحاني مەرەكەمەن شىن جٷرەكتەن قۇتتىقتايمىن!», - دەپ جازىلعان قۇتتىقتاۋ حاتىندا.
