فوتو: تٷسٸرٸلٸم الاڭىنان
Unico Play «قارا بەكٸرە» اتتى كەڭ اۋقىمدى قازاقستاندىق تەلەحيكايا تٷسٸرٸپ جاتىر. بۇل جوبا وتاندىق كينەماتوگرافيياعا دەگەن كٶزقاراستى تٷبەگەيلٸ ٶزگەرتۋٸ مٷمكٸن. فورت-شەۆچەنكونىڭ قاتال تابيعاتى مەن اقتاۋدىڭ ٶندٸرٸستٸك كولوريتٸ — كاسپيي ماڭىنداعى ەلەۋمەتتٸك جەنە ەكولوگييالىق مەسەلەلەردٸ كٷن تەرتٸبٸنە قوياتىن شيەلەنٸستٸ وقيعانىڭ باستى الاڭىنا اينالادى.
سوڭعى زەرتتەۋلەرگە سەيكەس, كاسپيي تەڭٸزٸ تارتىلىپ, سۋدىڭ دەڭگەيٸ 70 سم-گە تٷسٸپ كەتكەن, ال كەيبٸر جەرلەرٸندە 50 شاقىرىمعا جۋىق تەڭٸز تابانى قۇرلىققا اينالعان. بۇل ٶزگەرٸس ٶڭٸردٸڭ بيوالۋاندىعى مەن تٸرشٸلٸگٸنە ٷلكەن قاۋٸپ تٶندٸرۋدە. بەكٸرە, بەلۋگا, ورىس جەنە جۇلدىزشا بەكٸرە بالىقتارىنىڭ پوپۋلياتسيياسى شامادان تىس اۋلاۋ مەن تابيعي مەكەنٸنٸڭ بۇزىلۋى سالدارىنان 90%-دان استامعا ازايعان. بۇل دەرەكتەرگە تٷسٸنٸكتەمە بەرۋدٸڭ قاجەتٸ شامالى*. ەندٸ پروبلەمانى ەكران ارقىلى كٶپشٸلٸككە كٶرسەتەتٸن ۋاقىت كەلدٸ.
اعايىن مەن تابيعات تۋرالى دراما
ون جىل تٷرمەدە وتىرعان نۇربول 2012 جىلى تۋعان جەرٸ — اقتاۋعا ورالادى. بٸراق شىندىقتى ەستٸگەندە تٶبە شاشى تٸك تۇرادى: ٸنٸسٸ ازات قارا ۋىلدىرىقپەن اينالىساتىن براكونەرلٸك توپتىڭ مٷشەسٸ. نۇربول تۋعان باۋىرىن قۇتقارۋ ٷشٸن تاعى دا قىلمىس كەڭ تارالعان جەنە ادام قولىنان ۋلانعان سۋ استى ەلەمٸنە كٸرۋگە مەجبٷر بولادى. مۇندا ادامدار ٶز-ٶزٸمەن عانا ەمەس, تابيعاتتىڭ ٶزٸ — ادام قولىنان جارالعان ستيحييامەن كٷرەسەدٸ.
فوتو: تٷسٸرٸلٸم الاڭىنان
ەلەۋمەتتٸك سالماق پەن جانرلىق ٷيلەسٸم
«قارا بەكٸرە» — بۇل قاراپايىم قىلمىستىق ساگا ەمەس. بۇل تەلەحيكايادا وتباسى ٸشٸندەگٸ ەموتسيونالدى قاقتىعىس پەن قازاقستاندىق «شىعىس ۆەستەرن» توعىسادى. مۇندا وتباسىلىق بايلانىستىڭ ٷزٸلۋٸ, ەكولوگييالىق اپات, براكونەرلٸك جەنە قىلمىستىڭ ٶرشۋٸ سيياقتى تاقىرىپتار كٶتەرٸلەدٸ — جەنە وسىنىڭ بارلىعى ادامنىڭ ٶزٸ سەبەپ بولعان اپات اياسىندا ٶربيدٸ.
