اقتاۋدا قالاسىنىڭ ماڭىنان ۇستالعان ارىستاننىڭ يەسٸ ٸزدەستٸرٸلٸپ جاتىر, دەپ حابارلايدى "ۇلت اقپارات".
ەسكە سالا كەتسەك بۇعان دەيٸن پوليتسييا قىزمەتكەرلەرٸنٸڭ اقتاۋ قالاسىنىڭ ماڭىنان ارىستان ۇستاپ العانى حابارلانعان بولاتىن. 102 پۋلتٸنە اقشٷكٸر كەنتٸندە ەمٸن-ەركٸن جٷرگەن ارىستان تۋرالى حابار كەلٸپ تٷسكەن. اڭدى ينسپەكتورلار ۇستاپ الدى.
وسى وقيعاعا بايلانىستى ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت تٷسٸنٸك بەردٸ.
ونىڭ ايتۋىنشا 25 ماۋسىمدا, ياعني بٷگٸن ساعات تاڭعى 05.30 شاماسىندا جەرگٸلٸكتٸ حالىقتان ماڭعىستاۋ وبلىسىنىڭ تٷپقاراعان اۋدانى اقشۇقىر اۋىلىنىڭ ماڭىندا ارىستاننىڭ جٷرگەنٸ تۋرالى حابارلاما كەلٸپ تٷسكەن.
«ماڭعىستاۋ وبلىسىنىڭ پوليتسييا دەپارتامەنتٸ مەن ورمان شارۋاشىلىعى جەنە جانۋارلار دٷنيەسٸ كوميتەتٸنٸڭ وبلىستىق دەپارتامەنتٸ جابايى اڭدى ۇستاۋعا شىقتى. ماماندار ارىستاندى ۇستادى. قازٸرگٸ ۋاقىتتا ارىستان «قوشقار اتا» ەلدٸمەكەنٸندە باقىلاۋدا», - دەپ جازدى سەكەن دٸلداحمەت Facebook پاراقشاسىندا.
اڭنىڭ جاسى شامامەن 1-1,5 جاستا. ارىستان - اتالىق (ەركەگٸ ىزاقور دەپ اتالادى). افريكالىق ارىستاننىڭ بٸر تٷرٸ. تٷرٸنە قاراعاندا ٷي ارىستانى. ادامداردان قورىقپايدى. «ارىستان سيتەس كونۆەنتسيياسىنىڭ (جوعالۋ قاۋپٸندە تۇرعان, جابايى فاۋنا مەن فلورا تٷرلەرٸنٸڭ حالىقارالىق ساۋداسى بويىنشا كونۆەنتسيياسى) تٸزٸمٸنە ەنگٸزٸلگەن.
«ونىڭ يەسٸن انىقتاپ, قۇجاتتار تەكسەرٸلگەننەن كەيٸن ارىستاننىڭ جايى ارى قاراي نە بولاتىنى شەشٸلەدٸ», - دەپ جازادى سەكەن دٸلداحمەت.
