اقتٶبەدە ٷي ارالاپ, تۇرعىندارعا گاز شارۋاشىلىعىنىڭ تٷبٸرتەگٸن تاراتاتىن جٷزدەن استام كونترولەردٸڭ نارازىلىعى. 10 اقپان 2022 جىل.
اقتٶبەدە ٷي ارالاپ, تۇرعىندارعا گاز شارۋاشىلىعىنىڭ تٷبٸرتەگٸن تاراتاتىن جٷزدەن استام كونترولەر جالاقىنىڭ ازدىعىنا نارازىلىق بٸلدٸردٸ. ولاردى وبلىس اۋداندارىنداعى ەرٸپتەستەرٸ دە قولداپ وتىر. بارلىعى 179 ادام تالاپتارى ورىندالمايىنشا گازدىڭ تٷبٸرتەگٸن تاراتپاۋعا كەلٸسكەن, دەپ حابارلايدى ازاتتىق راديوسى.
گاز تٷبٸرتەگٸن تاراتۋشىلار – QazServiceGroup كومپانيياسىنىڭ جۇمىسشىلارى. اقتٶبەنٸ گازبەن جابدىقتاۋشى KazTransGaz كومپانيياسىنا بيللينگ قىزمەتٸن كٶرسەتەتٸن بۇل مەكەمەنٸڭ جۇمىسشىلارى ايىنا 60 مىڭ تەڭگە جالاقى الادى. ودان بٶلەك ەر كونترولەردٸڭ اۆتوبۋستاعى جولاقىسى ٷشٸن ايىنا 7 مىڭ تەڭگە تٶلەنەدٸ. مۇنى «تىم از» دەپ سانايتىن كونترولەرلەر جالاقىنى 100 پايىزعا كٶبەيتۋدٸ تالاپ ەتتٸ.
- وسىدان ون بٸر جىل بۇرىن جۇمىسقا كٸرگەنٸمدە ايلىق 50 مىڭ تەڭگە ەدٸ. قازٸر - 60 280. كٷنكٶرٸسٸمٸز قيىنداپ كەتتٸ. جالاقىنى 100 پايىز كٶتەرۋٸن تالاپ ەتەمٸز! تالابىمىز ورىندالمايىنشا قاڭتاردىڭ تٷبٸرتەگٸن تاراتپايمىز! گاز ەسەپتەگٸشتەرگە پلومبا قويمايمىز, تۇتىنىلعان گازدى ەسەپتەمەيمٸز! - دەيدٸ رايحان عابدولوۆا.
نارازىلاردىڭ سٶزٸنشە, ەر كونترولەر مىڭ جارىم ابونەنتكە جاۋاپتى. ايتۋلارىنشا, ەر ايدىڭ تٶرتٸنەن باستاپ بٸر اپتا ٸشٸندە مىڭ جارىم ابونەنتتٸ تٷگەل شولىپ شىعۋى تيٸس. گازدىڭ اقىسىن تٶلەمەي جٷرگەن بورىشكەرلەرگە بٸرنەشە مەرتە بارۋعا تۋرا كەلەدٸ.
- ايلىعىم - 60 مىڭ. باسىمدا كرەديتٸم بار. ٶزٸم جالعىزباستى انامىن. كيٸم ساتىپ الۋدى ۇمىتتىق. تاماق, كرەديت, كوممۋنالدىق قىزمەت اقىسىن عانا تٶلەيمٸز. بولدى! قىسى-جازى, جاڭبىر مەن قاردا ٷي ارالاپ جٷرەمٸز. قاباعان يتكە تالانعان كەزٸمٸز دە كٶپ. قالا ٷلكەيٸپ جاتىر. سەيكەسٸنشە ابونەنت سانى دا كٶبەيە تٷستٸ. باسشىلار قوسىمشا شتات اشايىن دەمەيدٸ. جالاقىمىزدى ٶسٸرمەسە دە, جٷكتەمەمٸز كٶبەيٸپ بارادى, - دەيدٸ جەميلا جۇماعۇلوۆا.
گازبەن جابدىقتاۋشىلار اقتٶبەنٸ بەس ۋچاسكەگە بٶلگەن. وسى ۋچاسكەلەردەن جينالعان جٷزدەن استام كونترولەر بٷگٸن QazServiceGroup كومپانيياسىنىڭ كەڭسەسٸنە باردى. وبلىس ورتالىعىنا اۋدانداردان جەتە الماعاندار ەرٸپتەستەرٸ دە قولداۋ بٸلدٸرٸپ, ۆيدەو ٷندەۋ جولداپ جاتتى. شالقار, مۇعالجار, قوبدا, حرومتاۋ اۋداندارىنان جولدانعان ۆيدەونى كٶرسەتكەن كونترولەرلار «بۇل - وبلىستاعى ەكٸ جٷزگە جۋىق وتباسىنىڭ پروبلەماسى» دەيدٸ. ەزٸرگە نارازىلارعا ناقتى ۋەدە بەرٸلگەن جوق.
- بٸز ەشتەڭە ٶندٸرمەيمٸز. بٸز KazTransGaz كومپانيياسىمەن جاسالعان كەلٸسٸم-شارتقا شەڭبەرٸندە ٶز مٸندەتٸمٸزدٸ اتقارىپ قانا وتىرمىز. كەلٸسٸم-شارتتا بەكٸتٸلٸپ قويعان سوما بار. سوندىقتان ەزٸرگە جالاقىنى كٶبەيتۋگە مٷمكٸندٸگٸمٸز جوق. كٸرٸستٸ كٶبەيتۋدٸڭ جولدارىن ٸزدەپ جاتىرمىز. كٸرٸس كٶبەيسە عانا جالاقى ٶسەدٸ, - دەيدٸ QazServiceGroup كومپانيياسىنىڭ باسشىسى ەلٸبەك دوسمۇحامبەتوۆ.
نارازىلار كومپانييا باسشىسىنىڭ جاۋابىنا قاناعاتتانعان جوق. جالاقى كٶبەيمەيتٸن بولسا, 15 اقپاندا وبلىستاعى ەكٸ جٷزگە جۋىق كونترولەر اقتٶبەگە جينالىپ, ميتينگٸگە شىعاتىندارىن ايتتى.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