تەجٸريبەلٸ ماماندار مەن جاڭا تالانتتاردان قۇرالعان توپ
رەجيسسۋرانى بەرٸك جاحانوۆ ەسٸمدٸ مىقتى جاس دارىن قولعا العان. ال جوبانىڭ باس پروديۋسەرلەرٸنٸڭ بٸرٸ — انارا جۋنۋسوۆا.
«بۇل جاي عانا سەريال ەمەس — بۇل جان ايقايى. بٸز شىنايى ادامدار تۋرالى, شىنايى كاسپيي تۋرالى جەنە شىنايى قيىنشىلىقتار تۋرالى ايتامىز. بۇل تەلەحيكايادا تەڭٸز — جاي عانا فون ەمەس, بۇل — تٸرٸ كەيٸپكەر. بٸز وسى كەيٸپكەرلەردەن ادامدار ٶزٸن تانىعانىن قالايمىز», — دەيدٸ باس پروديۋسەر انارا جۋنۋسوۆا.
جوبا قازاقستاندىق كينوعا جاڭا ەسٸمدەر سىيلاماق. Unico Play كومانداسى قاشاندا تانىمال جۇلدىزدارعا عانا ەمەس, تالانتتى جاڭا اكتەرلەرگە دە مٷمكٸندٸك بەرۋدٸ ماقسات ەتەدٸ.
«بٸزدٸڭ ماقساتىمىز — جاي عانا كينو تٷسٸرۋ ەمەس, كٶرەرمەننٸڭ جٷرەگٸنە جەتەتٸن, شىنايى دٷنيە جاساۋ. سول ٷشٸن تەجٸريبەسٸ مول اكتەرلەردٸ دە, جاڭا تالانتتاردى دا شاقىرامىز. كٶرەرمەن ەكراننان دامير امانگەلدين, اقجول پريمبەتوۆ, الماگٷل ساعىندىق سيياقتى كٶپشٸلٸككە جاقسى تانىس ەسٸمدەرمەن بٸرگە جاڭا كەيٸپكەرلەردٸ كٶرگەندە, بۇل ەردايىم قىزىقتىرىپ, باۋراپ الادى. مۇنداي جاڭا تىنىس وقيعاعا دا, جالپى يندۋستريياعا دا سەرپٸن بەرەدٸ. بٸزدٸڭ جاعدايدا بۇل سەرپٸندٸ ەلدوس شايكەنوۆ پەن ماقسات راحمەت الىپ شىعادى. ولار تەاتر ساحناسىندا جاقسى تانىس بولسا دا, ەندٸ ٷلكەن اۋديتورييانى باعىندىرۋعا دايىن», — دەيدٸ انارا جۋنۋسوۆا.
سەريال تٷسٸرٸلٸمٸندەگٸ ەڭ كٷردەلٸ سىناقتاردىڭ بٸرٸ — اشىق تەڭٸزدەگٸ كٶرٸنٸستەر بولدى.
«اقتاۋ مەن ماڭعىستاۋ وبلىسى تۇرعىندارىنا بٸزدٸ جىلى قابىلداپ, كٶمەك كٶرسەتكەندەرٸ ٷشٸن العىس ايتامىز. تۇرعىندار بارىنشا بٸزدٸ قولداپ, كەرەك كەزدە قول ۇشىن بەرگەندەرٸنٸڭ ارقاسىندا تٷسٸرٸلٸمنٸڭ سۋ استىنداعى ەڭ قيىن ەكشن ساحنالارى ەش كەدەرگٸسٸز ٶتتٸ. كاسپيي تەڭٸزٸن ەرەكشە اتاپ ٶتكٸم كەلەدٸ – جۇمىس بارىسىندا اۋا-رايى بۇزىلىپ, تٷسٸرٸلٸم كٷندەرٸ كەيٸنگە شەگەرٸلگەن جوق. تابيعاتتىڭ وسى بٸر سىيىن جاقسىلىقتىڭ نىشانى, سەتتٸلٸكتٸڭ بەلگٸسٸ دەپ قابىلدادىق», - دەيدٸ جوبانىڭ پروديۋسەرٸ اننا چەكيرتوۆا.
