سەمەيدە ينتەرنەت-الاياقتىقتان تٷسكەن اقشانى اۋدارۋ جەنە قولما-قول اقشاعا اينالدىرۋ ٷشٸن التى ستۋدەنتتٸڭ بانك كارتاسى پايدالانىلعانى انىقتالدى. بٸر ستۋدەنتتٸڭ شوتىنا عانا 25 ادامنان 16 ملن تەڭگەدەن استام قاراجات تٷسكەن, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ اباي وبلىسى بويىنشا دەپارتامەنتٸنٸڭ مەلٸمەتٸنشە, تەرگەۋ بارىسىندا جەرگٸلٸكتٸ ۋنيۆەرسيتەتتٸڭ التى ستۋدەنتٸ انىقتالىپ, ولاردان جاۋاپ الىنعان. قما مەلٸمەتٸنشە, ستۋدەنتتەرگە تيەسٸلٸ بانك كارتالارىنا اقشا قابىلدانىپ, كەيٸن قاراجات بٸرنەشە بٶلٸككە بٶلٸنٸپ, باسقا شوتتارعا اۋدارىلعان.
مۇنداي تەسٸل اقشا قاراجاتىنىڭ شىعۋ تەگٸن جاسىرىپ, قارجى قوزعالىسىن باقىلاۋدى قيىنداتقان. كەيٸن تٷسكەن قاراجات قولما-قول اقشاعا اينالدىرىلعان.
قما انىقتاعانداي, اتالعان شوتتارعا اقشا اۋدارعان ازاماتتاردىڭ بارلىعى ينتەرنەت-الاياقتىق ٸستەرٸ بويىنشا جەبٸرلەنۋشٸلەر بولعان. ولاردىڭ قاتارىندا اباي, قاراعاندى, اقتٶبە, تٷركٸستان, اتىراۋ, باتىس قازاقستان, پاۆلودار, اقمولا, جامبىل جەنە الماتى وبلىستارىنىڭ, سونداي-اق الماتى مەن شىمكەنت قالالارىنىڭ تۇرعىندارى بار.
قازٸر تەرگەۋ جالعاسىپ جاتىر. قىلمىستىق-پروتسەستٸك كودەكستٸڭ 201-بابىنا سەيكەس, ٶزگە اقپارات جارييالانبايدى.
