اقتاۋدا تٷركٸ ەلدەرٸنٸڭ «قورقىت اتا» كينوفەستيۆالٸ باستالدى

فوتو: قر مام

اقتاۋ قالاسىندا تٷركٸ ەلەمٸنٸڭ «قورقىت اتا» كينوفەستيۆالٸ سالتاناتتى تٷردە اشىلدى, دەپ حابارلايدى Ult.kz.

قازان ايىنىڭ 1-5 كٷندەرٸ ارالىعىندا ماڭعىستاۋ ٶڭٸرٸ تٷركٸ ەلدەرٸنٸڭ رەجيسسەرلەرٸ, اكتەرلەرٸ, پروديۋسەرلەرٸ مەن كٶرەرمەنٸن توعىستىرعان رۋحاني جەنە مەدەني ورتالىققا اينالادى.

كينوفەستيۆال تٷركٸ مەدەنيەتٸن جەنە ٶنەرٸن دامىتۋ حالىقارالىق ۇيىمىنىڭ (تٷركسوي) باستاماسىمەن ۇيىمداستىرىلدى. ٸس-شارا ەزەربايجان, قازاقستان, قىرعىزستان, تٷركٸمەنستان, تٷركييا جەنە ٶزبەكستاننىڭ ۇلتتىق كينو ۇيىمدارىن بٸرٸكتٸرەدٸ.

بۇعان دەيٸن فەستيۆال ستامبۇلدا, بۋرسادا, شۋشادا جەنە اناۋدا (اشحاباد) ٶتتٸ. 2025 جىلى العاش رەت قازاقستان تٷركٸ مەملەكەتتەرٸن قابىلدادى. سەبەبٸ اقتاۋ قالاسى بيىل تٷركٸ ەلەمٸنٸڭ مەدەني استاناسى مەرتەبەسٸنە يە بولدى. اقتاۋ شاھارى تٷركٸ كينەماتوگرافىنىڭ جاڭا ورتالىعىنا اينالدى. جيىنعا العاش رەت ماجارستاننان دا ماماندار قاتىسۋدا.

سالتاناتتى ٸس-شارانىڭ اشىلۋ رەسٸمٸ «دوستىق ٷيٸندە» ٶتتٸ. فەستيۆالدە رەجيسسەر دۋمان ەركٸمبەكتٸڭ تولىقمەتراجدى العاشقى تۋىندىسى – «QAITADAN» فيلمٸ كٶرسەتٸلدٸ. بۇل كارتينا قازاق كينوسى تاريحىندا العاش رەت مەملەكەت قولداۋىمەن تٷسٸرٸلٸپ, 1 ميلليارد تەڭگەدەن استام قارجى جيناپ, رەكورد ورناتتى.

سالتاناتتى رەسٸمدە قر ۇلتتىق كينونى قولداۋ مەملەكەتتٸك ورتالىعىنىڭ باسقارما تٶراعاسى قۇرمانبەك جۇماعالي سٶز سٶيلەدٸ. ونىڭ ايتۋىنشا, «قورقىت اتا» كينوفەستيۆالٸن اقتاۋدا ٶتكٸزۋ – ٷلكەن مەرتەبە. سەبەبٸ اقتاۋعا بيىل تٷركٸ ەلەمٸنٸڭ مەدەني استاناسى اتاعى بەرٸلدٸ.

فەستيۆالدٸڭ بايقاۋ باعدارلاماسىنا قر مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن كەلەسٸ تۋىندىلار ەندٸ: - «Joqtau» (رەج. ارۋان انارتاي) - «پريانيكي دليا ەيو وتتسا, موەگو پرادەدا, ەيو دەدا» (رەج. الينا مۋستافينا) - «ەۆا. باتىر قىز» (رەج. تەمٸربەك امانجول) - «اتامەكەن» (رەج. جاننا قۇرماشەۆا).

فەستيۆال اياسىندا جەتەكشٸ كينو قايراتكەرلەرٸمەن شىعارماشىلىق كەزدەسۋلەر, كينوسامميت, بايقاۋ جەنە بايقاۋدان تىس فيلمدەر كٶرسەتٸلٸمٸ, سونداي-اق ماڭعىستاۋ ٶڭٸرٸنٸڭ تۇمسا تابيعاتىن تانىستىراتىن مەدەني باعدارلاما ۇيىمداستىرىلماق. بايقاۋدان تىس باعدارلامادا كينو ورتالىعىنىڭ «قاجىمۇقان» فيلمٸ (رەج. قاناعات مۇستافين) كٶرسەتٸلەدٸ.

4 قازاندا فەستيۆالدٸڭ جابىلۋ سالتاناتى ٶتٸپ, جەڭٸمپازدار ماراپاتتالادى. قازىلار القاسى «ٷزدٸك كٶركەم فيلم», «ٷزدٸك رەجيسسەر», «ٷزدٸك ستسەناريي», «ٷزدٸك اكتريسا» جەنە «ٷزدٸك اكتەر» نوميناتسييالارى بويىنشا جەڭٸمپازداردى انىقتايدى. بۇعان قوسا, تٷركسوي-دىڭ «تٷركٸ مەدەنيەتٸنە قوسقان ٷلەسٸ ٷشٸن» ارنايى سىيلىعى دا تابىستالادى.