وسى جوبا ٷشٸن ارنايى تانىمال ماماندار شاقىرىلدى. ولاردىڭ ٸشٸندە «Qash», «جانىم, سەنبەيسٸڭ!», «كەلينكا سابينا» سىندى جوبالارمەن تانىلعان قازاقستاندىق وپەراتور ازامات دۋلاتوۆ جەنە «گولياف», «دالا قاسقىرى», «نۋلەۆىە» فيلمدەرٸ ارقىلى تانىمال قويۋشى-سۋرەتشٸ ەرمەك ۋتەگەنوۆ بار. تٷسٸرٸلٸمدە سۋاستى كامەرالارى, تابيعي جارىق, سونداي-اق اكتەرلەرگە ەكسترەمالدى جاعدايدا جۇمىس ٸستەۋگە مٷمكٸندٸك بەرەتٸن بارلىق ساقتىق شارالارى قولدانىلۋدا. مۇنداي تەسٸل كٶرەرمەندٸ شىنايى ەرٸ ەسەرلٸ اتموسفەراعا ەلٸتٸپ ەكەتەتٸن كٶركەم ورتا جاسايدى.
انىقتاما
سەريال: «قارا بەكٸرە»
ٶندٸرۋشٸ كومپانييالار: Unico Play, Taurus Asia production
جانر: ەلەۋمەتتٸك دراما, ەكودراما
باس پروديۋسەرلەر: انارا جۋنۋسوۆا, ۆاسيليي كۋتسەنكو, يرينا سوسنوۆايا, بەكسۇلتان قازىبەك
پروديۋسەر: اننا چاكيرتوۆا
اتقارۋشى پروديۋسەر: جانارا تۋرپاتوۆا
قويۋشى رەجيسسەر: بەرٸك جاحانوۆ
يدەيا اۆتورلارى: انارا جۋنۋسوۆا, دياس بەرتيس
ستسەناريي اۆتورلارى: ەلەنا ليساسينا, نۇربول ەربولۇلى, قۋانىش ستاحانوۆ, الەن راحمەتاليەۆ, رايىمبەك ەلجانوۆ, دارحان وسپانوۆ, ايدوس كەمەديلداەۆ, ەسەل قادىرسەيٸت
باستى رٶلدەردە: دامير امانگەلدين, ەلدوس شايكەنوۆ, ماقسات راحمەت, الماگٷل ساعىندىق, مەيٸرعات امانگەلدين, اقجول پريمبەتوۆ, بولات ۇزاقوۆ, ەدٸلجان شومبالوۆ, ايدار كاريمباەۆ, سىرىم قاشقاباەۆ, مەرەي ماكاجان, الەكسەي شەمەس
قىسقاشا سينوپسيس:
ون جىل تٷرمەدە وتىرعان نۇربول اقتاۋعا قايتا ورالىپ, جاڭا ٶمٸر باستاپ, ٸنٸسٸ ازاتپەن تاتۋلاسقىسى كەلەدٸ. الايدا بۇل وڭاي بولمايدى. ٶيتكەنٸ ازات براكونەرلٸك توپتىڭ بەلسەندٸ مٷشەسٸ, ونىڭ جەتەكشٸسٸ — نۇربولدىڭ بۇرىنعى دوسى قايرات. ازات اعاسىن ەكەسٸنٸڭ ٶلٸمٸ ٷشٸن كٸنەلايدى.
كاسپييدٸڭ تارتىلۋى مەن بالىق شارۋاشىلىعىنا تالاس فونىندا قىلمىستىق توپتار اراسىندا قاقتىعىس ٶرشي تٷسەدٸ. قايراتتىڭ قارسىلاستارى — ساپاردىڭ توبى ازاتتى تۇتقىنعا العان سوڭ, نۇربول ونى قۇتقارۋ ٷشٸن قىلمىستىق ەلەمگە قايتا كٸرەدٸ.
سونىمەن قاتار, بالىق ينسپەكتورى ماليكا براكونەرلەرگە قاتىستى اۋقىمدى جەمقورلىق سحەماسىن تەرگەپ جاتىر. كٷتپەگەن جەردەن ونىڭ جولى نۇربولمەن توعىسادى, ولاردىڭ اراسىندا سەزٸم پايدا بولادى — بٸراق ماليكا ونىڭ كٸم ەكەنٸن بٸلمەيدٸ.
